ನವದೆಹಲಿ: ಚೀನಾ- ಭಾರತ ಗಡಿ ವಿಚಾರದಲ್ಲಿ ಕೇಂದ್ರ ಸರ್ಕಾರ ಹೇಳುತ್ತಿರುವುದು ಸುಳ್ಳು. ಚೀನಿ ಸೇನೆ ಗಡಿ ಅತಿಕ್ರಮ ನಡೆಸಿಲ್ಲ ಎಂಬುದು ನಂಬಲರ್ಹವಾಗಿಲ್ಲ ಎಂದು ಬಿಜೆಪಿ ಹಿರಿಯ ಧುರೀಣ, ರಾಜ್ಯಸಭಾ ಸದಸ್ಯ ಸುಬ್ರಮಣಿಯನ್ ಸ್ವಾಮಿ ಮೋದಿ ಸರ್ಕಾರದ ವಿರುದ್ಧ ಟೀಕಾ ಪ್ರಹಾರ ನಡೆಸಿದ್ದಾರೆ.
ಚೀನಿಗಳು ನಮ್ಮ ದೇಶದ ಗಡಿ ದಾಟಿ ಅತಿಕ್ರಮಣ ಮಾಡಿಲ್ಲ ಎಂಬುದು ನಂಬಲಾಗಲ್ಲ. ಒಂದು ವೇಳೆ ಇದು ನಿಜವಾದಲ್ಲಿ, ಈ ಬಗ್ಗೆ ನಮ್ಮ ಸೈನಿಕರೇ ನಮಗೆ ಸುಳ್ಳು ಹೇಳುತ್ತಿದ್ದಾರೆ ಎಂದರ್ಥ ಎಂದು ಹೇಳಿದ್ದಾರೆ. ಸಂಸತ್ ಅಧಿವೇಶನದಲ್ಲೂ ನಾನು ಈ ಬಗ್ಗೆ ಪ್ರಶ್ನಿಸಿದ್ದೆ. ಆದರೆ, ಅದು ರಾಷ್ಟ್ರೀಯ ಭದ್ರತೆಯ ಕಾರಣ ಮಾಹಿತಿ ನೀಡಲಾಗಲ್ಲ ಎಂದು ಕೇಂದ್ರ ಸರ್ಕಾರ ತಿಳಿಸಿತ್ತು. ಕೇಂದ್ರದ ಈ ನಡೆಯನ್ನು ನಂಬಲಾಗಲ್ಲ. ಅಲ್ಲದೇ, ಸಚಿವ ರಾಜನಾಥ್ ಅವರು ಈ ವಿಚಾರದಲ್ಲಿ ನಿಖರ ಮಾಹಿತಿ ಹೊಂದಿಲ್ಲ ಎಂದು ಆರೋಪಿಸಿದ್ದಾರೆ.
