ಜನಪ್ರಿಯ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 7ಗೆ ಕ್ಷಣಗಣನೆ ಶುರುವಾಗಿದೆ. ಇಂದು ಯಾರೆಲ್ಲಾ ‘ದೊಡ್ಮನೆ’ ಪ್ರವೇಶಿಸ್ತಾರೆ ಅನ್ನೋ ಕುತೂಹಲಕ್ಕೆ ಇಲ್ಲಿದೆ ಉತ್ತರ. ಈ ಬಾರಿ ಸೆಲೆಬ್ರಿಟಿಗಳ ದಂಡೇ ಬಿಗ್ಬಾಸ್ ಮನೆಗೆ ಹೋಗಲಿದ್ದು, ಇಲ್ಲಿದೆ ಸ್ಪರ್ಧಿಗಳ ಪಕ್ಕಾ ಪಟ್ಟಿ.
ನಟ, ನಿರೂಪಕ ರಾಹುಲ್ : ಜಿಗರ್ಥಂಡಾ ಸಿನಿಮಾ ನಾಯಕ ನಟ, ನಿರೂಪಕ ರಾಹುಲ್ ಈ ಬಾರಿ ಬಿಗ್ಬಾಸ್ ಮನೆ ಪ್ರವೇಶಿಸುತ್ತಿದ್ದಾರೆ. ಕಿಚ್ಚ ಸುದೀಪ್ ಆಪ್ತ ಬಳಗದಲ್ಲಿ ಗುರ್ತಿಸಿಕೊಂಡಿರುವ ರಾಹುಲ್ ಹೊಸ ಪ್ರಯೋಗದ ಚಿತ್ರಗಳಿಗೆ ತುಡಿಯುವ ಯುವನಟ. ದೊಡ್ಡ ದೊಡ್ಡ ಶೋಗಳ ವಿಶಿಷ್ಟ, ವಿಭಿನ್ನ ನಿರೂಪಣೆ ಮೂಲಕ ಕೂಡ ಗಮನಸೆಳೆದಿದ್ದಾರೆ. ಇವರು ಈ ಬಾರಿ ಬಿಗ್ ಬಾಸ್ ಮನೆ ಪ್ರವೇಶಿಸುವುದು ಪಕ್ಕಾ.
ವಾಸಕಿ ವೈಭವ್ : ಸಂಗೀತ ನಿರ್ದೇಶಕ ವಾಸುಕಿ ವೈಭವ್ ಈ ಬಾರಿ ದೊಡ್ಮನೆ ಪ್ರವೇಶಿಸಲಿದ್ದಾರೆ. ‘ರಾಮ ರಾಮಾ ರೇ’ ಚಿತ್ರ ಖ್ಯಾತಿಯ ವಾಸುಕಿ ವೈಭವ್ ಬಿಗ್ಬಾಸ್ ಮನೆಗೆ ಹೋಗೋದ್ರಿಂದ ಸಂಗೀತ ರಸದೌತಣ ಫಿಕ್ಸ್.
ಚೈತ್ರಾ ವಾಸುದೇವ್ : ಕಿರುತೆರೆ ನಿರೂಪಕಿ ಚೈತ್ರಾ ವಾಸುದೇವ್ ಈ ಬಾರಿ ಬಿಗ್ಬಾಸ್ ಮನೆ ಪ್ರವೇಶಿಸುವ ಮತ್ತೋರ್ವ ಸ್ಪರ್ಧಿ. ಕಿರುತೆರೆಯಲ್ಲಿ ಸಾಕಷ್ಟು ಕಾರ್ಯಕ್ರಮಗಳ ನಿರೂಪಣೆ ಮಾಡಿರುವ ಇವರು ಕಿರಿತೆರೆ ವೀಕ್ಷಕರ ಮನೆಮಗಳು. ತಮ್ಮದೇಯಾದ ವಿಶಿಷ್ಟ ಶೈಲಿಯ, ಎಲ್ಲರಿಗೂ ಇಷ್ಟವಾಗುವ ರೀತಿ ನಿರೂಪಣೆ ಮಾಡುವ ಚೈತ್ರಾ ಈ ಸಲ ದೊಡ್ಮನೆಗೆ ಎಂಟ್ರಿ ಕೊಡುವ ಬೆಡಗಿ.
