ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ಮಿಲನ ಪ್ರಕಾಶ್ ಚಂದನವನದ ಸೂಪರ್ ಹಿಟ್ ಜೋಡಿಗಳಲ್ಲೊಂದು. ಈಗಾಗಲೇ ದಚ್ಚು ಮತ್ತು ಪ್ರಕಾಶ್ ಕಮಾಲ್ ಮಾಡಿದ್ದಾರೆ. ಇವರಿಬ್ಬರ ಕಾಂಬಿನೇಷನ್ ಚಂದನವನದಲ್ಲಿ ಈಗಾಗಲೇ ಸಕ್ಸಸ್ ಕಂಡಿದ್ದು, ಮತ್ತೊಮ್ಮೆ ಒಂದಾಗಿ ಮೋಡಿ ಮಾಡಲು ರೆಡಿಯಾಗಿದ್ದಾರೆ.
2017ರಲ್ಲಿ ತೆರೆಕಂಡ ತಾರಕ್ ಸಿನಿಮಾವನ್ನು ನೀವೆಲ್ಲಾ ನೋಡಿರ್ತೀರಿ. ಸ್ಯಾಂಡಲ್ವುಡ್ ಚಕ್ರವರ್ತಿ ದಚ್ಚು ಮತ್ತು ಡೈರೆಕ್ಟರ್ ಪ್ರಕಾಶ್ ಕಾಂಬಿನೇಷನ್ನ ಮೆಗಾ ಮೂವಿ. ಪಕ್ಕಾ ಫ್ಯಾಮಿಲಿ ಎಂಟರ್ಟ್ರೈನರ್ ಆಗಿದ್ದ ತಾರಕ್ ಯಶಸ್ವಿ ಪ್ರದರ್ಶನ ಕಂಡಿತ್ತು. ಈಗ ಇದೇ ಪ್ರಕಾಶ್ ಮತ್ತು ಡಿ.ಬಾಸ್ ಮತ್ತೊಂದು ಸೂಪರ್ ಮೂವಿಯನ್ನು ಕೊಡಲು ಸಜ್ಜಾಗಿದ್ದಾರೆ.
ಪ್ರಕಾಶ್ ದರ್ಶನ್ಗೆ ಆ್ಯಕ್ಷನ್ ಕಟ್ ಹೇಳೋ ಮೊದಲು ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ಗೆ ಎರಡು ಸಿನಿಮಾಗಳನ್ನು ನಿರ್ದೇಶಿಸಿದ್ದರು. 2007ರಲ್ಲಿ ರಿಲೀಸ್ ಆದ, ಪವರ್ ಸ್ಟಾರ್ ಪುನೀತ್ ನಟನೆಯ ಮಿಲನ ಸಿನಿಮಾಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದು ಪ್ರಕಾಶ್. ಈ ಸಿನಿಮಾ ಯಾವಮಟ್ಟಿಗೆ ಹಿಟ್ ಆಯ್ತು ಅಂದ್ರೆ.. ಈ ಸಿನಿಮಾದಿಂದ ಪ್ರಕಾಶ್ ಮಿಲನ ಪ್ರಕಾಶ್ ಅಂತ ಬದಲಾಗಿಬಿಟ್ರು.. ಇವತ್ತು ಡೈರೆಕ್ಟರ್ ಪ್ರಕಾಶ್ ಅಂತ ಕರೆಯೋರಿಗಿಂಥಾ ಮಿಲನ ಪ್ರಕಾಶ್ ಅಂತ ಗುರುತಿಸೋರೇ ಹೆಚ್ಚು.
ಮಿಲನ ಬಂದ ಒಂದೇ ವರ್ಷದಲ್ಲಿ 2008ರಲ್ಲಿ ಮತ್ತೆ ಪವರ್ ಸ್ಟಾರ್ ಪುನೀತ್ ಮತ್ತು ಪ್ರಕಾಶ್ ಕಾಂಬಿನೇಷನ್ ಮತ್ತೊಂದು ಸೂಪರ್ ಹಿಟ್ ಸಿನಿಮಾ ಕೊಡ್ತು. ಆ ಸಿನಿಮಾವೇ ವಂಶಿ. ಅಪ್ಪು ಮತ್ತು ಪ್ರಕಾಶ್ ಜೋಡಿ ಸತತ ಎರಡು ಗೆಲುವು ಪಡೆದು ಬೀಗಿತ್ತು. ಅಂತೆಯೇ ವಿಜಯ ರಾಘವೇಂದ್ರ ನಟನೆಯ ‘ಗೋಕುಲ’ ಡೈರೆಕ್ಟರ್, ವಿನಯ್ ರಾಜ್ಕುಮಾರ್ ನಟನೆಯ ‘ಸಿದ್ಧಾರ್ಥ’ ನಿರ್ದೇಶಿಸಿದ್ದು ಕೂಡ ಇವರೇ.
ಹೀಗೆ ಅಪ್ಪುಗೆ ಎರಡೆರಡು ಬಾರಿ ಆ್ಯಕ್ಷನ್ ಕಟ್ ಹೇಳಿರುವ ಪ್ರಕಾಶ್ ದರ್ಶನ್ಗೆ ಎರಡನೇ ಸಿನಿಮಾ ಮಾಡ್ತಿದ್ದಾರೆ. ತಾರಕ್ ಬಳಿಕ ಪ್ರಕಾಶ್ ಮತ್ತು ಬಾಕ್ಸ್ ಆಫೀಸ್ ಸುಲ್ತಾನ ದರ್ಶನ್ ಮತ್ತೆ ಒಂದಾಗಿದ್ದಾರೆ. ದಚ್ಚು ಕಥೆ ಕೇಳಿ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.
ಇನ್ನು ದರ್ಶನ್ ಅಭಿನಯದ ಕುರುಕ್ಷೇತ್ರ ಯಶಸ್ವಿ ಪ್ರದರ್ಶನ ಕಾಣುತ್ತಿದ್ದು, ದಚ್ಚು ಒಡೆಯ ಶೂಟಿಂಗ್ ಮುಗಿಸಿ, ರಾಬರ್ಟ್ ಚಿತ್ರೀಕರಣದಲ್ಲಿ ಬ್ಯುಸಿ ಇದ್ದಾರೆ. ನಂತರ ನಂತರ ‘ಗಂಡುಗಲಿ ಮದಕರಿನಾಯಕ’ ಚಿತ್ರ ಪ್ರಾರಂಭವಾಗಲಿದೆ. ಅದಾದ ಬಳಿಕ ಪ್ರಕಾಶ್ ನಿರ್ದೇಶನದ ಸಿನಿಮಾ ಸೆಟ್ಟೇರಲಿದೆ.
