ಜೇನು ತುಪ್ಪ ಅಂದ್ರೆ ಯಾರಿಗೆ ತಾನೆ ಇಷ್ಟ ಆಗೋದಿಲ್ಲ ಹೇಳಿ, ಜೇನು ತುಪ್ಪದ ಹೆಸರನ್ನ ಹೇಳ್ತಾ ಇದ್ದ ಹಾಗೆ ಬಾಯಲ್ಲಿ ನೀರು ತುಂಬಿಕೊಳ್ಳುತ್ತೆ. ಹಲವಾರು ಶತಮಾನಗಳಿಂದ ಉಪಯೋಗಿಸುತ್ತಿರುವ ಈ ಜೇನು ಆಯುರ್ವೇದದಲ್ಲಂತೂ ಅಗ್ರಸ್ಥಾನವನ್ನ ಪಡೆದುಕೊಂಡಿದೆ. ಈ ಜೇನುತುಪ್ಪ ಕೊಬ್ಬು-ಮುಕ್ತ, ಕೊಲೆಸ್ಟ್ರಾಲ್-ಮುಕ್ತ, ಸೋಡಿಯಂ-ಮುಕ್ತ ಆಗಿರುವುದರಿಂದ ಇದು ಪ್ರಕೃತಿಯ ಸಿಹಿ ಮಕರಂದ ಎಂದೇ ಕರೆಯಲ್ಪಡುತ್ತದೆ.
ನೀವು ತಿಳಿದುಕೊಳ್ಳಬೇಕಾದ ಜೇನುತುಪ್ಪದ 7 ಆರೋಗ್ಯ ಪ್ರಯೋಜನಗಳು ಇಲ್ಲಿವೆ.
1. ಶಕ್ತಿಯನ್ನು ಹೆಚ್ಚಿಸುತ್ತದೆ:- ಜೇನುತುಪ್ಪದ ಸೇವನೆಯಿಂದ ಜೇನುತುಪ್ಪದಲ್ಲಿರುವ ಗ್ಲೂಕೋಸ್ ದೇಹದಿಂದ ತ್ವರಿತವಾಗಿ ಹೀರಲ್ಪಡುತ್ತದೆ, ತಕ್ಷಣದ ಶಕ್ತಿಯ ವರ್ಧಕವನ್ನು ನೀಡುತ್ತದೆ, ಜೇನುತುಪ್ಪವು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಸಾಕಷ್ಟು ಸ್ಥಿರವಾಗಿರಿಸುತ್ತದೆ.
- ಕೆಮ್ಮಿಗೆ ಚಿಕಿತ್ಸೆ ನೀಡುತ್ತದೆ: ಆಂಟಿಮೈಕ್ರೊಬಿಯಲ್ ಗುಣಲಕ್ಷಣಳನ್ನ ಹೊಂದಿರುವ ಜೇನುತುಪ್ಪವು ಗಂಟಲ ನೋವನ್ನ ಶಮನಗೊಳಿಸುತ್ತದೆ, ಜೊತೆಗೆ ಸೋಂಕನ್ನು ಉಂಟುಮಾಡುವ ಕೆಲವು ಬ್ಯಾಕ್ಟೀರಿಯಾಗಳನ್ನು ಕೊಲ್ಲುತ್ತದೆ.
- ನಿದ್ರೆಯನ್ನು ಸುಧಾರಿಸುತ್ತದೆ:- ಮಲಗಲು ಕಷ್ಟವಾಗುತ್ತಿದೆಯೇ? ತ್ವರಿತವಾಗಿ ನಿದ್ರಿಸಲು ಪ್ರಸಿದ್ಧ ಹಾಲು ಮತ್ತು ಜೇನುತುಪ್ಪದ ಪರಿಹಾರವನ್ನು ಬಳಸಿ. ಬಿಸಿ ಹಾಲು ಅಥವಾ ಕ್ಯಾಮೊಮೈಲ್ ಚಹಾಕ್ಕೆ ಒಂದು ಚಮಚ ಜೇನುತುಪ್ಪವನ್ನು ಸೇರಿಸಿದ್ರೆ ನೆಮ್ಮದಿಯಾಗಿ ನಿದ್ರಿಸಬಹುದು.
