ಬಳ್ಳಾರಿ : ಗಣಿನಾಡು ಬಳ್ಳಾರಿಯಲ್ಲಿ ಕೊರೊನಾ ಅಟ್ಟಹಾಸ ನಿಲ್ತಾನೇ ಇಲ್ಲ. ನಿನ್ನೆ 139 ಜನರಿಗೆ ಪಾಸಿಟಿವ್ ಬಂದಿದ್ದು. ಒಂದು ಬಲಿ ಪಡೆದಿದೆ. ಇದರಿಂದ ಇಲ್ಲಿಯವರೆಗೆ ಜಿಲ್ಲೆಯಲ್ಲಿ ಕೊರೊನಾ ಪಾಸಿಟಿವ್ ಹೊಂದಿದ್ದ 35 ಜನರು ಮೃತಪಟ್ಟಂತಾಗಿದೆ. ಅಲ್ಲದೇ ಜಿಲ್ಲೆಯಲ್ಲಿ ಕೊರೊನಾ ವಾರಿಯರ್ಸ್ ನ ಸಹ ಕೊರೊನಾ ಬೆಂಬಿಡದೆ ಕಾಡ್ತಿದೆ.
ವೈದ್ಯರು, ಆಶಾ ಕಾರ್ಯಕರ್ತೆಯರು, ಪೊಲೀಸರನ್ನು ಸಹ ಮಹಾಮಾರಿ ಕಾಡ್ತಿದೆ. ಇಲ್ಲಿಯವರೆಗೆ 50 ಕ್ಕೂ ಅಧಿಕ ಕೊರೊನಾ ವಾರಿಯರ್ಸ್ ಗೆ ಕೊರೊನಾ ದೃಢಪಟ್ಟಿದೆ. ಕಳೆದ ಎರಡು ದಿನಗಳ ಅಂತರದಲ್ಲೇ 25 ಜನ ಕೊರೊನಾ ವಾರಿಯರ್ಸ್ ಗಳಿಗೆ ಸೋಂಕು ದೃಢಪಟ್ಟಿದೆ. ವಿಮ್ಸ್ ನ ವೈದ್ಯರು, ದಾದಿಯರು, ವಿದ್ಯಾರ್ಥಿಗಳು, ಮತ್ತು ಪೊಲೀಸರಿಗೂ ಸಹ ಕೊರೊನಾ ದೃಢಪಟ್ಟಿದೆ.
ಸೋಂಕಿತರ ಪ್ರಥಮ ಸಂಪರ್ಕಿತರ ಪೈಕಿ 30 ಕ್ಕೂ ಹೆಚ್ಚು ಜನರನ್ನು ಕ್ವಾರೆಂಟೈನ್ ಮಾಡಲಾಗಿದ್ದು. ಕಂಪ್ಲಿ ಪೊಲೀಸ್ ಠಾಣೆ ಕಂಪ್ಲೀಟ್ ಸೀಲ್ ಡೌನ್ ಅಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಬಳ್ಳಾರಿ ಜಿಲ್ಲಾಧಿಕಾರಿ ಎಸ್ ಎಸ್ ನಕುಲ್, ಎಲ್ಲರೂ ಸ್ಟೇಬಲ್ ಆಗಿದ್ದಾರೆ ಸೋಂಕಿತರ ಚಿಕಿತ್ಸೆ ನಡೀತಿದೆ ವಾರಿಯರ್ಸ್ ಆದಷ್ಟು ಬೇಗ ಗುಣಮುಖರಾಗಲಿದ್ದಾರೆ ಎಂದು ತಿಳಿಸಿದರು..
ಅರುಣ್ ನವಲಿ ಪವರ್ ಟಿವಿ ಬಳ್ಳಾರಿ
