ತಿರುವನಂತಪುರಂ: ಕೆರಳದ ಪ್ರಸಿದ್ದ ಮಲೆಯಾಳಂ ನಟಿ ಭಾವನಾ ಮೆನನ್ 5 ವರ್ಷಗಳ ನಂತರ ತಾವು ಅನುಭವಿಸಿದ ಯಾತನೆಯ ಬಗ್ಗೆ ಹೇಳಿಕೊಂಡಿದ್ದಾರೆ. ಅವರು ತಮ್ಮ ಇನ್ಸ್ಸ್ಟಾಗ್ರಾಂ ಪೋಸ್ಟ್ನಲ್ಲಿ ಈ ಐದು ವರ್ಷಗಳ ನನ್ನ ಯಾತ್ರೆ ಅಷ್ಟು ಸುಲಲಿತವಾಗಿರಲಿಲ್ಲ. ನನ್ನನ್ನು ಅವಮಾನಿಸಲು ಹಲವು ಪ್ರಯತ್ನಗಳು ನಡೆದವು ಎಂದು ಭಾವನಾ ಮೆನನ್ ತಮ್ಮ ಮೇಲೆ 5 ವರ್ಷಗಳ ಹಿಂದೆ ನಡೆದಿದ್ದ ಲೈಂಗಿಕ ದೌರ್ಜನ್ಯದ ನಂತರದ ದಿನಗಳ ಬಗ್ಗೆ ಹೇಳಿಕೊಂಡಿದ್ದಾರೆ.
2017ರಲ್ಲಿ ಭಾವನಾ ಮೆನನ್ ತಮ್ಮ ಕೊಚ್ಚಿಯ ಶೂಟಿಂಗ್ ಮುಗಿಸಿಕೊಂಡು ಹಿಂದಿರುಗುವಾಗ ಅವಳನ್ನು ಹಲವು ಅಪರಿಚಿತರು ಅಪಹರಿಸಿ ಲೈಂಗಿಕ ದೌರ್ಜನ್ಯವೆಸಗಿದ್ದರು. ಇದರ ಹಿಂದೆ ಕೇರಳದ ಪ್ರಖ್ಯಾತ ನಟ ದಿಲೀಪ್ ಮತ್ತು ಇನ್ನು ಐವರು ಇರುವುದನ್ನು ಪೊಲೀಸರು ಪತ್ತೆ ಹಚ್ಚಿದ್ದರು. ಆಗ ಈ ಪ್ರಕರಣ ಸದ್ದು ಮಾಡಿತ್ತು.
