ಪುಣೆ : ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಬ್ಯಾಟ್ ಹಿಡಿದು ಕ್ರೀಸ್ನಲ್ಲಿ ನಿಂತ್ರು ಅಂದ್ರೆ ಸಾಕು ರನ್ ಮಳೆ ಗ್ಯಾರೆಂಟಿ. ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಶಿಯೇಷನ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಸೌತ್ ಆಫ್ರಿಕಾ ವಿರುದ್ಧದ ಎರಡನೇ ಟೆಸ್ಟ್ ಮ್ಯಾಚ್ನಲ್ಲೂ ಕೊಹ್ಲಿ ರನ್ ಮಳೆ ಸುರಿಸುತ್ತಿದ್ದಾರೆ. ಮೊದಲ ಇನ್ನಿಂಗ್ಸ್ನಲ್ಲಿ ಕೊಹ್ಲಿ ಡಬಲ್ ಸೆಂಚುರಿ (ಅ.254) ಸಿಡಿಸಿದ್ದಾರೆ.
ಈ ಡಬಲ್ ಸೆಂಚುರಿಯೊಂದಿಗೆ ಟೆಸ್ಟ್ನಲ್ಲಿ 7 ಡಬಲ್ ಸೆಂಚುರಿ ಬಾರಿಸಿದ ಮೊದಲ ಭಾರತೀಯ ಎನ್ನುವ ಕೀರ್ತಿಗೆ ವಿರಾಟ್ ಪಾತ್ರರಾಗಿದ್ದಾರೆ. ಅಷ್ಟೇ ಅಲ್ಲದೆ ಟೆಸ್ಟ್ನಲ್ಲಿ ಕೊಹ್ಲಿ 7ಸಾವಿರರನ್ ಗಡಿ ದಾಟಿದ್ದಾರೆ.
ಇನ್ನು ಭಾರತ 5 ವಿಕೆಟ್ ನಷ್ಟಕ್ಕೆ 601ರನ್ ಮಾಡಿ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿದೆ. ಕೊಹ್ಲಿ ಮಾತ್ರವಲ್ಲದೆ ಕನ್ನಡಿಗ ಮಯಾಂಕ್ ಅಗರ್ವಾಲ್ (108), ಚೇತೇಶ್ವರ ಪೂಜಾರ (58), ಅಜಿಂಕ್ಯಾ ರಹಾನೆ (59) ಹಾಗೂ ರವೀಂದ್ರ ಜಡೇಜಾ (91) ಉತ್ತಮ ಆಟವಾಡಿದರು. ರೋಹಿತ್ ಶರ್ಮಾ (14) ಮಾತ್ರ ನಿರಾಸೆ ಮೂಡಿಸಿದರು.
