Bigg Boss 7 : ‘ದೊಡ್ಮನೆ’ಗೆ ರವಿ ಬೆಳಗೆರೆ ವಾಪಸ್..!

ಅನಾರೋಗ್ಯದ ಹಿನ್ನೆಲೆಯಲ್ಲಿ ಬಿಗ್​​ ಬಾಸ್​ ಮನೆಯಿಂದ ಹೊರಬಂದಿದ್ದ ಖ್ಯಾತ ಪರ್ತಕರ್ತ ರವಿ ಬೆಳಗೆರೆ ಚಿಕಿತ್ಸೆ ಪಡೆದು ವಾಪಸ್​ ‘ದೊಡ್ಮನೆ’ ಗೆ ಹೋಗಿದ್ದಾರೆ.
ಬಿಗ್​ಬಾಸ್​ ಸೀಸನ್ 7ನಲ್ಲಿ ದೊಡ್ಮನೆ ಪ್ರವೇಶಿಸಿರುವ 18 ಮಂದಿಯಲ್ಲಿ ರವಿ ಬೆಳಗೆರೆ ಪ್ರಮುಖ ಆಕರ್ಷಣೆ. ಮನೆ ಪ್ರವೇಶಕ್ಕೆ ಮುನ್ನ ಹೋಸ್ಟ್, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಜೊತೆ ಸಖತ್​ ಆಗಿ ಮಾತಾಡಿದ್ದ ರವಿ ಬೆಳಗೆರೆ, ಬಿಗ್​ಬಾಸ್​ ಮನೆಯಲ್ಲಿ ಕಿರಿಯರಿಗೆ ಜೀವನ ಪಾಠ, ತನ್ನ ಅನುಭವದ ಪಾಠ ಮಾಡ್ತೀನಿ. ಹಾಗೆಯೇ ಯಾರಿಗೂ ಗೊತ್ತಿಲ್ಲದ ವಿಷಯವಿದೆ. ನಂಗೆ ಜ್ಯೋತಿಷ್ಯ ಹೇಳೋಕೆ ಬರುತ್ತೆ. ಬಿಗ್​​ಬಾಸ್ ಮನೆಯಲ್ಲಿ ಜ್ಯೋತಿಷ್ಯ ಹೇಳ್ತೀನಿ ಅಂದಿದ್ದರು.
ಹೀಗೆ ಖುಷಿ ಖುಷಿಯಾಗಿ ಬಿಗ್​ಬಾಸ್​​ ಮನೆಗೆ ಹೋಗಿದ್ದ ರವಿ ಬೆಳಗೆರೆ, ಅನಾರೋಗ್ಯದ ಹಿನ್ನೆಲೆಯಲ್ಲಿ ಮೊದಲ ದಿನವೇ ವಾಪಸ್ ಆಗಿದ್ದರು. ಈ ನ್ಯೂಸ್ ಬಿಗ್​ಬಾಸ್​​ ವೀಕ್ಷಕರಿಗೆ, ಬೆಳಗೆರೆ ಅಭಿಮಾನಿಗಳಿಗೆ ಬೇಸರ ತಂದಿತ್ತು. ಆದರೆ, ಈಗ ಸಿಹಿ ಸುದ್ದಿ ಬಂದಿದ್ದು, ಬೆಳಗೆರೆ ಬಿಗ್​ಬಾಸ್​ ಮನೆಗೆ ವಾಪಸ್​ ಆಗುತ್ತಿದ್ದಾರೆ.