ಆನೇಕಲ್ : ಸಮೃದ್ಧಿ ಕಾಲೇಜಿನ ವಿದ್ಯಾರ್ಥಿ ರ್ಯಾಗಿಂಗ್ ಕಿರುಕುಳ ತಾಳಲಾರದೆ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಹೊಸಕೋಟೆಯಲ್ಲಿ ನಡೆದಿದೆ.
ಸೋಮನಾಥ್ ( 19 ) ಮೃತ ದೈರ್ದವಿ ವಿದ್ಯಾರ್ಥಿ. ಈತ ಹೊಸಕೋಟೆಯಲ್ಲಿರುವ ಸಮೃದ್ಧಿ ಕಾಲೇಜಿನಲ್ಲಿ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದ. ಇವನು ಕಾಲೇಜು ವಿದ್ಯಾರ್ಥಿಗಳ ವಾಟ್ಸಾಪ್ ಗ್ರೂಪ್ನಲ್ಲಿ ಯುವತಿಯೊಂದಿಗೆ ಚಾಟ್ ಮಾಡಿದ್ದ ಸಂದೇಶಗಳನ್ನ ಶೇರ್ ಮಾಡಿ ಬೇರೆ ವಿದ್ಯಾರ್ಥಿಗಳು ರ‍್ಯಾಗ್‌ ಮಾಡುತ್ತಿದ್ದರು. ಈ ಸಂಬಂಧ ಕೆಲ ವಿದ್ಯಾರ್ಥಿಗಳು ಹಾಗೂ ಸೋಮನಾಥ್ ನಡುವೆ ವಾಕ್ಸಮರ ಸಮರವಾಗಿದ್ದು, ಬಳಿಕ ಕಾಲೇಜಿಗೆ ಬಾ ನೋಡಿಕೊಳ್ತೇವೆ ಎಂದು ಕೆಲ ವಿಧ್ಯಾರ್ಥಿಗಳು ಬೆದರಿಕೆ ಹಾಕಿದ್ದರು.
ಇದರಿಂದ ಮನನೊಂದ ವಿದ್ಯಾರ್ಥಿ ಮೇ 5 ರಂದು ಸ್ಯೂಸೈಡ್ ನೋಟ್ ಬರೆದಿಟ್ಟು, ಮನೆ ಬಿಟ್ಟು ಹೋಗಿದ್ದ. ಈತನ ಪೋಷಕರು ಹೊಸಕೋಟೆಯಲ್ಲಿ ಮಿಸ್ಸಿಂಗ್ ಕೇಸ್ ದಾಖಲಿಸಿದ್ದರು. ಎರಡು ದಿನಗಳ ಬಳಿಕ ತಮಿಳುನಾಡಿನಿಂದ ಸ್ಯಾಂಡ್ ತುಂಬಿದ್ದ ಟಿಪ್ಪರ್ ಲಾರಿಯಲ್ಲಿ ಶವವಾಗಿ ಪತ್ತೆಯಾಗಿದೆ.
ಇನ್ನು ಮಾರತ್ಹಳ್ಳಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ. ತಮಿಳುನಾಡು ಕ್ವಾರಿ ಮತ್ತು ಕೆಆರ್ ಪುರಂ ಸ್ಟಾಂಡ್ನಲ್ಲಿ ಎಲ್ಲರ ವಿಚಾರಣೆಯನ್ನು ಮಾಡಲಾಗಿದೆ.
ಯಾವುದೇ ಸುಳಿವು ಸಿಗದ ಹಿನ್ನಲೆ ಮಾಸ್ಕ್ ಮೇಲಿನ ಹೆಸರು ನೋಡಿ ಮೃತನ ಮಾಹಿತಿ ಪತ್ತೆ ಮಾಡಲಾಗಿದೆ. ಆದರೆ ಅನುಮನಾಸ್ಪದ ಸಾವು ಹಿನ್ನಲೆ ಮಾರತಹಳ್ಳಿ ಪೊಲೀಸರಿಂದ ತನಿಖೆ ಮಾಡಲಾಗುತ್ತಿದೆ.
