ಇಂಡಿಯನ್ ಪ್ರೀಮಿಯರ್ ಲೀಗ್ (IPL) 2020ಗೆ ದಿನಗಣನೆ ಶುರುವಾಗಿದೆ. ಮಾರ್ಚ್ 29ರಿಂದ ಐಪಿಎಲ್ ಹಬ್ಬ. ಕಳೆದ 12 ಸೀಸನ್ಗಳಿಂದಲೂ ನಮ್ಮ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಚಾಂಪಿಯನ್ ಆಗುತ್ತೆ ಅಂತ ಅಭಿಮಾನಿಗಳು ಕಾದಿದ್ದಾರೆ. ಆದರೆ ಆರ್ ಸಿ ಬಿ ಮಾತ್ರ ಒಮ್ಮೆಯೂ ಟ್ರೋಫಿಗೆ ಮುತ್ತಿಕ್ಕದೆ ನಿರಾಸೆ ಮೂಡಿಸಿದೆ. ಈ ನಡುವೆ ಈ ಬಾರಿ ಹೊಸ ಹುರುಪಿನೊಂದಿಗೆ ನಮ್ಮ ಆರ್ ಸಿ ಬಿ ಕಣಕ್ಕಿಳಿಯಲು ರೆಡಿಯಾಗಿದೆ. ಈ ನಡುವೆ ಬದಲಾವಣೆ ಸುದ್ದಿಯೂ ಹಬ್ಬಿದೆ..! ವಿಶೇಷ ಅಂದ್ರೆ ಈ ಬದಲಾವಣೆ ಬಗ್ಗೆ ಸ್ವತಃ ನಾಯಕ ವಿರಾಟ್ ಕೊಹ್ಲಿಗೂ ಗೊತ್ತಿಲ್ಲ.
ಈ ಸೀಸನ್ನಲ್ಲಿ ಆರ್ ಸಿ ಬಿ ಹೆಸರು ಮತ್ತು ಲೋಗೋವನ್ನು ಬದಲಾಯಿಸಿಕೊಂಡು ಫೀಲ್ಡಿಗಿಳಿಯುತ್ತದೆ ಎಂದು ಹೇಳಲಾಗಿದೆ. ಈ ಬಗ್ಗೆ ತಂಡದ ಮುಖ್ಯಸ್ಥರು ಅಧಿಕೃತವಾಗಿ ಹೇಳದಿದ್ದರೂ ಫೇಸ್ ಬುಕ್ ಹಾಗೂ ಇನ್ಸ್ಟಾಗ್ರಾಮ್ ಕವರ್ ಪೇಜ್ ಇಮೇಜ್ಗಳನ್ನು ರಿಮ್ಯೂ ಮಾಡಲಾಗಿದ್ದು, ಹೆಸರು ಮತ್ತು ಲೋಗೋ ಬದಲಾವಣೆಯ ಸುಳಿವು ಸಿಕ್ಕಂತಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರ್ ಬದಲಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಂತ ಬದಲಾಯಿಸಲಾಗುತ್ತೆ ಎನ್ನಲಾಗಿದ್ದು, ಫೆಬ್ರವರಿ 16ರಂದು ಅಧಿಕೃತ ಮಾಹಿತಿ ಹೊರಬೀಳಲಿದೆ ಅಂತ ವರದಿಯಾಗಿದೆ.
ಈ ಬಗ್ಗೆ ವಿರಾಟ್ ಕೊಹ್ಲಿ ” ತಂಡದ ಸೋಶಿಯಲ್ ಮೀಡಿಯಾ ಪೋಸ್ಟ್ಗಳೇ ಕಾಣ್ತಿಲ್ಲ. ಇದು ಕ್ಯಾಪ್ಟನ್ ಗಮನಕ್ಕೆ ಬಂದಿಲ್ಲ. ನಿಮ್ಗೆ ಯಾವ್ದೇ ರೀತಿ ಸಹಾಯ ಬೇಕಂತಾದ್ರೆ ನಂಗೆ ತಿಳಿಸಿ”ಅಂತ ಟ್ವೀಟ್ ಮಾಡಿದ್ದಾರೆ.
Posts disappear and the captain isn’t informed. 😨 @rcbtweets, let me know if you need any help.
— Virat Kohli (@imVkohli) February 13, 2020
ಇನ್ನು ನಮ್ಮ ಸಾಮಾಜಿಕ ಜಾಲತಾಣಗಳ ಅಕೌಂಟ್ಗಳಲ್ಲಿ ಏನಾಗ್ತಿದೆ ಅಂತ ಪ್ರಶ್ನಿಸಿರೋ ತಂಡದ ಪ್ರಮುಖ ಆಟಗಾರ ಎಬಿ ಡಿವಿಲಿಯರ್ಸ್, ಇದೊಂದು ಕೇವಲ ತಂತ್ರಗಾರಿಕೆ ವಿರಾಮ ಅಂತ ಭಾವಿಸ್ತೀನೆಂದು ಟ್ವೀಟ್ ಮೂಲಕ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
Folks at @rcbtweets, what’s happened to our social media accounts? 😳 Hope it’s just a strategy break. 🤞🏼
— AB de Villiers (@ABdeVilliers17) February 12, 2020
“ಇದ್ಯಾವ ಗೂಗ್ಲಿ? ಪ್ರೊಫೈಲ್ ಪಿಕ್ಸ್ ಮತ್ತು ಇನ್ಸ್ಟಾಗ್ರಾಮ್ ಪೋಸ್ಟ್ಗಳು ಎಲ್ಲಿಗೆ ಹೋದ್ವು?” ಅಂತ ಸ್ಟಾರ್ ಬೌಲರ್ ಯುಜುವೇಂದ್ರ ಚಹಲ್ ಟ್ವೀಟ್ ಮಾಡಿದ್ದಾರೆ.
Arey @rcbtweets, what googly is this? 🤔 Where did your profile pic and Instagram posts go? 😳
— Yuzvendra Chahal (@yuzi_chahal) February 12, 2020
