ಬೆಂಗಳೂರು : ಕನ್ನಡ ಬಿಗ್ ಬಾಸ್ ಸೀಸನ್ 8ರ ಸ್ಪರ್ಧಿಯಾಗಿ ಶುಭಾ ಪೂಂಜಾ ಅವರು ಹೆಚ್ಚಿನ ಖ್ಯಾತಿಯನ್ನು ಪಡೆದುಕೊಂಡಿದ್ದಾರೆ. ನಿಜಜೀವನದಲ್ಲಿ ಅವರು ಮಕ್ಕಳಂತೆ ಇರುತ್ತಾರೆ ಎನ್ನುವ ವಿಚಾರ ಅವರ ಪ್ರತಿಯೊಬ್ಬ ಅಭಿಮಾನಿಗಳಿಗೆ ತಿಳಿದಿದೆ.
ಶುಭಾ ಮಾಡುತ್ತಿದ್ದ ಚೇಷ್ಟೆಗಳು ಒಂದೆರಡಲ್ಲ. ಬಿಗ್ ಬಾಸ್ ಮನೆಯಲ್ಲಿ ಒಂದು ಕಡೆ ಅಡಗಿ ಕುಳಿತುಕೊಂಡು ಇತರರನ್ನು ಹೆದರಿಸೋಕೆ ಅವರು ಪ್ರಯತ್ನಿಸುತ್ತಿದ್ದರು. ಆದರೆ, ಯಾರೊಬ್ಬರೂ ಭಯ ಬಿದ್ದಿರಲಿಲ್ಲ. ಈಗ ಅವರು ಸಿನಿಮಾ ಮೂಲಕ ಪ್ರೇಕ್ಷಕರನ್ನು ಭಯಬೀಳಿಸೋಕೆ ಮುಂದಾಗಿದ್ದಾರೆ.
ಇದಕ್ಕೆ ಕಾರಣವಾಗಿದ್ದು ‘ಅಂಬುಜಾ’ ಸಿನಿಮಾ, ಅಂಬುಜಾ’ ಸಿನಿಮಾ ಪಕ್ಕಾ ಹಾರರ್ ಶೈಲಿಯ ಸಿನಿಮಾ. ಈ ಚಿತ್ರದಲ್ಲಿ ರಿಪೋರ್ಟರ್ ಪಾತ್ರವನ್ನು ಮಾಡುತ್ತಿದ್ದಾರೆ ಶುಭಾ ಪೂಂಜಾ. ಹಾಗಾದರೆ ಅವರು ಪ್ರೇಕ್ಷಕರನ್ನು ಹೆದರಿಸುತ್ತಾರಾ? ಆ ಪ್ರಶ್ನೆಗೆ ಅವರು ಉತ್ತರ ನೀಡಿಲ್ಲ. ‘ನಾನು ನಟಿಸುತ್ತಿರುವ ಹೊಸ ಸಿನಿಮಾ ‘ಅಂಬುಜಾ’. ‘ಇದೊಂದು ಪಕ್ಕಾ ಹಾರರ್ ಶೈಲಿಯ ಸಿನಿಮಾ.
ಈ ಚಿತ್ರದಲ್ಲಿ ನನ್ನದು ರಿಪೋರ್ಟರ್ ಪಾತ್ರ. ನಾನು ಸಿನಿಮಾದಲ್ಲಿ ಹೆದರಿಸುತ್ತೇನೋ ಅಥವಾ ಇಲ್ಲವೋ ಎಂಬುದನ್ನು ಸಿನಿಮಾದಲ್ಲೇ ನೋಡಬೇಕು. ಬಿಗ್ ಬಾಸ್ ಮನೆಯಲ್ಲಿ ಹೆದರಿಸೋಕೆ ಪ್ರಯತ್ನಿಸಿದ್ದರೂ ಅದು ಸಾಧ್ಯವಾಗಿರಲಿಲ್ಲ’ ಎಂದಿದ್ದಾರೆ ನಟಿ ಶುಭಾ ಪೂಂಜ.
