ಸ್ಯಾಂಡಲ್ವುಡ್ ಯಂಗ್ ಅಂಡ್ ಹ್ಯಾಂಡ್ಸಮ್ ನಟ ಅನೀಶ್ ತೇಜೇಶ್ವರ್. ಕಳೆದ ವರ್ಷ ರಾಮಾರ್ಜುನನಾಗಿ ತೆರೆ ಮೇಲೆ ಕಮಾಲ್ ಮಾಡಿದ್ರು. ಇನ್ನೇನು ಹುಟ್ಟುಹಬ್ಬವನ್ನು ಸೆಲೆಬ್ರೇಟ್ ಮಾಡೋಕೆ ರೆಡಿಯಾಗಿರೋ ನಟ ಅನೀಶ್, ತಮ್ಮ ಬರ್ತ್ಡೇ ವಿಶೇಷತೆಯಲ್ಲಿ ಅಭಿಮಾನಿಗಳಿಗೆ ಸ್ಪೆಷಲ್ ಗಿಫ್ಟ್ ಕೊಡೋಕೆ ಸಜ್ಜಾಗಿದ್ದಾರೆ.
ನಮ್ ಏರಿಯಾದಲ್ ಒಂದ್ ದಿನ ಅನ್ನೋ ಸಿನಿಮಾ ಮೂಲಕ ಸ್ಯಾಂಡಲ್ವುಡ್ಗೆ ಕಾಲಿಟ್ಟು ಭರವಸೆಯ ನಟನಾಗಿ ಹೊರಹೊಮ್ಮಿದ ನಟ ಅನೀಶ್ ತೇಜೇಶ್ವರ್. ಆ ನಂತ್ರ ಬಹಳಷ್ಟು ಸಿನಿಮಾಗಳಲ್ಲಿ ಡಿಫರೆಂಟ್, ಡಿಫರೆಂಟ್ ರೋಲ್ಸ್ನಲ್ಲಿ ಅಭಿನಯಿಸಿದ್ರು. ಕ್ಲಾಸ್ ಹಾಗೂ ಮಾಸ್ ಎರಡೂ ರೀತಿಯ ಪಾತ್ರಗಳಲ್ಲೂ ಸೈ ಅನ್ನಿಸಿಕೊಂಡಿದ್ದಾರೆ.
ಕಳೆದ ವರ್ಷ ತೆರೆಕಂಡ ಅನೀಶ್ ನಟನೆಯ ರಾಮಾರ್ಜುನ ಸಿನಿಮಾ ಸಿನಿ ಪ್ರಿಯರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ತು. ರಾಮಾರ್ಜುನ ಚಿತ್ರದ ಬಳಿಕ ಅನೀಶ್ ಕೈಯಲ್ಲಿ ಸದ್ಯ ಮಾಂಜಾ, ಎನ್ಆರ್ಐ ಸೇರಿದಂತೆ ಹಲವಾರು ಸಿನಿಮಾಗಳಿವೆ.
ಅಂದ ಹಾಗೆ ಜನವರಿ 12ರಂದು ನಟ ಅನೀಶ್ ತೇಜೇಶ್ವರ್ ಅವ್ರ ಹುಟ್ಟುಹಬ್ಬ. ತಮ್ಮ ಬರ್ತ್ಡೇ ವಿಶೇಷತೆಯಲ್ಲಿ ಅನೀಶ್ ತಮ್ಮ ಮುಂದಿನ ಚಿತ್ರವನ್ನ ಅನೌನ್ಸ್ ಮಾಡಲಿದ್ದಾರೆ. ಈ ಸುದ್ದಿಯನ್ನು ನಟ ಅನೀಶ್ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಅನೀಶ್ ಮುಂದಿನ ಚಿತ್ರಕ್ಕೆ ನಿರ್ದೇಶಕ ಶಾನ್ ಆಕ್ಷನ್ ಕಟ್ ಹೇಳಿದ್ದಾರೆ. ಇದು ಅವ್ರ ಡೈರೆಕ್ಷನ್ನ ಮೊದಲ ಸಿನಿಮಾ. ಇದೊಂದು ಫ್ಯಾಮಿಲಿ ಓರಿಯೆಂಟೆಡ್ ಸಬ್ಜೆಕ್ಟ್ ಚಿತ್ರ ಅನ್ನಲಾಗ್ತಿದೆ.
ಅಂದಹಾಗೆ ಈಗಾಗ್ಲೇ ಈ ಚಿತ್ರದ ಮಾತಿನ ಭಾಗದ ಶೂಟಿಂಗ್ ಕಂಪ್ಲೀಟ್ ಆಗಿದ್ದು ಹಾಡುಗಳ ಭಾಗದ ಚಿತ್ರೀಕರಣ ಮಾತ್ರ ಬಾಕಿ ಉಳಿದಿದ್ಯಂತೆ. ರೈಡರ್ ಸಿನಿಮಾದಲ್ಲಿ ನಟಿಸಿದ್ದ ನಟಿ ಸಂಪದ ಹುಲಿವಾನ ಅನೀಶ್ ನೆಕ್ಸ್ಟ್ ವೆಂಚರ್ನಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ತಿದ್ದಾರೆ. ಜೊತೆಗೆ ಅಚ್ಯುತ್ ಕುಮಾರ್ ಹಾಗೂ ಉಗ್ರಂ ಮಂಜು ಕೂಡ ಚಿತ್ರದ ಮುಖ್ಯ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ.
ಒಟ್ಟಾರೆ ನಟ ಅನೀಶ್ ತೇಜೇಶ್ವರ್ ಈ ಬಾರಿಯ ತಮ್ಮ ಹುಟ್ಟುಹಬ್ಬದ ದಿನ ತಮ್ಮ ಮುಂದಿನ ಸಿನಿಮಾದ ಟೈಟಲ್ ಘೋಷಿಸಲಿದ್ದು, ತಮ್ಮ ಅಭಿಮಾನಿಗಳಿಗೆ ಸ್ಪೆಷಲ್ ಗಿಫ್ಟ್ ಕೊಡಲಿದ್ದಾರೆ. ಈ ವಿಷ್ಯ ತಿಳಿದು ಸದ್ಯ ಅನೀಶ್ ಅವ್ರ ಅಭಿಮಾನಿಗಳು ಸಂತಸದಲ್ಲಿದ್ದಾರೆ.
