ತುಮಕೂರು: ಮೂಡಲ್ ಕುಣಿಗಲ್ ಕೆರೆ ನೋಡೋಕ್ಕೊಂದು ವೈಭೋಗ ಪ್ರಸಿದ್ದ ಜನಪದ ಜಲ ಹಾಡನ್ನು ಎಲ್ಲರೂ ಕೇಳಿರುತ್ತೀರಿ. ಅಂತಹ ಪ್ರಸಿದ್ದ ಹಾಡಿನ ಮೂಲ ಸ್ಥಳವಾದ ತುಮಕೂರು ಜಿಲ್ಲೆಯ ಕುಣಿಗಲ್ನ ದೊಡ್ಡಕೆರೆ ಸುಮಾರು 12 ವರ್ಷಗಳ ನಂತರ ಕೋಡಿಯಾಗಿ ತುಂಬು ತುಳುಕುತ್ತಿರುವ ಸುದ್ದಿ ಪರಿಸರ ಪ್ರೇಮಿಗಳಲ್ಲಿ ಸಂತಸ ಮೂಡಿಸಿದೆ.
ಅಲ್ಲಿನ ಪರಿಸರ ಪ್ರೇಮಿಗಳಾದ ಕುಣಿಗಲ್ನ ಸ್ನೇಹ ಪ್ರತಿಷ್ಠಾನದ ದಿನೇಶ್ಕುಮಾರ್ ನೇತೃತ್ವದಲ್ಲಿ ಇಂದು ಸ್ವಚ್ಛತಾ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದರು. ಇವರ ಜೊತೆಯಾಗಿ ಸ್ನೇಕ್ ಮಹಂತೇಶ್, ತಾರಾನಾಥ್ ಭದ್ರಾವತಿ, ಶ್ರೀಧರ್, ಮುಜೀದ್, ಕಾರ್ತಿಕ್, ಸಮಾಜ ಕಲ್ಯಾಣ ಇಲಾಖೆಯ ಉಮೇಶ್, ಪ್ರಸಾದ್, ಬಜರಂಗದಳದ ರಾಮು ಸೇರಿದಂತೆ ಇತರ ಸದಸ್ಯರು ಸ್ವಚ್ಛತಾ ಕಾರ್ಯದಲ್ಲಿ ಭಾಗವಹಿಸಿದರು. ಈ ಕುಣಿಗಲ್ ದೊಡ್ಡಕೆರೆ ಕೋಡಿಬಿದ್ದು ಕಂಡುಬರುತ್ತಿರುವ ಜಲರಾಶಿ ಪ್ರಕೃತಿಯನ್ನು ನಾಚಿಸುವಂತಿದೆ. ನೀವು ಸಹ ಬಿಡುವಿದ್ದಾಗ ಒಮ್ಮೆ ಭೇಟಿಕೊಟ್ಟು ಸೌಂದರ್ಯವನ್ನು ಸವಿದುಬನ್ನಿ.