ನಟ ಶೈನ್ : ಕಿರುತೆರೆ ನಟ ಶೈನ್ ಕೂಡ ಈ ಬಾರಿ ಬಿಗ್ಬಾಸ್ ಮನೆಗೆ ಹೋಗುವ ಮತ್ತೊಬ್ಬ ಸ್ಪರ್ಧಿ. ಕಿರುತೆರೆ ಮೂಲಕ ‘ಶೈನ್’ ಆಗಿರುವ ನಟ ಬಿಗ್ಬಾಸ್ ಮನೆಯಲ್ಲೂ ಶೈನ್ ಆಗ್ತಾರಾ ಕಾದು ನೋಡ್ಬೇಕು.
ನಟ ಪಂಕಜ್ : ಜನಪ್ರಿಯ ನಟ, ನಿರ್ಮಾಪಕ, ನಿರ್ದೇಶಕ ಎಸ್ ನಾರಾಯಣ್ ಅವರ ಪುತ್ರ ಪಂಕಜ್ ಬಿಗ್ಬಾಸ್ 7ನ ಮತ್ತೊಬ್ಬ ಸ್ಪರ್ಧಿ. ಪಂಕಜ್ ಚೆಲುವಿನ ಚಿಲಿಪಿಲಿ, ಚೈತ್ರದ ಸಂಭ್ರಮ ಚಿತ್ರಗಳಲ್ಲಿ ನಾಯಕ ನಟನಾಗಿ ಅಭಿನಯಿಸಿದ್ದಾರೆ. ಚಾಲೆಂಜಿಗ್ ಸ್ಟಾರ್ ದರ್ಶನ್ ಅಭಿನಯದ ಬಹುನಿರೀಕ್ಷಿತ ‘ಒಡೆಯ’ ಚಿತ್ರದಲ್ಲೂ ನಟಿಸಿದ್ದಾರೆ.
ನಟಿ ಸುಜಾತಾ : ಕಿರುತೆರೆ ನಟಿ ಸುಜಾತಾ ಈ ಬಾರಿ ದೊಡ್ಮನೆಗೆ ಎಂಟ್ರಿ ಕೊಡ್ತಿರೋ ಮತ್ತೊಬ್ಬ ಸ್ಪರ್ಧಿ. ರಾಧಾ ರಮಣ ಧಾರವಾಹಿ ಮೂಲಕ ಸಿತಾರಾ ಎಂದೇ ಮನೆಮಾತಾಗಿದ್ದಾರೆ. ಸೀರಿಯಲ್ನಲ್ಲಿ ನೆಗಿಟೀವ್ ಶೇಡ್ನಲ್ಲಿ ಮಿಂಚಿರುವ ಇವರು ಈ ಬಾರಿ ಬಿಗ್ಬಾಸ್ ಪ್ರವೇಶಿಸುವವರ ಪಟ್ಟಿಯಲ್ಲಿ ಫ್ರಂಟ್ಲೈನ್ನಲ್ಲಿದ್ದಾರೆ.
ದುನಿಯಾ ರಶ್ಮಿ : ಬಿಗ್ಬಾಸ್ ಮನೆಗೆ ಪ್ರವೇಶಿಸುವವರ ಪಟ್ಟಿಯಲ್ಲಿ ದುನಿಯಾ ರಶ್ಮಿ ಕೂಡ ಒಬ್ಬರು. ಮೊದಲ ಸಿನಿನಾ ದುನಿಯಾ ಮೂಲಕವೇ ಫೇಮಸ್ ಆದವರು. ಸಿನಿಮಾದ ಹೆಸರು ಇವರ ಹೆಸರಿನೊಂದಿಗೆ ಸೇರಿಬಿಟ್ಟಿದೆ. ಈ ಬಾರಿ ಇವರು ಬಿಗ್ಬಾಸ್ಗೆ ಹೋಗುವುದು ಪಕ್ಕಾ.
ದೀಪಿಕಾ ದಾಸ್ : ನಾಗಿಣಿ ಧಾರವಾಹಿ ಖ್ಯಾತಿಯ ನಟಿ ದೀಪಿಕಾ ದಾಸ್ ಕೂಡ ಈ ಬಾರಿ ಬಿಗ್ಬಾಸ್ ಮನೆಗೆ ಎಂಟ್ರಿಕೊಡ್ತಿದ್ದಾರೆ. ಕಿರುತೆರೆಯಲ್ಲಿ ಕಮಾಲ್ ಮಾಡಿರುವ ದೀಪಿಕಾ ಬಿಗ್ಬಾಸ್ನಲ್ಲಿ ಯಾವ ರೀತಿ ಮೋಡಿ ಮಾಡ್ತಾರೆ ನೋಡ್ಬೇಕು.
