ಬೆಂಗಳೂರು : ನಟ, ನಿರೂಪಕ ದಾನಿಶ್ ಸೇಠ್ ಈಗಾಗಲೇ ಕನ್ನಡ ಚಿತ್ರರಂಗದಲ್ಲಿ ವಿಭಿನ್ನ ಬಗೆಯ ಕಾಮಿಡಿ ಚಿತ್ರಗಳಿಂದ ಗುರುತಿಸಿಕೊಂಡಿದ್ದಾರೆ. ಅವರ ಈ ಹಿಂದಿನ ಚಿತ್ರ ‘ಫ್ರೆಂಚ್ ಬಿರಿಯಾನಿ’ ಎಲ್ಲರ ಗಮನ ಸೆಳೆದಿತ್ತು.
ಇದೀಗ ದಾನಿಶ್ ನಟನೆಯ ವೆಬ್ ಸೀರೀಸ್ ಬಿಡುಗಡೆಯಾಗಲು ಸಿದ್ಧವಾಗಿದೆ. ಈ ಹಿಂದೆ ರೇಡಿಯೋದಲ್ಲಿ ಧ್ವನಿ ರೂಪದಲ್ಲಿ ಮೂಡಿಬಂದಿದ್ದ ಅವರ ‘ನೋಗರಾಜ್’ ಪಾತ್ರದ ಆಧಾರದಲ್ಲಿ ಸಿನಿಮಾ ತೆರೆಗೆ ಬಂದು ಮೆಚ್ಚುಗೆ ಗಳಿಸಿತ್ತು. ಇದೀಗ ವೆಬ್ ಸೀರೀಸ್ ರೂಪದಲ್ಲಿ ಮಜವಾದ ಕತೆಯೊಂದಿಗೆ ‘ಹಂಬಲ್ ಪೊಲಿಟಿಶಿಯನ್ ನೋಗರಾಜ್’ ಜನರ ಮುಂದೆ ಬರಲಿದ್ದಾನೆ.
The official trailer of #HumblePoliticiannNograj is here 😎🙏 Watch the new original series only on January 6th, 2022 only on @VootSelect ⭐️ pic.twitter.com/eFf0wUNMG9
— Danish Sait (@DanishSait) December 23, 2021
ಸಾದ್ ಖಾನ್ ನಿರ್ದೇಶಿಸಿರುವ ಈ ಸೀರೀಸ್, ಜನವರಿ 6ರಂದು ವೂಟ್ ಸೆಲೆಕ್ಟ್ ಒಟಿಟಿ ಮೂಲಕ ತೆರೆಕಾಣಲಿದೆ. ಪ್ರಕಾಶ್ ಬೆಳವಾಡಿ, ವಿಜಯ್ ಚೆಂಡೂರ್, ದಿಶಾ ಮದನ್ ಮೊದಲಾದವರು ಇದರಲ್ಲಿ ಕಾಣಿಸಿಕೊಂಡಿದ್ದಾರೆ. ನಕುಲ್ ಅಭ್ಯಂಕರ್ ಸಂಗೀತ ನಿರ್ದೇಶಿಸಿದ್ದಾರೆ.
ವೂಟ್ ಸೆಲೆಕ್ಟ್ನಲ್ಲಿ ಬಿಡುಗಡೆಯಾಗುತ್ತಿರುವ ಈ ಸೀರೀಸ್ ಒಟ್ಟು 10 ಎಪಿಸೋಡ್ಗಳನ್ನು ಹೊಂದಿದೆ. ಇದೀಗ ಚಿತ್ರತಂಡ ಟ್ರೈಲರ್ ಬಿಡುಗಡೆ ಮಾಡಿದ್ದು, ಎಲ್ಲರ ಗಮನ ಸೆಳೆದಿದೆ.
