ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಕೆಜಿಎಫ್-2 ಮೇಲಿನ ನಿರೀಕ್ಷೆ ದಿನೇ ದಿನೇ ಹೆಚ್ಚುತ್ತಿದೆ. ಸದ್ಯ ಶೂಟಿಂಗ್ನಲ್ಲಿ ಬ್ಯುಸಿ ಇರೋ ರಾಕಿಭಾಯ್ ಅಂಡ್ ಟೀಮ್ ಸದ್ದಿಲ್ಲದೆ ಸಿನಿಮಾ ರಿಲೀಸ್ ಸುದ್ದಿಯನ್ನು ತಿಳಿಸಿದೆ..! ಅರೆ.. ಕೆಜಿಎಫ್-2 ರಿಲೀಸ್ ಡೇಟ್ ಫಿಕ್ಸಾಯ್ತಾ ಅಂತಿದ್ದಾರಾ..? ಯೆಸ್..
ಕೆಜಿಎಫ್ – ಕನ್ನಡದ ಗೋಲ್ಡನ್ ಫಿಲ್ಮ್…. ಸ್ಯಾಂಡಲ್ವುಡ್ನ ಬ್ರಾಂಡ್ ವ್ಯಾಲ್ಯುವನ್ನು ಹೆಚ್ಚಿಸಿದ ಮೂವಿ.. ಪಂಚ ಭಾಷೆಗಳಲ್ಲಿ ಸಪ್ತಸಾಗರದಾಚೆಗೂ ಕನ್ನಡ ಸಿನಿ ಕಂಪನ್ನು ಬೀರಿದ ಚಿತ್ರ..! 2018ರ ಡಿಸೆಂಬರ್ 21ರಂದು ರಿಲೀಸ್ ಆಗಿದ್ದ ಸಿನಿಮಾ ಸಖತ್ ಸದ್ದು ಮಾಡಿತ್ತು. ‘ಉಗ್ರಂ’ ಡೈರೆಕ್ಟರ್ ಪ್ರಶಾಂತ್ ನೀಲ್ ತಮ್ಮ ಎರಡನೇ ಸಿನಿಮಾ ಈ ಕೆಜಿಎಫ್ ಮೂಲಕ ಇಡೀ ಭಾರತೀಯ ಚಿತ್ರರಂಗವೇ ತನ್ನತ್ತ ತಿರುಗಿ ನೋಡುವಂತೆ ಮಾಡಿದ್ರು.
ರಾಕಿಭಾಯ್ ಅವತಾರದಲ್ಲಿ ಮಿಂಚಿದ ರಾಕಿಂಗ್ ಸ್ಟಾರ್ ಯಶ್ ಕೆಜಿಎಫ್ ರಿಲೀಸ್ ಆಗ್ತಿದ್ದಂತೆ ನ್ಯಾಷನಲ್ ಸ್ಟಾರ್ ಆಗಿಬಿಟ್ರು. ಕೆಜಿಎಫ್ ಯಶ್ ಇಮೇಜನ್ನೇ ಬದಲು ಮಾಡಿಬಿಟ್ಟಿದೆ. ಕೆಜಿಎಫ್ ಸಕ್ಸಸ್ನ ಹಿಂದೆ ತೆರೆ ಮತ್ತು ತೆರೆಮರೆಯಲ್ಲಿ ಕೆಲಸ ಮಾಡಿದ ಎಲ್ಲರ ಪರಿಶ್ರಮ ಇದ್ದೇ ಇದೆ. ಎಲ್ಲದರ ಜೊತೆಗೆ ಇಂಥಾ ಒಂದು ದೊಡ್ಡ ಸಾಹಸಕ್ಕೆ ಕೈ ಹಾಕಿದ ಪ್ರೊಡ್ಯೂಸರ್ ವಿಜಯ್ ಕಿರಗಂದೂರ್ ಅವರನ್ನೂ ಮೆಚ್ಚಲೇ ಬೇಕು.
