ವಿಜಯಪುರ :ರಸ್ತೆಯ ಮೇಲೆ ಪಿಪಿಇ ಕಿಟ್ಗಳು ಬಿದ್ದು ಆತಂಕದ ವಾತಾವರಣ ನಿರ್ಮಾಣವಾದ ಘಟನೆ ವಿಜಯಪುರ ನಗರದ ಶಾಪೇಟೆಯ ರಸ್ತೆಯಲ್ಲಿ ನಡೆದಿದೆ. ಕಸ ವಿಲೇವಾರಿ ಸಿಬ್ಬಂದಿ ರಸ್ತೆ ಮೇಲೆ ಪಿಪಿಇ ಕಿಟ್ ಎಸೆದು ಹೋಗಿದ್ದು, ಸ್ಥಳೀಯರು ಆತಂಕಕ್ಕೊಳಗಾಗಿದ್ದಾರೆ.
ಕೊರೋನಾ ಪೀಡಿತರಿಗೆ ಚಿಕಿತ್ಸೆ ನೀಡಿದ ಬಳಿಕ ಕಿಟ್ಗಳನ್ನು ನಾಶ ಮಾಡಬೇಕಿತ್ತು. ನಿಯಮಾನುಸಾರ ನಾಶವಾಗಬೇಕಿದ್ದ ಕಿಟ್ ಗಳು ಸಾಗಾಟದ ವೇಳೆ ಬಿದ್ದಿರುವ ಶಂಕೆ ವ್ಯಕ್ತವಾಗಿದ್ದು ಕೂಡಲೇ ಇಲ್ಲಿ ಬಿದ್ದಿರುವ ಪಿಪಿಇ ಕಿಟ್ಗಳನ್ನು ತೆಗೆದು ಹಾಕಬೇಕೆಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.
ಈ ಹಿಂದೆ ಕೂಡಾ ಎರಡು ಬಾರಿ ವಿಜಯಪುರ ನಗರದ ಬೇರೆ ಬೇರೆ ಕಡೆಗಳಲ್ಲಿ ಪಿಪಿಇ ಕಿಟ್ ಎಸೆದು ಆತಂಕ ಮೂಡಿದ್ದರು, ಇನ್ನಾದರೂ ಜಿಲ್ಲಾಡಳಿತ, ಆರೋಗ್ಯ ಇಲಾಖೆ ಸಿಬ್ಬಂದಿ ಹಾಗೂ ಮಹಾನಗರ ಪಾಲಿಕೆ ಅಧಿಕಾರಿಗಳು ಈ ಕುರಿತು ಮುಂಜಾಗೃತೆ ವಹಿಸಬೇಕಾಗಿದೆ.
