ಕಾಂಗ್ರೆಸ್ನಲ್ಲಿ ಆಗಾಗ ಗಲಾಟೆ ಗೂಂಡಾಗಿರಿ ವಿಷಯ ಬಂದರೆ ನೆನಪಾಗೋದು ಹ್ಯಾರಿಸ್ ಮಗ ನಲ್ಪಾಡ್ ಹೆಸರು. ವಿಧ್ವತ್ ಜೊತೆ ಮಾರಾಮಾರಿ ಕೇಸಿನಲ್ಲಿ ಸ್ವಲ್ಪದರಲ್ಲಿ ಬಚಾವಾದ ನಲ್ಪಾಡ್ ನಂತರ ಬದಲಾಗಿದ್ದಾರೆ ಎಂದುಕೊಂಡವರಿಗೆ ಇದೀಗ ಮತ್ತೆ ನಲ್ಪಾಡ್ ದುಂಡಾವರ್ತನೆಯ ಸುದ್ದಿ ಯೋಚಿಸುವಂತೆ ಮಾಡಿದೆ.
ಬಳ್ಳಾರಿ ಯೂತ್ ಕಾಂಗ್ರೆಸ್ ಅಧ್ಯಕ್ಷ ಸಿದ್ದು ಹಳ್ಳೆಗೌಡರ ಮೇಲೆ ನಲ್ಪಾಡ್ ಹಾಗೂ ಬೆಂಬಲಿಗರು ಹಲ್ಲೆ ಮಾಡಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಈ ಆರೋಪವನ್ನು ಸ್ವತಃ ಸಿದ್ದು ಹಳ್ಳೇಗೌಡರೆ ಮಾಡಿ, ಅದು ಎಲ್ಲ ಮಾಧ್ಯಮಗಳಲ್ಲೂ ಪ್ರಸಾರವಾದ ಬೆನ್ನಲ್ಲಿ ಇದೀಗ ಕಾಂಗ್ರೆಸ್ ನಾಯಕರಿಗೆ ತಲೆಬಿಸಿ ಶುರುವಾಗಿದೆ. ರಾತ್ರಿಯ ಪಾರ್ಟಿಯಲ್ಲಿ ಕಾಂಗ್ರೆಸ್ ಯುವನಾಯಕರು ಕುಡಿದು ಮಧ್ಯದ ಅಮಲಿನಲ್ಲಿ ಕಿರಿಕ್ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಯೂತ್ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನದ ವಿಚಾರವಾಗಿ ತಮಗೆ ಬೆಂಬಲ ನೀಡದ್ದಕ್ಕೆ ನಲಪಾಡ್ ರೋಷಾವೇಶ ತೋರಿಸಿದ್ದಾರೆ ಎನ್ನಲಾಗಿದೆ.
ಉಪಾಧ್ಯಕ್ಷ ಮಂಜುನಾಥ್ಗೆ ಸಪೋರ್ಟ್ ಮಾಡಿದ್ದಕ್ಕೆ ನಲ್ಪಾಡ್ ಸಿದ್ದು ಹಳ್ಳೇಗೌಡನ ಮೇಲೆ ಆಕ್ರೋಷಗೊಂಡು “ಏನೋ ಲೇ ಮಂಜುನಾಥ್ಗೆ ಸಪೋರ್ಟ್ ಮಾಡ್ತೀಯಾ” ಎಂದು ಆವಾಜ್ ಹಾಕಿದರು ಎನ್ನಲಾಗಿದೆ. ಬರಿ ಆವಾಜ್ ಹಾಕುವುದಷ್ಟೇ ಅಲ್ಲದೆ ಬಳ್ಳಾರಿ ಯೂತ್ ಕಾಂಗ್ರೆಸ್ ಅಧ್ಯಕ್ಷ ಸಿದ್ದು ಹಳ್ಳೇಗೌಡ ಮೇಲೆ ಹಲ್ಲೆಯನ್ನೂ ಸಹ ನಲ್ಪಾಡ್ ಮಾಡಿದ್ದಾರೆ ಎನ್ನಲಾಗಿದೆ. ಸಿದ್ದು ಹಳ್ಳೇಗೌಡ ಕಾರು ಚಾಲಕನಿಗೂ ಧಮ್ಕಿ ಹಾಕಿದ್ದಾರೆ ಎಂದು ಆರೋಪಿಸಲಾಗಿದೆ. ಸಿದ್ದು ಹಳ್ಳೇಗೌಡ ಹಾಗೂ ಬೆಂಬಲಿಗರನ್ನ ಮಂಜುನಾಥ್ಗೌಡ ಪಾರು ಮಾಡಿದ್ದಾರೆ. ಇವೆಲ್ಲ ವಿವರಗಳನ್ನು ಸಿದ್ದು ಹಳ್ಳೇಗೌಡ ತಮ್ಮ ವಾಟ್ಸ್ ಆ್ಯಪ್ನಲ್ಲಿ ಶೇರ್ ಮಾಡಿರುವುದು ಎಲ್ಲೆಡೆ ವೈರಲ್ ಆಗಿದೆ.
ಆದರೆ ನಲ್ಪಾಡ್ ತಾವು ಹಲ್ಲೆ ಮಾಡಿದ ವಿಷಯವನ್ನು ನಿರಾಕರಿಸಿದ್ದಾರೆ. ತಮಗೆ ಅದ್ಯಕ್ಷ ಸ್ಥಾನ ತಪ್ಪಿಸಲು ಈ ರೀತಿ ಶಡ್ಯಂತ್ರ ರಚಿಸಲಾಗುತ್ತಿದೆ. ತಮ್ಮ ಪಕ್ಷದವರೇ ಈ ರೀತಿ ಮಾಡುತ್ತಿರಬಹುದು ಎಂದು ಅವರು ಹೇಳಿಕೆ ನೀಡಿದ್ದಾರೆ. ನಲ್ಪಾಡ್ ಪರವಾಗಿ ಈಶ್ವರ್ ಖಂಡ್ರೆ ಬ್ಯಾಟಿಂಗ್ ಮಾಡಿದ್ದಾರೆ. ಇಂಥದೊಂದು ಗಲಾಟೆ ನಡೆದೆ ಇಲ್ಲ, ಸಿದ್ದು ಹಳ್ಳೇಗೌಡ ಈ ಕುರಿತು ಎಲ್ಲೂ ಕಂಪ್ಲೆಂಟ್ ಮಾಡಿಲ್ಲ ಎಂದು ಅವರು ಹೇಳಿ ನಲ್ಪಾಡ್ ರಕ್ಷಣೆಗೆ ಬಂದಿದ್ದಾರೆ.
ಓಂಪ್ರಕಾಶ್ ನಾಯಕ್, ಪವರ್ ಟಿವಿ
