ಓಂ ಶಕ್ತಿ ಭಕ್ತರಿಗೆ ಕೊರೋನಾ

ಶಿವಮೊಗ್ಗ : ತಮಿಳುನಾಡಿನ ಓಂ ಶಕ್ತಿ ಪ್ರವಾಸದಿಂದ ಬಂದ ಭಕ್ತರ ಪೈಕಿ ಮತ್ತಷ್ಟು ಭಕ್ತರಲ್ಲಿ ಇಂದು ಕೊರೋನಾ ಸೋಂಕು ಕಂಡು ಬಂದಿದೆ.

ಡಿ. 31 ರಂದು ಓಂ ಶಕ್ತಿ ಪ್ರವಾಸಕ್ಕೆ ತೆರಳಿದ್ದವರು, ಜನವರಿ 5 ರಂದು ವಾಪಾಸ್ ಶಿವಮೊಗ್ಗಕ್ಕೆ ಬಂದಿದ್ದರು. ಅದರಂತೆ ನಿನ್ನೆ ಬೆಳಿಗ್ಗೆ 2, ಮತ್ತು ಸಂಜೆ 4, ಒಟ್ಟು 6 ಜನರಲ್ಲಿ ಸೋಂಕು ಧೃಢವಾಗಿತ್ತು. ಆದರೆ, ಇಂದು ಬೆಳಗಿನ ವೇಳೆಗೆ ಮತ್ತೆ 17 ಜನರಲ್ಲಿ ಈ ಸೋಂಕು ಕಾಣಿಸಿಕೊಂಡಿದ್ದು, ಇದು ಮತ್ತಷ್ಟು ಆತಂಕಕ್ಕೆ ಕಾರಣವಾಗಿದೆ.

ಜನವರಿ 5 ರಂದು ಒಟ್ಟು 82 ಬಸ್ಸಿನಲ್ಲಿ 4 ಸಾವಿರಕ್ಕೂ ಹೆಚ್ಚು ಭಕ್ತರು, ತಮಿಳುನಾಡಿನ ಓಂ ಶಕ್ತಿಗೆ ತೆರಳಿ ವಾಪಾಸ್ಸಾಗಿದ್ದರು. ಅವರಲ್ಲಿ ಸುಮಾರು 600 ಜನರಿಗೆ ಕೋವಿಡ್ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಇವರಲ್ಲಿ ಇದೀಗ ಮತ್ತೆ 17 ಜನ ಭಕ್ತರಲ್ಲಿ ಸೋಂಕು ದೃಢಪಟ್ಟಿದ್ದು, ಇದು ಇನ್ನೂ ಹೆಚ್ಚು ಆತಂಕ ಮೂಡಿಸಿದೆ.