ಮುಂಬೈ: ಬುಲ್ಲಿಬಾಯ್ ಎಂಬ ಅಶ್ಲೀಲ ಆ್ಯಪ್ನ ಕ್ರೈಂಗೆ ಸಂಬಂಧಿಸಿದಂತೆ ಮುಂಬೈ ಪೊಲೀಸರು ಇಂದು ಬೆಂಗಳೂರು ಮೂಲದ ವಿಶಾಲ್ಕುಮಾರ್ ಎಂಬ ವ್ಯಕ್ತಿಯನ್ನು ಬಂಧಿಸಿದ್ದಾರೆ. ಬೆಂಗಳೂರಿನ ವಿಶಾಲ್ಕುಮಾರ್ನನ್ನು ನಿನ್ನೆ ವಶಕ್ಕೆ ಪಡೆದಿದ್ದ ಮುಂಬೈ ಪೊಲೀಸರು ಇಂದು ಅವನನ್ನು ಬಂಧಿಸಿದ್ದಾರೆ.
ಬುಲ್ಲಿಬಾಯ್ ಎಂಬ ಆ್ಯಪ್ನಲ್ಲಿ ಪ್ರಭಾವಿ ಮುಸ್ಲಿಂ ಮಹಿಳೆಯರ ಭಾವಚಿತ್ರ ಹಾಕಿ ಇವರನ್ನು ಹರಾಜಿಗಿಡಲಾಗಿದೆ, ಕೊಳ್ಳಬಹುದು ಎಂಬರ್ಥದಲ್ಲಿ ಹಾಕಲಾಗಿತ್ತು. ಇದರ ವಿರುದ್ಧ ಎಲ್ಲೆಡೆ ವ್ಯಾಪಕ ಆಕ್ರೋಷ ವ್ಯಕ್ತವಾಗಿತ್ತು. ಈ ಸಂಬಂಧ ಮಹಿಳೆಯೊಬ್ಬರು ಪೊಲೀಸ್ ಠಾಣೆಯಲ್ಲಿ ದೂರನ್ನೂ ಸಹ ಸಲ್ಲಿಸಿದ್ದರು. ಈ ಸಂಬಂಧ ಕಾರ್ಯಾಚರಣೆ ನಡೆಸಿದ ಪೊಲೀಸರು ಯುವಕನನ್ನು ಬಂಧಿಸಿದ್ದಾರೆ. ಈ ಪ್ರಕರಣದ ಪ್ರಮುಖ ಆರೋಪಿ ಉತ್ತರಾಖಂಡದ ಮಹಿಳೆಯಾಗಿದ್ದು, ಇಬ್ಬರಿಗೂ ಸಂಬಂಧವಿದೆ ಎಂಬುದನ್ನು ಪೊಲೀಸರು ಪತ್ತೆಹಚ್ಚಿದ್ದಾರೆ. ಪ್ರಕರಣವನ್ನು ಮುಂಬೈನ ಸೈಬರ್ ಕ್ರೈಂ ಪೊಲೀಸರು ತನಿಖೆ ನಡೆಸಿದ್ದಾರೆ. ಬುಲ್ಲಿಬಾಯ್ ಆ್ಯಪನ್ನು ನಿರ್ಭಂಧಿಸಲಾಗಿದೆ, ಇದನ್ನು ಗಿಟ್ಹಬ್ ವೇದಿಕೆ ಧೃಡಪಡಿಸಿದೆ.
