ಬೆಂಗಳೂರು: ಇತ್ತೀಚೆಗೆ ಬೆಂಗಳೂರಿನಲ್ಲಿ ಪುಡಿರೌಡಿಗಳ ಹಾವಳಿ ಅತಿಯಾಗಿದೆ. ರಾತ್ರಿಯಾಗುತ್ತಿದ್ದಂತೆಯೇ ಈ ಪುಡಿರೌಡಿಗಳು ಎಣ್ಣೆ ಹೊಡೆದು ತಮ್ಮ ಅಟ್ಟಹಾಸವನ್ನು ಮೆರೆಯತೊಡಗುತ್ತಾರೆ. ಇವರ ಈ ಆಟಾಟೋಪಕ್ಕೆ ಕಾರಣ ಇರಲೇಬೇಕು ಅಂತೇನಿಲ್ಲ. ವಿಕೃತ ಮನಸ್ಥಿತಿಯ ಈ ರೌಡಿಗಳು ಅಮಲಿನಲ್ಲಿ ಪುಂಡಾಟ ನಡೆಸುವುದು ಇದೀಗ ಪೊಲೀಸರಿಗೆ ತಲೆನೋವಾಗಿ ಪರಿಣಮಿಸಿದೆ.
ಕಾಮಾಕ್ಷಿಪಾಳ್ಯ ಪೊಲೀಸ್ ಠಾನೆ ವ್ಯಾಪ್ತಿಯಲ್ಲಿ ಈ ರೀತಿ ಪುಡಿರೌಡಿಗಳು ಹಾವಳಿ ನಡೆಸಿದ್ದಾರೆ. ಮನೆ ಮುಂದೆ ಹಾಗೂ ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದ ಹಲವು ವಾಹನಗಳನ್ನು ಜಖಂ ಮಾಡಿದ್ದಾರೆ. ಕಾರುಗಳ ಗಾಜು ಒಡೆದು ತಮ್ಮ ವಿಕೃತಿಯನ್ನು ಮೆರೆದಿದ್ದಾರೆ. ದೊಣ್ಣೆ ಮತ್ತು ಲಾಂಗ್ನಿಂದ ಹೊಡೆದು ಕಾರುಗಳ ಮೇಲೆ ಅಟ್ಯಾಟಕ ಮಾಡಿದ್ದಾರೆ ಎನ್ನಲಾಗಿದೆ. ಹೀಗೆ ಆರು ವಾಹನಗಳನ್ನು ದುಷ್ಕರ್ಮಿಗಳು ಹಾಳುಗೆಡವಿದ್ದಾರೆ. ಸ್ಥಳಕ್ಕೆ ಬೇಟಿ ನೀಡಿರುವ ಕಾಮಾಕ್ಷಿ ಪಾಳ್ಯ ಪೊಲೀಸರು ತನಿಖೆ ನಡೆಸಿದ್ದಾರೆ.
