ಜೊಹಾನ್ಸ್ಬರ್ಗ್: ದಕ್ಷಿಣ ಆಫ್ರಿಕ ಹಾಗೂ ಭಾರತದ ನಡುವೆ ನಡೆಯುತ್ತಿರುವ 2ನೇ ಟೆಸ್ಟ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕ 229ರನ್ನುಗಳಿಗೆ ಆಲೌಟ್ ಆಗಿ 27ರನ್ನುಗಳ ಅಲ್ಪ ಮುನ್ನಡೆ ಪಡೆದುಕೊಂಡಿದೆ. ಇತ್ತೀಚಿನ ವರದಿಯಂತೆ ಭಾರತ 2ನೇ ದಿನದಾಟದ ಮೂರನೆಯ ಅವಧಿಯಲ್ಲಿ ವಿಕೆಟ್ ಕಳೆದುಕೊಳ್ಳದೆ15ರನ್ನು ಗಳಿಸಿದೆ. ಮಯಾಂಕ್ 8 ಹಾಗೂ ರಾಹುಲ್ 7ರನ್ನುಗಳನ್ನು ಗಳಿಸಿ ಆಡುತ್ತಿದ್ದಾರೆ. ಭಾರತದ ಪರ ಕ್ಯಾಪ್ಟನ್ ಕೆ.ಎಲ್.ರಾಹುಲ್ ಹಾಗೂ ಮಯಾಂಕ್ ಇನ್ನಿಂಗ್ಸ್ ಓಪನ್ ಮಾಡಿದ್ದಾರೆ.
ಇದಕ್ಕೆ ಮುನ್ನ ದಕ್ಷಿಣ ಆಫ್ರಿಕಾವನ್ನು 229ರನ್ನುಗಳಿಗೆ ಆಲೌಟ್ ಮಾಡುವಲ್ಲಿ ಭಾರತದ ವೇಗಿ ಠಾಕೂರ್ ಅದ್ಭುತ ಬೌಲಿಂಗ್ ಕಾರಣವಾಯಿತು. ಠಾಕೂರ್ ಅತ್ಯಧಿಕ 7 ವಿಕೆಟ್ಗಳನ್ನು ಪಡೆದುಕೊಂಡರೆ, ಶಮಿ 2 ವಿಕೆಟ್ಗಳು ಹಾಗು ಬೂಮ್ರ 1 ವಿಕೆಟ್ ಕಬಳಿಸಿದರು.
