ರಾಮನಗರ: ರಾಮನಗರದ ಸಿಎಂ ಕಾರ್ಯಕ್ರಮದಲ್ಲಿ ಅಶ್ವಥ್ ನಾರಾಯಣ್ ಭಾಷಣಕ್ಕೆ ಸಂಸದ ಡಿ.ಕೆ.ಸುರೇಶ್ ಹಾಗೂ ಎಂಎಲ್ಸಿ ಎಸ್‌. ರವಿ ಗರಂ ಆದರು. ಅಶ್ವಥ್ ನಾರಾಯಣ್ ಮಾತಾನಾಡುತ್ತಿದ್ದ ವೇಳೆ ತೋಳೇರಿಸಿ ಮೈಕ್ ಬಳಿಗೆ ಬಂದ ಎಂಎಲ್ಸಿ ರವಿ ಮೈಕ್ ಕಿತ್ತೆಸೆದು ಅಶ್ವಥ್ ನಾರಾಯಣ್ ವಿರುದ್ಧ ವಾಗ್ವಾದ ನಡೆಸಿದರು.
ಅಭಿವೃದ್ಧಿ ಯಾರು ಮಾಡಿಲ್ಲ, ನಮ್ಮ ಬಿಜೆಪಿ ಪಕ್ಷ ಮಾತ್ರ ಮಾಡಿರುವುದು ಎಂದು ಭಾಷಣ ಮಾಡ್ತಿದ್ದ ಅಶ್ವಥ್ ನಾರಾಯಣ್‌ಗೆ “ಏನ್ ಅಭಿವೃದ್ಧಿ ಮಾಡಿದ್ದೀಯಾ?” ಎಂದು ಡಿ.ಕೆ.ಸುರೇಶ್ ಪ್ರಶ್ನೆ ಮಾಡಿದರು. ಡಿ ಕೆ ಸುರೇಶ್ ಜೊತೆ ಎಂಎಲ್ಸಿ ಎಸ್‌ ರವಿ ಸಹ ಸಾಥ್ ನೀಡಿದರು. ವೇದಿಕೆ ಮೇಲೆ ಕೆಲಕಾಲ ಗೊಂದಲದ ವಾತಾವರಣ ನಿರ್ಮಾಣವಾಗಿ ಕೈ ಕೈ ಮಿಲಾಯಿಸುವ ಹಂತಕ್ಕೆ ಹೋದ ಗಲಾಟೆಯನ್ನ ಸಿಎಂ ಮಧ್ಯೆ ಪ್ರವೇಶಿಸಿ ಪರಿಸ್ಥಿತಿ ತಿಳಿಗೊಳಿಸಿದರು.