- ಗಾಯಗಳಿಗೆ ಚಿಕಿತ್ಸೆ ನೀಡುತ್ತದೆ:- ಜೇನುತುಪ್ಪವು ಗ್ಲೂಕೋಸ್ ಮತ್ತು ಫ್ರಕ್ಟೋಸ್ ಅನ್ನು ಹೊಂದಿರುತ್ತದೆ, ಇದನ್ನ ಗಾಯಗಳಿಗೆ ಹಚ್ಚಿದರೆ ನೀರಿನಂಶವನ್ನ ಹೀರಿಕೊಂಡು ಗುಣಪಡಿಸುವಿಕೆಯನ್ನು ಉತ್ತೇಜಿಸುತ್ತದೆ, ಇದು ಗಾಯಗಳು, ಸುಟ್ಟಗಾಯಗಳು ಮತ್ತು ಕಡಿತಗಳಿಗೆ ನೈಸರ್ಗಿಕ ಪ್ರಥಮ ಚಿಕಿತ್ಸಾ ಪರಿಹಾರವಾಗಿದೆ.
- ಹೃದಯ ರೋಗಗಳನ್ನು ತಡೆಯುತ್ತದೆ:- “ಜೇನುತುಪ್ಪದ ಸೇವನೆಯು ರಕ್ತದಲ್ಲಿ ಪಾಲಿಫೋನಿಕ್ ಉತ್ಕರ್ಷಣ ನಿರೋಧಕಗಳನ್ನು ಹೆಚ್ಚಿಸುತ್ತದೆ, ಇದು ಹೃದಯ ಕಾಯಿಲೆಗಳನ್ನು ತಡೆಯಲು ಸಹಾಯ ಮಾಡುತ್ತದೆ” ಎಂದು ಡಾಕ್ಟರ್ಗಳು ಹೇಳುತ್ತಾರೆ.
- ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ:- ಅಮೇರಿಕನ್ ಕಾಲೇಜ್ ಆಫ್ ನ್ಯೂಟ್ರಿಷನ್ ಪ್ರಕಾರ, ಜೇನುತುಪ್ಪವು ಹಸಿವನ್ನು ನಿಯಂತ್ರಿಸುತ್ತದೆ. ನೀವು ಮಲಗುವ ಮುನ್ನ ಜೇನುತುಪ್ಪವನ್ನು ಸೇವಿಸಿದರೆ, ನಿದ್ರೆಯ ಆರಂಭಿಕ ಗಂಟೆಗಳಲ್ಲಿ ದೇಹವು ಕೊಬ್ಬನ್ನು ಸುಡುತ್ತದೆ ಇದರಿಂದ ನೀವು ತೂಕವನ್ನ ಇಳಿಸಿಕೊಳ್ಳಬಹುದು.
- ಕೋಮಲ ಚರ್ಮಕ್ಕಾಗಿ:- ಜೇನುತುಪ್ಪವು ಅದ್ಭುತವಾದ ಮಾಯಿಶ್ಚರೈಸರ್ ಆಗಿದೆ ಮತ್ತು ಒಣ ಚರ್ಮದ ಮೇಲೆ ಒಳ್ಳೆ ಪ್ರಭಾವ ಬೀರುತ್ತದೆ. ನಿಮ್ಮ ಮೊಣಕಾಲುಗಳು ಮತ್ತು ಮೊಣಕೈಗಳನ್ನು ಮೃದುಗೊಳಿಸಲು ನೀವು ಇದನ್ನು ಬಳಸಬಹುದು, ತುಟಿಗಳಿಗು ಜೇನುತುಪ್ಪವನ್ನ ಉಪಯೋಗಿಸಬಹುದು.
ರಮ್ಯ, ಪವರ್ ಟಿವಿ