ರಾಜು ತಾಳಿಕೋಟಿ : ನಾಡಿನ ಜನರನ್ನು ಹೊಟ್ಟೆ ಹುಣ್ಣಾಗುವಷ್ಟು ನಗಿಸಿರುವ , ನಗಿಸುತ್ತಿರುವ ‘ಕಾಮಿಡಿ ಕಿಲಾಡಿ’ ರಾಜು ತಾಳಿಕೋಟಿ ಈ ಬಾರಿ ಬಿಗ್ಬಾಸ್ ಪ್ರವೇಶಿಸಲಿರುವ ಮತ್ತೊಬ್ಬ ಸ್ಪರ್ಧಿ. ಹಾಸ್ಯನಟ ರಾಜು ಎಂಟ್ರಿ ಬಿಗ್ಬಾಸ್ನ ಮಜಾ ಹೆಚ್ಚಿಸೋದಂತೂ ಗ್ಯಾರೆಂಟಿ.
ಹಿರಿಯ ನಟ ಜೈ ಜಗದೀಶ್ : ಸ್ಯಾಂಡಲ್ವುಡ್ನ ಜನಪ್ರಿಯ ನಟ ಜೈ ಜಗದೀಶ್ ಈ ಬಾರಿ ದೊಡ್ಮನೆಯ ಯಜಮಾನ! ಕಿರಿ ಕಲಾವಿದರೊಂದಿಗೆ ಹಿರಿಯ ನಟ ಜಗದೀಶ್ ಬಿಗ್ಬಾಸ್ಗೆ ಹೋಗುತ್ತಿದ್ದಾರೆ. ಕಳೆದ ಮೂರು ದಶಕಗಳಿಂದ ಚಂದನವನದಲ್ಲಿ ಮಿಂಚಿರುವ ಜೈ ಜಗದೀಶ್ ಬಿಗ್ಬಾಸ್ನಲ್ಲಿ ಯಾವ ರೀತಿಯ ಕಮಾಲ್ ಮಾಡ್ತಾರೆ ಅನ್ನೋದನ್ನು ಕಾದುನೋಡಬೇಕು.
ಕುರಿ ಪ್ರತಾಪ್ : ಕಾಮಿಡಿ ಕಿಂಗ್, ‘ಕುರಿ’ ಅನ್ನೋ ರಿಯಾಲಿಟಿ ಶೋ ಮೂಲಕವೇ ಫೇಮಸ್ಸಾದ ಕಲಾವಿದ ಪ್ರತಾಪ್ ಅಲಿಯಾಸ್ ಕುರಿ ಪ್ರತಾಪ್ ಈ ಬಾರಿ ಬಿಗ್ಬಾಸ್ ಮನೆ ಪ್ರವೇಶಿಸುತ್ತಿರುವ ಮತ್ತೊಬ್ಬ ಸ್ಟಾರ್. ಪ್ರತಾಪ್ ದೊಡ್ಮನೆಯಲ್ಲಿದ್ದರೆ ಪಕ್ಕಾ ನಕ್ಕು ನಕ್ಕು ಸುಸ್ತಾಗ್ತೀರಾ ಬಿಡಿ.
ರವಿ ಬೆಳಗೆರೆ : ಬರವಣಿಗಯಿಂದಲೇ ಬೃಹತ್ ಓದುಗ ಸಾಮ್ರಾಜ್ಯವನ್ನು ಕಟ್ಟಿರುವ ಸೆಲೆಬ್ರಿಟಿ ಪತ್ರಕರ್ತ ರವಿಬೆಳಗೆರೆ ಈ ಬಾರಿ ಬಿಗ್ಬಾಸ್ಗೆ ಹೋಗ್ತಿದ್ದಾರೆ. ಜನಪ್ರಿಯ ಪತ್ರಕರ್ತ ಬೆಳಗೆರೆ ಕಿರಿತೆರೆಯಲ್ಲೂ ಫೇಮಸ್. ಸಿನಿಮಾ ರಂಗದಲ್ಲೂ ಗುರುತಿಸಿಕೊಂಡಿದ್ದಾರೆ. ಇದೀಗ ಬಿಗ್ಬಾಸ್ಗೆ ಹೋಗುತ್ತಿರುವುದು ಭಾರಿ ಕುತೂಹಲ.
