ವಿಜಯಪುರ : ಅನೈತಿಕ ಸಂಬಂಧ ಹೊಂದಿದ್ದರೆಂದು ಯುವಕ ಮತ್ತು ಮಹಿಳೆಯ ಬರ್ಬರ ಹತ್ಯೆ ನಡೆದಿದೆ. ಜಿಲ್ಲೆಯ ವಿಜಯಪುರ ತಾಲ್ಲೂಕಿನ ಅಲಿಯಾಬಾದ್ ಗ್ರಾಮದ ತೋಟದ ಮನೆ ಬಳಿ ಘಟನೆ ನಡೆದಿದ್ದು, ಅಮರನಾಥ ಸೊಲ್ಲಾಪುರ (25) ಮತ್ತು ಸುನೀತಾ ತಳವಾರ (35) ಕೊಲೆಯಾದವರು. ಸುನೀತಾಳ ಅಪ್ರಾಪ್ತ ಮಗ ಮತ್ತು ತಂದೆ ರಾಮಗೊಂಡ ಆರೋಪಿಗಳು.
ವಿವಾಹಿತೆ ಸುನೀತಾ ಅಮರನಾಥನೊಂದಿಗೆ ಅಕ್ರಮಸಂಬಂಧ ಹೊಂದಿದ್ದಳು ಎನ್ನಲಾಗಿದ್ದು, ಮಂಗಳವಾರ ಮಧ್ಯರಾತ್ರಿ ಅಲಿಯಾಬಾದ್ ಗ್ರಾಮದ ತೋಟದ ಮನೆಯಲ್ಲಿ ರಾಮಗೊಂಡ ಮತ್ತು ಮೊಮ್ಮಗ (ಸುನೀತಾಳ ಮಗ) ಸೇರಿ ಕೊಡಲಿಯಿಂದ ಕೊಚ್ಚಿ ಕೊಲೈಗೆದಿದ್ದಾರೆ ಎಂದು ತಿಳಿದುಬಂದಿದೆ. ಸ್ಥಳಕ್ಕೆ ವಿಜಯಪುರ ಗ್ರಾಮೀಣ ಪೊಲೀಸ್ ಠಾಣೆಯ ಇನ್ಸ್ಪೆಕ್ಟರ್ ಮಹಾಂತೇಶ್ ದಾಮಣ್ಣವರ ಮತ್ತು ಅಧಿಕಾರಿಗಳು ಭೇಟಿ ನೀಡಿದ್ದು, ತನಿಖೆ ನಡೆಸುತ್ತಿದ್ದಾರೆ. ಗ್ರಾ,ಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
