ಕ್ಯಾಪ್ಟನ್​ ಕೊಹ್ಲಿಗೆ ಕನ್ನಡಿಗ ಮಯಾಂಕ್ ಸಾಥ್..!

ಕಿಂಗ್ ಸ್ಟನ್​ : ಅತಿಥೇಯ ವೆಸ್ಟ್ ಇಂಡೀಸ್ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​ನಲ್ಲಿ ಕನ್ನಡಿಗ ಮಯಾಂಕ್ ಅಗರ್​​ವಾಲ್​ ಮತ್ತು ಕ್ಯಾಪ್ಟನ್ ಕೊಹ್ಲಿ ಅರ್ಧಶತಕದ ನೆರವಿನಿಂದ ಭಾರತ ಮೊದಲ ದಿನಾಂತ್ಯಕ್ಕೆ 5 ವಿಕೆಟ್​ಗೆ 264ರನ್ ಗಳಿಸಿದೆ.
ಸಬಿನಾ ಪಾರ್ಕ್​ನಲ್ಲಿ ನಡೆಯುತ್ತಿರುವ ಮ್ಯಾಚ್​ನಲ್ಲಿ ಟಾಸ್ ಗೆದ್ದ ವಿಂಡೀಸ್ ಕ್ಯಾಪ್ಟನ್ ಜೇಸನ್ ಹೋಲ್ಡರ್ ಟೀಮ್ ಇಂಡಿಯಾವನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿದ್ರು. ಕನ್ನಡಿಗರಾದ ಕೆ.ಎಲ್ ರಾಹುಲ್ ಮತ್ತು ಮಯಾಂಕ್ ಅಗರ್​ವಾಲ್ ಇನ್ನಿಂಗ್ಸ್ ಆರಂಭಿಸಿದರು. ಆದರೆ, ಫಾರ್ಮ್​​ ಕೊರತೆಯನ್ನು ಎದುರಿಸುತ್ತಿರುವ ರಾಹುಲ್ ಮತ್ತೊಮ್ಮೆ ವಿಫಲರಾದರು. 13ರನ್ ಗಳನ್ನಷ್ಟೇ ಮಾಡಿ ರಾಹುಲ್ ಪೆವಿಲಿಯನ್ ಸೇರಿದ್ರು. ನಂತರ ಬಂದ ಟೆಸ್ಟ್ ಸ್ಪೆಷಲಿಸ್ಟ್ ಚೇತೇಶ್ವರ ಪೂಜಾರ ಮಾಡಿದ್ದು 6 ರನ್ ಮಾತ್ರ..!
ನಂತರ 3ನೇ ವಿಕೆಟ್​ಗೆ ಮಯಾಂಕ್ ಅಗರ್​ವಾಲ್​ ಅವರನ್ನು ಜೊತೆಯಾಗಿದ್ದು ಕ್ಯಾಪ್ಟನ್ ಕೊಹ್ಲಿ. ಜೋಡಿ ಮೂರನೇ ವಿಕೆಟ್​ಗೆ 69ರನ್ ಜೊತೆಯಾಟವಾಡಿತು. ಫಸ್ಟ್ ಮ್ಯಾಚ್​ನಲ್ಲಿ ಫೇಲ್ಯೂರ್ ಆಗಿದ್ದ ಅಗರ್​ವಾಲ್ 55ರನ್ ಮಾಡಿದ್ರೆ, ಕೊಹ್ಲಿ 76ರನ್ ಮಾಡಿದ್ರು. ಮೊದಲ ಮ್ಯಾಚ್​ನ ಸೆಂಚುರಿ ಹೀರೋ ರಹಾನೆ ಕೇವಲ 24ರನ್ ಮಾಡಿ ಪೆವಿಲಿಯನ್ ಸೇರಿಕೊಂಡ್ರು. ಸದ್ಯ ಹನುಮಾ ವಿಹಾರಿ (42), ರಿಷಬ್ ಪಂತ್ (27) ಇಂದು ಬ್ಯಾಟಿಂಗ್ ಮುಂದುವರೆಸಲಿದ್ದಾರೆ.
ವಿಂಡೀಸ್ ಪರ ಹೋಲ್ಡರ್ 3, ರೋಚ್ ಮತ್ತು ಕಾರ್ನ್​ವೆಲ್​ ತಲಾ 1 ವಿಕೆಟ್ ಪಡೆದಿದ್ದಾರೆ.