ಕೇರಳಾ ಕುಟ್ಟಿ ಜಾಕಿ ಭಾವನಾ ಸದ್ಯ ಕರುನಾಡ ಸೊಸೆ ಅನ್ನೋದೇ ಎಷ್ಟೋ ಮಂದಿಗೆ ಗೊತ್ತಿಲ್ಲ. ಇತ್ತೀಚೆಗೆ ನಮ್ಮ ಸ್ಯಾಂಡಲ್ವುಡ್ನಲ್ಲೇ ಬ್ಯುಸಿ ಆಗಿರೋ ಈ ಚೆಂದುಳ್ಳಿ ಚೆಲುವೆ ನಮ್ಮ ಫಿಲ್ಮಿ ಪವರ್ ಟೀಂ ಜೊತೆ ಎಕ್ಸ್ಕ್ಲೂಸಿವ್ ಆಗಿ ಮಾತನಾಡಿದ್ದಾರೆ. ಕನ್ನಡಿಗರ ಪ್ರೀತಿ, ದೊಡ್ಮನೆಯ ಅಪ್ಪು- ಶಿವಣ್ಣ ಬಗ್ಗೆ ಹೆಮ್ಮೆಯ ಮಾತುಗಳಾಡಿದ್ದಾರೆ.
- ಪವರ್ TVಯಲ್ಲಿ ಜಾಕಿ ಭಾವನಾ ಕಲರ್ಫುಲ್ ಕನ್ನಡ
- ಅಪ್ಪು- ಶಿವಣ್ಣ ಬಗ್ಗೆ ಕರುನಾಡ ಸೊಸೆ ಹೇಳೋದೇನು..?
- ‘ಪಿಂಕ್ ನೋಟ್’ಗಾಗಿ ಟ್ರೆಡಿಷನಲ್ ಲುಕ್ನಲ್ಲಿ ಮಿಂಚು
- ಅರ್ಧ ದಶಕದ ನಂತ್ರ ಮತ್ತೆ ಮಲಯಾಳಂನತ್ತ ಮುಖ
ಭಾವನಾ ಅಂದಾಕ್ಷಣ ಚಂದ್ರಮುಖಿ ಪ್ರಾಣಸಖಿ ಭಾವನಾ ನೆನಪಾಗ್ತಾರೆ, ಭಾವನಾ ಮೆನನ್ ನೆನಪಾಗ್ತಾರೆ. ಇವರಲ್ಲದೆ ಗಾಳಿಪಟ ಭಾವನಾನ ಅಂತ ಕನ್ಫ್ಯೂಸ್ ಕೂಡ ಆಗ್ತಾರೆ. ಅದೇ ಜಾಕಿ ಭಾವನಾ ಅಂದ್ಬಿಟ್ರೆ ಕೇಳೋರ ಮೈಂಡ್ಗೆ ಮುದ್ದಾದ ಬೆಡಗಿಯ ಚಿತ್ರಣ ಸಿಕ್ಕಿಬಿಡುತ್ತೆ. ಯೆಸ್.. ಜಾಕಿ ಭಾವನಾ ಕೇರಳಾ ಮೂಲದ ಕುಟ್ಟಿ ಆದ್ರೂ, ನಮ್ಮ ಕರುನಾಡಿನ ಸೊಸೆ ಅನ್ನೋದು ಎಷ್ಟೋ ಜನಕ್ಕೆ ಗೊತ್ತೇಯಿಲ್ಲ.
ನಿರ್ಮಾಪಕ ನವೀನ್ರನ್ನ ಕೈಹಿಡಿದಿರೋ ಈ ಚೆಂದುಳ್ಳಿ ಚೆಲುವೆಯ ಅಂದ ಚೆಂದದಷ್ಟೇ ನಟನೆಯೂ ಬೊಂಬಾಟ್. ಮದ್ವೆ ನಂತ್ರ ಬಹುತೇಕ ಕನ್ನಡ ಸಿನಿಮಾಗಳನ್ನೇ ಮಾಡ್ತಿರೋ ಈ ಬಹುಭಾಷಾ ಬ್ಯೂಟಿ, ಸದ್ಯ ಮತ್ತೊಂದು ಸಿನಿಮಾಗೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಅದೇ ಪಿಂಕ್ ನೋಟ್. ಇತ್ತೀಚೆಗೆ ಮುಹೂರ್ತ ಕಾರ್ಯಕ್ರಮ ನೆರವೇರಿದ್ದು, ಟ್ವಿನ್ ಕ್ಯಾರೆಕ್ಟರ್ನಲ್ಲಿ ಕಾಣಸಿಗಲಿದ್ದಾರಂತೆ ಭಾವನಾ.
ಇನ್ನು ಸಿನಿಮಾದ ಜೊತೆ ಕನ್ನಡ, ಕರುನಾಡು, ಇಲ್ಲಿನ ಜನ ತೋರಿಸಿರೋ ಪ್ರೀತಿಯ ಬಗ್ಗೆ ಜಾಕಿ ಭಾವನಾ ನಮ್ಮ ಫಿಲ್ಮಿ ಪವರ್ ಟೀಂ ಜೊತೆ ಮನಬಿಚ್ಚಿ ಮಾತನಾಡಿದ್ದಾರೆ. ಅಷ್ಟೇ ಅಲ್ಲ, ದೊಡ್ಮನೆಯ ಪುನೀತ್ ರಾಜ್ಕುಮಾರ್ ಹಾಗೂ ಶಿವರಾಜ್ಕುಮಾರ್ ಬಗ್ಗೆಯೂ ಮುಕ್ತವಾಗಿ ತಮ್ಮ ಮನದಾಳ ಹಂಚಿಕೊಂಡಿದ್ದಾರೆ ಕ್ಯೂಟಿ ಭಾವನಾ.
ವಿಶೇಷ ಅಂದ್ರೆ ಸುಮಾರು ಐದು ವರ್ಷದಿಂದ ಬರೀ ಕನ್ನಡ ಸಿನಿಮಾಗಳಲ್ಲೇ ನಟಿಸ್ತಿದ್ದ ಈಕೆ, ಇದೀಗ ದೊಡ್ಡದೊಂದು ಗ್ಯಾಪ್ನ ನಂತ್ರ ಮತ್ತೆ ಮಲಯಾಳಂನತ್ತ ಮುಖ ಮಾಡ್ತಿದ್ದಾರೆ. ಪಿಂಕ್ನೋಟ್ ಚಿತ್ರದ ಜೊತೆಗೆ ಮಲಯಾಳಂ ಚಿತ್ರದಲ್ಲೂ ಬಣ್ಣ ಹಚ್ಚಲಿದ್ದಾರಂತೆ. ಅಲ್ಲಿಗೆ ಗಂಡನ ಮನೆ ಜೊತೆ ತವರು ಮನೆ ಕೂಡ ಮುಖ್ಯ ಅನ್ನೋದನ್ನ ಈ ಮೂಲಕ ಹೇಳತೊಡಗಿದ್ದಾರೆ ಈ ಗ್ಲಾಮರ್ ಡಾಲ್.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
