ನಟ ಅಕ್ಷಯ್ ಕುಮಾರ್ ಅಭಿನಯದ ಹೌಸ್ಫುಲ್ -4 ರಿಲೀಸ್ ಆಗಿದೆ. ಆದರೆ, ಅಭಿಮಾನಿಗಳ ನಿರೀಕ್ಷೆಯನ್ನು ತಲುಪಿಲ್ಲ! ಪ್ರೇಕ್ಷಕ ಪ್ರಭುಗಳು ಹೌಸ್ಫುಲ್ಲನ್ನು ಸ್ವಾಗತಿಸುವಲ್ಲಿ ಯಾಕೋ ಹಿಂದೇಟು ಹಾಕಿದ್ದಾರೆ. ಪಂಚ ಭಾಷೆಗಳಲ್ಲಿ ಸದ್ದು ಮಾಡಿದ್ದ ಕನ್ನಡದ ಗೋಲ್ಡನ್ ಫಿಲ್ಮ್ ದಾಖಲೆಯನ್ನು ಬ್ರೇಕ್ ಮಾಡಲು ಹೌಸ್ಫುಲ್ ತಲೆಬಾಗಿದೆ.
ಹೌದು, ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಅಭಿನಯದ, ಫರ್ಹಾದ್ ಸಮ್ಜಿ ಆ್ಯಕ್ಷನ್ ಕಟ್ ಹೇಳಿರುವ ಹೌಸ್ಫುಲ್ 4 ಸಿಕ್ಕಾಪಟ್ಟೆ ನಿರೀಕ್ಷೆಯನ್ನು ಹುಟ್ಟುಹಾಕಿತ್ತು. ಅಕ್ಕಿ ಅಭಿನಯದ ಸಿನಿಮಾ ಹತ್ತಾರು ದಾಖಲೆಗಳನ್ನು ಬರೆಯುತ್ತೆ ಅಂತ ಬಾಲಿವುಡ್ ಮಂದಿ ಲೆಕ್ಕಾಚಾರ ಹಾಕಿದ್ರು. ಅಕ್ಷಯ್ ಬಹಳ ವರ್ಷಗಳ ಬಳಿಕ ನಟಿಸಿ ಕಾಮಿಡಿ ಸಿನಿಮಾ ಇದಾಗಿದ್ದು, ಅದ್ಯಾಕೋ ದಾಖಲೆ ಲೆಕ್ಕಾಚಾರದಲ್ಲಿ ಉಲ್ಟಾ ಹೊಡೆದಿದೆ,
ಕನ್ನಡದ ಕೆಜಿಎಫ್ನ ದಾಖಲೆಯ ಕಲೆಕ್ಷನ್ ಅನ್ನು ಸರಿಗಟ್ಟಲು ಬಾಲಿವುಡ್ ಹೌಸ್ಫುಲ್ಗೆ ಸಾಧ್ಯವಾಗಿಲ್ಲ. ದೀಪಾವಳಿಯ ಸಂಭ್ರಮದ ಪಟಾಕಿ ಸೌಂಡಂತೆ ಹೌಸ್ಫುಲ್ ಬಾಕ್ಸ್ ಆಫೀಸಲ್ಲಿ ಸೌಂಡು ಮಾಡುತ್ತೆ ಎಂಬ ನಿರೀಕ್ಷೆ ಹುಸಿಯಾಗಿದೆ. ಹಬ್ಬದಲ್ಲಿ ಅಭಿಮಾನಿಗಳು ಫ್ಯಾಮಿಲಿ ಸಮೇತ ಚಿತ್ರಮಂದಿರಗಳಿಗೆ ಬರ್ತಾರೆ ಎಂಬ ನಿರೀಕ್ಷೆಯೂ ಅದ್ಯಾಕೋ ತಲೆಕೆಳಗಾಗಿದೆ.
ಹೌಸ್ಫುಲ್ನ ಮೊದಲ ದಿನದ ರಿಪೋರ್ಟ್ ಬಂದಿದೆ. ನಿರೀಕ್ಷಿತ ಕಲೆಕ್ಷನ್ ಆಗಿಲ್ಲ. ಪ್ಯಾನ್ ಇಂಡಿಯಾ ಸಿನಿಮಾ ಕೆಜಿಎಫ್ ಮೊದಲ ದಿನ ಬರೋಬ್ಬರಿ 25 ಕೋಟಿಯನ್ನು ಗಳಿಸಿತ್ತು. ಹೌಸ್ಫುಲ್ ಕನಿಷ್ಠ 25 ಕೋಟಿ ತಲುಪುತ್ತೆ ಎನ್ನಲಾಗಿತ್ತು. ಆ ಮಟ್ಟಿಗೆ ಸಿನಿಮಾ ರಿಲೀಸಿಗೆ ಮುನ್ನ ಸೌಂಡು ಮಾಡಿತ್ತು. ಆದರೆ, ಗಳಿಸಿದ್ದು 19.08 ಕೋಟಿ ಮಾತ್ರ.
ಒಟ್ನಲ್ಲಿ ಸ್ಯಾಂಡಲ್ವುಡ್ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಮುಂದೆ ಬಾಲಿವುಡ್ ಸ್ಟಾರ್ ಅಕ್ಷಯ್ ಕುಮಾರ್ ಅಭಿನಯದ ಹೌಸ್ಫುಲ್ ಹಿಂದೆ ಬಿದ್ದಿದ್ದು, ಸ್ಯಾಂಡಲ್ವುಡ್ ಹವಾ ಮತ್ತೊಮ್ಮೆ ಸಾಬೀತಾಗಿದೆ.
