ಡಾಲಿ ಧನಂಜಯ ಸದ್ಯ ಬಡವ ರಾಸ್ಕಲ್ ಚಿತ್ರದ ಸಕ್ಸಸ್ ಖುಷಿಯಲ್ಲಿದ್ದಾರೆ. ಎಲ್ಲೆಡೆ ಸಿನಿಮಾ ಸೂಪರ್ ಸಕ್ಸಸ್ ಕಂಡಿದ್ದು ಗೆಲುವಿನ ನಗೆ ಬೀರಿದೆ. ಈ ಸಿನಿಮಾ ಬಳಿಕ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರೋ ಧನಂಜಯ ಇದೀಗ ಹೊಸಬರ ಚಿತ್ರತಂಡವೊಂದಕ್ಕೆ ಸಾಥ್ ನೀಡಿದ್ದಾರೆ.
ರೂಮ್ ಬಾಯ್.. ಸದ್ಯ ಸ್ಯಾಂಡಲ್ವುಡ್ನಲ್ಲಿ ಮೂಡಿಬರ್ತಿರೋ ಕ್ರೈಂ ಥ್ರಿಲ್ಲರ್ ಚಿತ್ರಕತೆಯ ಸಿನಿಮಾ. ನಾಗಡದಿನ್ನಿ ಈ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಈ ಹಿಂದೆ ಅಪರೇಷನ್ ನಕ್ಷತ್ರ,ಲೈಫ್ ಸೂಪರ್ ಚಿತ್ರಗಳಲ್ಲಿ ನಾಯಕನಾಗಿ ಮಿಂಚಿರುವ ಲಖಿತ್ ಸೂರ್ಯ ಹೀರೋ ಕಮ್ ನಿರ್ಮಾಪಕ ಆಗಿ ಈ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಲಿಖಿತ್ಗೆ ಜೋಡಿಯಾಗಿ ರಕ್ಷಾ ಬಣ್ಣ ಹಚ್ಚಿದ್ದಾರೆ.
ಸದ್ಯ ರೂಮ್ ಬಾಯ್ ಚಿತ್ರದ ಟೀಸರ್ ರಿವೀಲ್ ಆಗಿದೆ. ನಟ ರಾಕ್ಷಸ ಡಾಲಿ ಧನಂಜಯ ಈ ಟೀಸರ್ ಲಾಂಚ್ ಮಾಡಿ ಹೊಸ ಪ್ರತಿಭೆಗಳಿಗೆ ಪ್ರೋತ್ಸಾಹ ನೀಡಿದ್ದಾರೆ. ನಟ ಧನಂಜಯ ಚಿತ್ರರಂಗದಲ್ಲಿ ತಾವು ಬೆಳೆಯೋದ್ರ ಜೊತೆಗೆ ಹೊಸ ಕಲಾವಿದರಿಗೂ ಸಾಥ್ ನೀಡುತ್ತಲೇ ಬಂದಿದ್ದಾರೆ. ಇತ್ತೀಚೆಗೆ ಡಿಸ್ಟ್ರಿಬ್ಯೂಷನ್ಗೆ ಕಾಲಿಟ್ಟ ಸತ್ಯ ಪಿಕ್ಚರ್ಸ್ ಸಂಸ್ಥೆಗೆ, ಬಡವರ ಬಂಧು ಆಗಿ ಡಾಲಿ ಸತ್ಯ ಪಿಕ್ಚರ್ಸ್ ಬ್ಯಾನರ್ ಲಾಂಚ್ ಮಾಡುವ ಮೂಲಕ ಸ್ನೇಹಿತನಿಗೆ ಸಾಥ್ ನೀಡಿದ್ರು. ಇದೀಗ ರೂಮ್ ಬಾಯ್ ಚಿತ್ರದ ಟೀಸರ್ ರಿವೀಲ್ ಮಾಡಿರೋ ಧನಂಜಯ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.
ಸೈಕಾಲಾಜಿಲಾಜಿಕಲ್ ಕ್ರೈಂ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರಕತೆ ಇರೋ ಈ ಸಿನಿಮಾದಲ್ಲಿ ಹೆಚ್ಚಾಗಿ ಌಕ್ಷನ್ ಸೀಕ್ವೆನ್ಸ್ ಇವೆ. ಟೀಸರ್ನಲ್ಲಿರೋ ಪ್ರತೀ ದೃಶ್ಯಗಳು ನೋಡುಗರ ಹುಬ್ಬೇರಿಸ್ತಿದೆ. ಸದ್ಯ ಹೊರ ಬಂದಿರೋ ರೂಮ್ ಬಾಯ್ ಚಿತ್ರದ ಟೀಸರ್ ಸಿನಿಮಾ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿಸ್ತಿದೆ.
ರೂಮ್ ಬಾಯ್ ಚಿತ್ರಕ್ಕೆ ಲಿಖಿತ್ ಸೂರ್ಯ ಬಂಡವಾಳ ಹೂಡಿದ್ದು, ಐಕಾನ್ ಪ್ರೊಡಕ್ಷನ್ ಬ್ಯಾನರ್ನಲ್ಲಿ ಸಿನಿಮಾ ನಿರ್ಮಾಣವಾಗ್ತಿದೆ. ಹಾಡುಗಳಿಗೆ ರೋಣದ ಬಕ್ಕೇಶ್ ಮ್ಯೂಸಿಕ್ ನೀಡಿದ್ರೆ, ಧನಪಾಲ್ ನಾಯಕ್ ಕ್ಯಾಮರಾ ವರ್ಕ್ ಮಾಡಿದ್ದಾರೆ. ಒಟ್ಟಾರೆ ಹೊಸಬರ ರೂಮ್ ಬಾಯ್ ಚಿತ್ರದ ಟೀಸರ್ನ್ನು ನಟ ಧನಂಜಯ ರಿವೀಲ್ ಮಾಡಿದ್ದು, ಟೀಸರ್ಗೆ ಪ್ರೇಕ್ಷಕರಿಂದ್ಲೂ ಒಳ್ಳೆ ರೆಸ್ಪಾನ್ಸ್ ಸಿಕ್ತಿದೆ. ಈಗಾಗ್ಲೇ ಶೂಟಿಂಗ್ ಕಂಪ್ಲೀಟ್ ಮಾಡಿರೋ ಚಿತ್ರತಂಡ ಏಪ್ರಿಲ್ ಅಥವಾ ಮೇ ನಲ್ಲಿ ಚಿತ್ರ ರಿಲೀಸ್ ಮಾಡೋ ಸೂಚನೆ ಕೊಟ್ಟಿದೆ.
