ಸ್ಯಾಂಡಲ್ವುಡ್ ಅನ್ನು ಆಳಿದ್ದ ದಿಗ್ಗಜರ ಮಕ್ಕಳು ಈಗ ಸ್ಟಾರ್ಗಳಾಗಿ ಮಿಂಚುತ್ತಿರುವುದು ಗೊತ್ತೇ ಇದೆ. ವಿಶೇಷ ಅಂದ್ರೆ ಈಗ ಸ್ಯಾಂಡಲ್ವುಡ್ನಲ್ಲಿ ಅಬ್ಬರಿಸುತ್ತಿರುವ ಸ್ಟಾರ್ ಗಳ ಮಕ್ಕಳು ಕೂಡ ಚಂದನವನ ಪ್ರವೇಶಿಸುತ್ತಿದ್ದಾರೆ. ಸ್ಟಾರ್ಸ್ ತಮ್ಮ ಮಕ್ಕಳನ್ನು ಬಾಲ್ಯದಲ್ಲೇ ಸಿನಿರಂಗಕ್ಕೆ ಪರಿಚಯಿಸ್ತಿದ್ದಾರೆ.
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪುತ್ರ ವಿನಿಶ್, ರಿಯಲ್ ಸ್ಟಾರ್ ಉಪೇಂದ್ರ ಐಶ್ವರ್ಯಾ, ಗೋಲ್ಡನ್ ಸ್ಟಾರ್ ಗಣೇಶ್ ಮಗ ವಿಹಾನ್ ಮತ್ತು ದುನಿಯಾ ವಿಜಯ್ ಮಗ ಸಾಮ್ರಾಟ್ ಸ್ಯಾಂಡಲ್ವುಡ್ ಗೆ ಎಂಟ್ರಿಕೊಟ್ಟಿರುವುದು ಗೊತ್ತೇ ಇದೆ. ಈಗ ಇವರ ಸಾಲಿಗೆ ರೋರಿಂಗ್ ಸ್ಟಾರ್ ಶ್ರೀಮುರಳಿಯವರ ಮಗ ಅಗಸ್ತ್ಯ ಸೇರಿದ್ದಾನೆ.
ಹೌದು ಶ್ರೀಮುರಳಿ ತಮ್ಮ ಮಗನನ್ನು ಸ್ಯಾಂಡಲ್ವುಡ್ಗೆ ಪರಿಚಯಿಸ್ತಿದ್ದಾರೆ. ಮುರಳಿ ನಟನೆಯ ‘ಮದಗಜ’ ಸಿನಿಮಾ ಮೂಲಕ ಅಗಸ್ತ್ಯ ಸ್ಯಾಂಡಲ್ವುಡ್ ಪ್ರವೇಶಿಸುತ್ತಿದ್ದಾನೆ. ಅಗಸ್ತ್ಯಗೆ ವಿಶ್ ಮಾಡಿ ಮದಗಜ ಟೀಮ್ ಪೋಸ್ಟರ್ವೊಂದನ್ನು ಬಿಡುಗಡೆ ಮಾಡಿದೆ. ಈ ಪೋಸ್ಟರ್ನಲ್ಲಿ ಜೂನಿಯರ್ ರೋರಿಂಗ್ ಸ್ಟಾರ್ ತನ್ನ ತಂದೆ ಶ್ರೀಮುರಳಿ ಜೊತೆ ಕಾಣಿಸಿಕೊಂಡಿದ್ದಾನೆ.
ಸದ್ಯ ಶ್ರೀಮುರಳಿ ಅಭಿನಯದ ಭರಾಟೆ ರಿಲೀಸ್ಗೆ ರೆಡಿಯಾಗಿದೆ. ಅಕ್ಟೋಬರ್ 18ರಂದು ಚಿತ್ರ ಬಿಡುಗಡೆ ಆಗಲಿದೆ. ಶೀಘ್ರದಲ್ಲೇ ಮದಗಜ ಚಿತ್ರೀಕರಣ ಆರಂಭವಾಗಲಿದೆ. ಅಯ್ಯೋಗ್ಯ ಸಿನಿಮಾ ಖ್ಯಾತಿಯ ಡೈರೆಕ್ಟರ್ ಮಹೇಶ್ ಆ್ಯಕ್ಷನ್ ಕಟ್ ಹೇಳ್ತಿರೋ ಸಿನಿಮಾ ಇದಾಗಿದ್ದು, ಈಗಾಗಲೇ ನಿರೀಕ್ಷೆ ಹುಟ್ಟುಹಾಕಿದೆ.
ಇನ್ನು ಈ ಮದಗಜ ಮೂಲಕ ರೋರಿಂಗ್ ಸ್ಟಾರ್ ಮುರಳಿ ಪುತ್ರ ಚಂದನವನಕ್ಕೆ ಬರ್ತಿರುವುದು ಖುಷಿ ವಿಚಾರ. ಸ್ಯಾಂಡಲ್ ವುಡ್ ಜರ್ನಿ ಆರಂಭಿಸುತ್ತಿರುವ ಅಗಸ್ತ್ಯಗೆ ನಮ್ ಕಡೆಯಿಂದಲೂ ಶುಭಹಾರೈಕೆ.
