ಭಾರತಕ್ಕೆ ಇನ್ನಿಂಗ್ಸ್​ ಗೆಲುವು ; ಸರಣಿ ‘ಸೋತಾ’ಫ್ರಿಕಾ..!

ಪುಣೆ : ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತ ಇನ್ನಿಂಗ್ಸ್​​​​ ಮತ್ತು 137ರನ್​ಗಳ ಭರ್ಜರಿ ಜಯ ದಾಖಲಿಸಿದೆ. ಇದರೊಂದಿಗೆ ಇನ್ನೂ ಒಂದು ಮ್ಯಾಚ್​ ಬಾಕಿ ಇರುವಾಗಲೇ ದಕ್ಷಿಣ ಆಫ್ರಿಕಾ ಸೋಲುಂಡಿದೆ..
ಪುಣೆಯಲ್ಲಿ ನಡೆದ 2ನೇ ಟೆಸ್ಟ್​ನಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ್ದ ಭಾರತ ಕ್ಯಾಪ್ಟನ್ ಕೊಹ್ಲಿ ಅಜೇಯ ದ್ವಿಶತಕ (254), ಕನ್ನಡಿಗ ಮಯಾಂಕ್ ಅಗರ್​ವಾಲ್​ ಶಕತ (108), ಟೆಸ್ಟ್​ ಸ್ಪೆಷಲಿಸ್ಟ್ ಚೇತೇಶ್ವರ ಪೂಜಾರ (58), ಅಜಿಂಕ್ಯ ರಹಾನೆ (59), ಆಲ್​ರೌಂಡರ್ ಜಡೇಜಾ (91) ಆಕರ್ಷಕ ಅರ್ಧಶತಕಗಳ ನೆರವಿನಿಂದ 601ರನ್ ಮಾಡಿ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತ್ತು.
ಇದಕ್ಕೆ ಉತ್ತರವಾಗಿ ತನ್ನ ಮೊದಲ ಇನ್ನಿಂಗ್ಸ್ ಆರಂಭಿಸಿದ ಸೌತ್ಆಫ್ರಿಕಾ ರವಿಚಂದ್ರನ್​ ಅಶ್ವಿನ್ (4 ವಿಕೆಟ್) ಮತ್ತು ಇಶಾಂತ್ ಶರ್ಮಾ (3 ವಿಕೆಟ್) ದಾಳಿಗೆ ತತ್ತರಿಸಿ 275ರನ್​ಗಳಿಗೆ ಆಲ್​ಔಟ್ ಆಯಿತು. ಸೆಕೆಂಡ್​ ಇನ್ನಿಂಗ್ಸ್​ನಲ್ಲೂ ದ.ಆಫ್ರಿಕಾ ಬ್ಯಾಟ್ಸ್​ಮನ್​ಗಳ ಪೆವಿಲಿಯನ್ ಪೆರೇಡ್ ಮುಂದುವರೆಯಿತು. ರವೀಂದ್ರ ಜಡೇಜಾ (3 ವಿಕೆಟ್​) , ಉಮೇಶ್ ಜಾಧವ್ (3 ವಿಕೆಟ್) ಮತ್ತು ರವಿಚಂದ್ರನ್ ಅಶ್ವಿನ್​ (2 ವಿಕೆಟ್) ದಾಳಿಗೆ ಬ್ಯಾಟ್​ ಬೀಸಲಾಗದೆ, ಕ್ರೀಸ್​ನಲ್ಲಿ ನೆಲಯೂರಿ ಟೈಮ್​ಪಾಸ್ ಮಾಡಲೂ ಆಗದೆ 189ರನ್​ಗಳಿಗೆ ಆಲ್​ಔಟ್ ಆಯಿತು. ಎರಡೂ ಸಲ ಬ್ಯಾಟಿಂಗ ಮಾಡಿದರೂ ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ ಮಾಡಿದ್ದ ರನ್ ತಲುಪಲಾಗದೆ ಹೀನಾಯ ಸೋಲನುಭವಿಸಿತು.