ಇನ್ನು ಕೆಜಿಎಫ್ ರಿಲೀಸ್ ಆಗುತ್ತಿದ್ದಂತೆ ಎದುರಾಗಿದ್ದು ಕೆಜಿಎಫ್ -2 ಯಾವಾಗಾ ಅನ್ನೋ ಪ್ರಶ್ನೆ..! ಕೆಜಿಎಫ್ ಚಾಪ್ಟರ್ 1 ಸಕ್ಸಸ್ ಬೆನ್ನಲ್ಲೇ ಚಾಪ್ಟರ್ 2 ಸೆಟ್ಟೇರಿತು. ಸದ್ಯ ಎದುರಾದ ಕೆಲ ಅಡೆತಡೆಗಳ ಹೊರತಾಗಿಯೂ ಚಾಪ್ಟರ್ 2 ಚಿತ್ರೀಕರಣ ನಡೀತಾ ಇದೆ. ಈ ಸಡಗರದ ನಡುವೆಯೇ ಯಶ್ ಚಾಪ್ಟರ್ 2 ರಿಲೀಸ್ ಬಗ್ಗೆ ಮಾತಾಡಿದ್ದಾರೆ.
ಇತಿಹಾಸ ಸೃಷ್ಠಿಸಿದ ಕೆಜಿಎಫ್ ಯಶ್ ಜನಪ್ರಿಯತೆಯನ್ನು ಹೆಚ್ಚಿಸಿತು. ಕೀರ್ತಿಯನ್ನು ವಿಶ್ವಕ್ಕೆ ಪಸರಿಸಿತು. ಅನೇಕ ಪ್ರಶಸ್ತಿಗಳು ಯಶ್ರನ್ನರಸಿ ಬಂದಿವೆ. ಮೊನ್ನೆ ಮೊನ್ನೆ ದಾದಾ ಸಾಹೇಬ್ ಫಾಲ್ಕೆ ಸೌತ್ ಫಿಲ್ಮ್ ಅವಾರ್ಡ್ಸ್ 2019ನಲ್ಲಿ ಕೆಜಿಎಫ್ ಚಿತ್ರದ ಅಭಿನಯಕ್ಕಾಗಿ ಔಟ್ ಸ್ಟ್ಯಾಂಡಿಂಗ್ ಪರ್ಫಾರ್ಮರ್ ಆಫ್ ಇಯರ್ ಅವಾರ್ಡ್ ಪಡೆದುಕೊಂಡ್ರು. ಆ ಕಾರ್ಯಕ್ರಮದ ವೇದಿಕೆಯಲ್ಲಿ ಕೆಜಿಎಫ್ -2 ಬಗ್ಗೆ ಯಶ್ ಮಾತಾಡಿದ್ರು.!
ಹೌದು ದಾದಾ ಸಾಹೇಬ್ ಫಾಲ್ಕೆ ಸೌತ್ ಫಿಲ್ಮ್ ಅವಾರ್ಡ್ಸ್ ಕಾರ್ಯಕ್ರಮದ ವೇಳೆ ಮಾತನಾಡಿದ ಯಶ್ ಕೆಜಿಎಫ್ ಚಾಪ್ಟರ್ 2 ಮುಂದಿನ ವರ್ಷ ಏಪ್ರಿಲ್ ನಲ್ಲಿ ರಿಲೀಸ್ ಆಗಲಿದೆ ಅನ್ನೋ ಸೂಚನೆ ಕೊಟ್ಟಿದ್ದಾರೆ… ರಾಕಿಂಗ್ ಸ್ಟಾರ್ ಯಶ್ ಫ್ಯಾನ್ಸ್ ಯಾವಾಗಪ್ಪಾ ಏಪ್ರಿಲ್ ಬರುತ್ತೆ ಅಂತ ಕಾಯ್ತಿದ್ದಾರೆ..! ಕೆಜಿಎಫ್ ಚಾಪ್ಟರ್ 1 ಮಾಡಿದ ಕಮಾಲ್ಗಿಂತ ದೊಡ್ಡ ಮಟ್ಟಿನ ಕಮಾಲ್ ಮಾಡಲಿ ಚಾಪ್ಟರ್ 2 ಅನ್ನೋದು ನಮ್ ಹಾರೈಕೆ ಕೂಡ.
