ರಣ- ರೌದ್ರ- ರುಧೀರಗಳ ಮಹಾಸಂಗಮಕ್ಕೆ ಸಾಕ್ಷಿ ಆಯ್ತು ಸಿಲಿಕಾನ್ ಸಿಟಿ ಬೆಂಗಳೂರು. ಹೌದು, ರಾಜಮೌಳಿ ಈ ಹಿಂದೆ ಪ್ರಾಮಿಸ್ ಮಾಡಿದಂತೆ ಸೀತೆ ಸಮೇತ ರಾಮ್- ಭೀಮ್ರನ್ನ ಕರುನಾಡಿಗೆ ಕರೆತಂದಿದ್ರು. ಕನ್ನಡ ಹಾಗೂ ಕರ್ನಾಟಕದ ನಂಟಿನ ಜೊತೆ ತ್ರಿಬಲ್ ಆರ್ ಟೀಮ್ಗಿರೋ ಕನ್ನಡಾಭಿಮಾನ, ಸಿನಿಮೋತ್ಸಾಹದ ಪರಿಚಯವಾಯ್ತು.
ಬಾಹುಬಲಿ ನಂತರ ಸೆನ್ಸೇಷನಲ್ ಡೈರೆಕ್ಟರ್ ರಾಜಮೌಳಿ ನಿರ್ದೇಶನದ ತ್ರಿಬಲ್ ಆರ್ ಸಿನಿಮಾದ ರಿಲೀಸ್ಗೆ ಕೌಂಟ್ಡೌನ್ ಶುರುವಾಗಿದೆ. 400 ಕೋಟಿ ಬೃಹತ್ ವೆಚ್ಚದಲ್ಲಿ ತಯಾರಾದ ಈ ಸಿನಿಮಾ ಬಿಗ್ಗೆಸ್ಟ್ ಮಲ್ಟಿಸ್ಟಾರ್ ಚಿತ್ರವಾಗಲಿದ್ದು, ತೆಲುಗಿನ ಜೊತೆ ಕನ್ನಡ, ತಮಿಳು, ಮಲಯಾಳಂ ಹಾಗೂ ಹಿಂದಿಯಲ್ಲೂ ಇದೇ ಜನವರಿ 7ಕ್ಕೆ ತೆರೆಗಪ್ಪಳಿಸಲಿದೆ.
ಇತ್ತೀಚೆಗೆ ಟ್ರೈಲರ್ ಲಾಂಚ್ ಆಗಿತ್ತು. ಯೂಟ್ಯೂಬ್ನಲ್ಲಿ ಅದು ಮಿಲಿಯನ್ ಗಟ್ಟಲೆ ವೀವ್ಸ್ ಮೂಲಕ ಧೂಳೆಬ್ಬಿಸ್ತಿದೆ. ಆದರೆ ರಾಜಮೌಳಿ ಇತ್ತೀಚೆಗೆ ಬಂದು ಜನನಿ ಸಾಂಗ್ ಲಾಂಚ್ ಮಾಡಿ ಹೋಗಿದ್ದರು. ಆಗ ಸದ್ಯದಲ್ಲೇ ನನ್ನ ತಂಡದ ಜೊತೆ ಬಂದು ಮಾಧ್ಯಮಗಳ ಮುಂದೆ Q & A ಸೆಷನ್ ಮಾಡುತ್ತೇನೆ ಅಂತ ಪ್ರಾಮಿಸ್ ಕೂಡ ಮಾಡಿದ್ದರು. ಅದರಂತೆ ಇಂದು ಸಿಲಿಕಾನ್ ಸಿಟಿಯಲ್ಲಿ ಜೂನಿಯರ್ ಎನ್ಟಿಆರ್, ರಾಮ್ ಚರಣ್, ಆಲಿಯಾ ಭಟ್ ಜೊತೆ ಮಾಧ್ಯಮಗಳ ಮುಂದೆ ಪ್ರತ್ಯಕ್ಷವಾಗಿದ್ದರು.
ಕರ್ನಾಟಕದಲ್ಲಿ ಕೆವಿಎನ್ ಪ್ರೊಡಕ್ಷನ್ಸ್ ಬ್ಯಾನರ್ನಡಿ ಸುಪ್ರೀತ್, ನಿಶಾ ವೆಂಕಟ್ ಕೋಣಂಕಿ ಹಾಗೂ ವೆಂಕಟ್ ನಾರಾಯಣ್ ಅವರು ತ್ರಿಬಲ್ ಆರ್ ಕನ್ನಡ ಅವತರಣಿಕೆಯನ್ನ ಡಿಸ್ಟ್ರಿಬ್ಯೂಟ್ ಮಾಡ್ತಿದ್ದಾರೆ. ಸ್ವತಂತ್ರಪೂರ್ವ ಭಾರತದ ಇಬ್ಬರು ಫ್ರೀಡಂ ಫೈಟರ್ಗಳ ಕಥಾನಕವಿರೋ ಇದನ್ನ ಸಿನಿಮ್ಯಾಟಿಕ್ ಆಗಿ ಕಮಿರ್ಷಿಯಲ್ ಆಗಿ ತೋರಿಸೋ ಪ್ರಯತ್ನ ಮಾಡಿದ್ದಾರೆ ಮೌಳಿ.
