ರಾಜ್ಯ : ಕಾಂಗ್ರೆಸ್ ಪಕ್ಷವು ಕುಡಿಯುವ ನೀರಿನ ಯೊಜನೆಯಾದ ಮೇಕೆದಾಟು ಪಾದಯಾತ್ರೆಯನ್ನು ಆರಂಭಿಸಿ ಮೊದಲನೇ ದಿನದ ಪಾದಯಾತ್ರೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದರು. ಇಂದು ಎರಡನೇ ದಿನವಾದ ಸೋಮವಾರ ದೊಡ್ಡದ ಆಲಹಳ್ಳಿ ಗ್ರಾಮದಿಂದ ಪಾದಯಾತ್ರೆಯನ್ನು ಆರಂಭ ಮಾಡಿದರು.
ಡಿಕೆ ಶಿವಕುಮಾರ್ ಅವರ ಸ್ವಗ್ರಾಮವಾದ ದೊಡ್ಡದ ಆಲಹಳ್ಳಿಯಿಂದ ಪ್ರಾರಂಭವಾದ ಪಾದಯಾತ್ರೆಯು ಕನಕಪುರ ಟೌನ್ ಕಡೆಗೆ ಸಾಗಿದ್ದು , ಇಂದು ಕೂಡ ಹಲವಾರು ಕಾಂಗ್ರೇಸ್ ಕಾರ್ಯಕರ್ತರು , ಬೆಂಬಲಿಗರು ಈ ಯಾತ್ರೆಗೆ ಸಾಥ್ ನೀಡಿದ್ದಾರೆ. ಪಾದಯಾತ್ರೆ ಮಾಡುವವರಿಗೆ ತಂಪು ಪಾನಿಯ, ಜ್ಯೂಸ್, ಎಳೆನೀರು ವ್ಯವಸ್ಥೆ ಮಾಡಿರುವ ಡಿ.ಕೆ ಶಿವಕುಮಾರ್ ಅವರ ಬೆಂಬಲಿಗರು.
ಇತ್ತ , ಡಿಕೆ ಶಿವಕುಮಾರ್ ಅವರಿಗೆ ಕರೆ ಮಾಡಿದ ಮಾಜಿ ಸಿ ಎಂ ಸಿದ್ದರಾಮಯ್ಯ ಅವರು ನಾನು ಇಂದು ಸಂಜೆಯೊಳಗೆ ಪಾದಯಾತ್ರೆಗೆ ಬರುತ್ತೇನೆಂದು ತಿಳಿಸಿದರು , ಆದರೆ ಡಿಕೆಶಿ ಅವರು ನೀವು ಮೊದಲು ಸಂಪೂರ್ಣವಾಗಿ ಸ್ವಸ್ಥರಾಗಿ ನಾಳೆ ಬನ್ನಿ ಹೇಳುವ ಮೂಲಕ ಅವರ ಆರೋಗ್ಯವನ್ನು ವಿಚಾರಿಸಿಕೊಂಡರು.
ಹಾಗೂ ಮಾತನಾಡುವಾಗ ನೆನ್ನೆ ರಾತ್ರಿ ಮನೆಯ ಹತ್ತಿರ ಆರೋಗ್ಯ ಮಂತ್ರಿ ಕೆ.ಸುಧಾಕರ್ ಅವರು ಪ್ಲಾನ್ ಮಾಡಿ ಡಿಸಿ ಯನ್ನು ಕಳುಹಿಸಿ ಪಾದಯಾತ್ರೆ ಕೈ ಬಿಡುವಂತೆ ಹೇಳಿದರು. ಆದರೆ , ನಾನು ಉಗಿದು ಕಳುಹಿಸಿದೆ ಎಂದು ಸಿದ್ದರಾಮಯ್ಯ ಅವರಿಗೆ ಡಿಕೆಶಿ ಅವರು ಮಾಹಿತಿ ನೀಡಿದ್ದಾರೆ.
