ಸ್ಯಾಂಡಲ್ವುಡ್ ಅಂಗಳದಲ್ಲಿ ರಾಜಾಹುಲಿ, ಹೆಬ್ಬುಲಿ, ಪಡ್ಡೆಹುಲಿ ಆಯ್ತು. ಈಗ ಗಂಡುಲಿ ಸದ್ದು ಮಾಡೋಕೆ ಸಜ್ಜಾಗಿದೆ. ಯೆಸ್.. ಗಂಡುಲಿ ಅನ್ನೋ ಟೈಟಲ್ನಲ್ಲಿ ಸಿನಿಮಾವೊಂದು ಮೂಡಿಬರ್ತಿದೆ. ಇದೊಂದು ಆ್ಯಕ್ಷನ್ ಥ್ರಿಲ್ಲರ್ ಚಿತ್ರವಾಗಿದ್ದು, ವಿನಯ್ ರತ್ನಸಿದ್ಧಿ ನಾಯಕರಾಗಿ ನಟಿಸೋದ್ರ ಜೊತೆಗೆ ಅವ್ರೇ ಡೈರೆಕ್ಟ್ ಕೂಡ ಮಾಡಿದ್ದಾರೆ.
ಈ ಚಿತ್ರದಲ್ಲಿ ನಟಿ ಛಾಯಾ ನಾಯಕಿಯಾಗಿ ಬಣ್ಣ ಹಚ್ಚಿದ್ದಾರೆ. ಹಿರಿಯ ನಟಿ ಸುಧಾ ನರಸಿಂಹರಾಜು ನಾಯಕನ ತಾಯಿ ಪಾತ್ರದಲ್ಲಿ ನಟಿಸಿದ್ದಾರೆ. ಜೊತೆಗೆ ಧರ್ಮೇಂದ್ರ ಅರಸ್, ರಾಮಣ್ಣ, ಸುಬ್ಬೇ ಗೌಡ್ರು ಹೀಗೆ ಕಲಾವಿದರ ದಂಡಿದೆ. ಸ್ಯಾಂಪಲ್ಸ್ನಿಂದ ಗಮನ ಸೆಳೆದಿದ್ದ ಟೀಂ, ಆಡಿಯೋ ಲಾಂಚ್ ಮಾಡಿ ಸುದ್ದಿಯಾಗಿದೆ. ನಟಭಯಂಕರ ಪ್ರಥಮ್ ಗಂಡುಲಿ ಆಡಿಯೋ ಲಾಂಚ್ ಮಾಡಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. ರವಿದೇವ್ ಸಂಗೀತದ ಈ ಚಿತ್ರ ವಿಆರ್ ಫಿಲ್ಮ್ಸ್ ಬ್ಯಾನರ್ನಲ್ಲಿ ಮೂಡಿಬಂದಿದೆ.
