ಕೃಷ್ಣ ಜನ್ಮಾಷ್ಟಮಿ ಸಡಗರ..ಎಲ್ಲೆಲ್ಲೂ ಪುಟ್ಟ ಮಕ್ಕಳಿಗೆ ಕೃಷ್ಣ, ರಾಧೆ ವೇಷ ಹಾಕಿ ಸಂಭ್ರಮಿಸಲಾಗುತ್ತಿದೆ. ಮುದ್ದು ಮಕ್ಕಳು ಕೃಷ್ಣ-ರಾಧೆ ಧರಿಸಿನಲ್ಲಿ ಮತ್ತಷ್ಟು ಮುದ್ದು ಮುದ್ದಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮಕ್ಕಳನ್ನು ಕೃಷ್ಣನ ಅವತಾರದಲ್ಲಿ ನೋಡುವುದೇ ಚೆನ್ನ..! ಮಕ್ಕಳಿಗೆ ಕೃಷ್ಣ -ರಾಧೆ ವೇಷ ಹಾಕಿ ಖುಷಿ ಪಡೋ ಪೋಷಕರಲ್ಲಿ ಸೆಲೆಬ್ರಿಟಿಗಳೇನು ಭಿನ್ನವಾಗಿಲ್ಲ. ಅವ್ರು ಕೂಡ ತಮ್ಮ ಪುಟ್ಟು ಕಂದಮ್ಮಗಳನ್ನು ಕೃಷ್ಣ-ರಾಧೆ ರೂಪದಲ್ಲಿ ಕಂಡು ಸಂಭ್ರಮಿಸುತ್ತಾರೆ.
ಅಂತೆಯೇ ರಾಕಿಂಗ್ ಸ್ಟಾರ್ ಯಶ್ ಮತ್ತು ಸ್ಯಾಂಡಲ್ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ತಮ್ಮ ಮುದ್ದು ಮಗಳಿಗೆ ಕೃಷ್ಣನ ವೇಷ ಹಾಕಿ ