ಕೆಜಿಎಫ್ ರಿಲೀಸ್ ಆದ ಬರೋಬ್ಬರಿ ಮೂರು ವರ್ಷದ ಬಳಿಕ ಅದ್ರ ಸೀಕ್ವೆಲ್ ರಿಲೀಸ್ಗೆ ಸಕಲ ತಯಾರಿ ನಡೆಯುತ್ತಿದೆ. ಮಾಸ್ಟರ್ಮೈಂಡ್ಗಳ ಮಾಸ್ಟರ್ಪೀಸ್ ಸಿನಿಮಾ ಮೊದಲ ಭಾಗದ ಹತ್ತು ಪಟ್ಟು ಇಂಪ್ರೆಸ್ಸೀವ್ ಆಗಿರಲಿದ್ದು, ತೂಫಾನ್ ಬರೋ ಮನ್ಸೂಚನೆ ಕೊಟ್ಟಿದೆ. ರಾಕಿಭಾಯ್ ರಾಕಿಂಗ್ ಎಂಟ್ರಿ ಕುರಿತ ಇನ್ಸೈಡ್ ಸ್ಟೋರಿ ನೋಡಿ.
250 ಕೋಟಿ ಬಾಕ್ಸ್ ಆಫೀಸ್ ಇತಿಹಾಸ ಸೃಷ್ಠಿಸಿದ ಕೆಜಿಎಫ್ ಸಿನಿಮಾ, ವರ್ಲ್ಡ್ ಸಿನಿದುನಿಯಾಗೆ ಕನ್ನಡ ಸಿನಿಮಾಗಳ ಗತ್ತು, ಕನ್ನಡ ಮೇಕರ್ಗಳ ಗಮ್ಮತ್ತನ್ನು ಅರ್ಥೈಸಿತ್ತು. ಇದೀಗ ಎಲ್ಲೆಲ್ಲೂ ಕೆಜಿಎಫ್ ಭಾಗ ಎರಡರದ್ದೇ ಸದ್ದು ಗದ್ದಲ. ಪರಭಾಷಿಗರೂ ಸಹ, ಬಕಪಕ್ಷಿಗಳಂತೆ ರಾಕಿಭಾಯ್ ಸಾಮ್ರಾಜ್ಯವನ್ನು ಕಣ್ತುಂಬಿಕೊಳ್ಳೋಕೆ ಕಾತರರಾಗಿದ್ದಾರೆ.
ಹೊಂಬಾಳೆ ಫಿಲಂಸ್ನ ವಿಜಯ್ ಕಿರಗಂದೂರು ನಿರ್ಮಾಣದ ಹಾಗೂ ಪ್ರಶಾಂತ್ ನೀಲ್ ನಿರ್ದೇಶಕದ ಕೆಜಿಎಫ್ 2 ಟೀಸರ್ ಬರೋಬ್ಬರಿ 244 ಮಿಲಿಯನ್ ವೀವ್ಸ್ನಿಂದ ಹಾಲಿವುಡ್ ಮಂದಿತ ನಿದ್ದೆಗೆಡಿಸಿದೆ. ಬಾಲಿವುಡ್ ಮಂದಿ ಅಂತೂ ಮೊದಲ ಭಾಗಕ್ಕೇ ದಂಗಾಗಿದ್ರು. ಇದೀಗ ಮಾನ್ಸ್ಟರ್ ಡೈರೆಕ್ಟರ್, ಗ್ಯಾಂಗ್ಸ್ಟರ್ ಌಕ್ಟರ್ ಎಂಟ್ರಿಗೆ ಮುಹೂರ್ತ ಫಿಕ್ಸ್ ಆಗಿದೆ.
ಕೊರೋನಾದಿಂದ ಲೇಟ್ ಆದ್ರೂ ಸಿಕ್ಕಾಪಟ್ಟೆ ಲೇಟೆಸ್ಟ್ ಆಗಿ ಬರಲಿದೆ ಕೆಜಿಎಫ್ 2. ಇದೇ ಏಪ್ರಿಲ್ 14ಕ್ಕೆ ವಿಶ್ವದಾದ್ಯಂತ ರಾಕಿಭಾಯ್ ಕಿಂಗ್ಡಮ್ ದೊಡ್ಡ ಪರದೆ ಆವರಿಸಲಿದೆ. ಕೆಜಿಎಫ್ ಬಂದು ಮೂರು ವರ್ಷ ಕಳೆದ್ರೂ ಅದ್ರ ಕ್ರೇಜ್ ಮಾತ್ರ ಕಿಂಚಿತ್ತೂ ಕಮ್ಮಿ ಆಗಿಲ್ಲ. ಇದೀಗ ರಿಲೀಸ್ ಡೇಟ್ ಹತ್ತಿರ ಆಗ್ತಿದ್ದಂತೆ ಚಿತ್ರತಂಡ, ಪ್ರಮೋಷನಲ್ ಌಕ್ಟಿವಿಟೀಸ್ನ ಜೋರಾಗಿ ಮಾಡ್ತಿದೆ.
ಮಾರ್ಚ್ 27ಕ್ಕೆ ಕೆಜಿಎಫ್ ಸೀಕ್ವೆಲ್ನ ಟ್ರೈಲರ್ ಲಾಂಚ್ಗೆ ಮುಹೂರ್ತ ಫಿಕ್ಸ್ ಮಾಡಿದೆ ಟೀಂ. ಆದ್ರೆ ಅದಕ್ಕೂ ಮುನ್ನ ಆಲ್ಬಂನ ಫಸ್ಟ್ ಸಾಂಗ್ನ ರಿವೀಲ್ ಮಾಡ್ತಿದೆ. ಅದೇ ತೂಫಾನ್ ಸಾಂಗ್. ಹೌದು.. ಇದು ಹೀರೋ ಇಂಟ್ರಡಕ್ಷನ್ ಸಾಂಗ್ ಆಗಿದ್ದು, ರಾಕಿಭಾಯ್ ರಾಕಿಂಗ್ ಎಂಟ್ರಿ ತೂಫಾನ್ ರೇಂಜ್ಗಿರಲಿದೆಯಂತೆ.
ರವಿ ಬಸ್ರೂರು ಮ್ಯೂಸಿಕ್ ಕಂಪೋಸ್ ಮಾಡಿರೋ ತೂಫಾನ್ ಸಾಂಗ್ ಕನ್ನಡದ ಜೊತೆ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿಯಲ್ಲೂ ರಿಲೀಸ್ ಆಗ್ತಿದೆ. ನರಾಚಿ ಸಾಮ್ರಾಜ್ಯದಲ್ಲಿ ಹುಡ್ಗರು ತೂಫಾನ್ಗಾಗಿ ಎದುರು ನೋಡ್ತಿರೋ ಸ್ಟಿಲ್ ಫೋಟೋನೇ ಅತೀವ ನಿರೀಕ್ಷೆ ಮೂಡಿಸಿದೆ. ಇದೇ ಮಾರ್ಚ್ 21ರ ಬೆಳಗ್ಗೆ 11.7ಕ್ಕೆ ಈ ಸಾಂಗ್ ಲಾಂಚ್ ಆಗ್ತಿದ್ದು, ಮ್ಯೂಸಿಕ್ ಮಾಂತ್ರಿಕ ಬಸ್ರೂರ್ ಈ ಬಾರಿ ಯಾವ ಬಗೆಯ ಟ್ಯೂನ್ಸ್ನಿಂದ ಹಾವಳಿ ಇಡ್ತಾರೆ ಅನ್ನೋದು ಕಾದು ನೋಡಬೇಕಿದೆ.
ಸಂಜಯ್ ದತ್, ರವೀನಾ ಟಂಡನ್, ವಸಿಷ್ಠ ಸಿಂಹ, ಪ್ರಕಾಶ್ ರೈ, ರಾವು ರಮೇಶ್, ಶ್ರೀನಿಧಿ ಶೆಟ್ಟಿ, ಅಚ್ಯುತ್ ಹೀಗೆ ಬಹುದೊಡ್ಡ ತಾರಾಗಣವಿರೋ ಕೆಜಿಎಫ್ 2, ಈ ಬಾರಿ ಸಾವಿರ ಕೋಟಿ ದೋಚಿದ್ರೂ ಅಚ್ಚರಿಯಿಲ್ಲ. ಕಾರಣ ಕೆಜಿಎಫ್ ಚಿತ್ರಕ್ಕಿಂತ ಹತ್ತು ಪಟ್ಟು ಜೋರಿರಲಿದೆಯಂತೆ ಈ ಬಾರಿಯ ಸೀಕ್ವೆಲ್ ಗೈರತ್ತು. ಒಟ್ಟಾರೆ ನೀಲ್- ರಾಕಿಭಾಯ್ ಈ ಬಾರಿಯೂ ಕಮಾಲ್ ಮಾಡೋದ್ರಲ್ಲಿ ಡೌಟೇ ಇಲ್ಲ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
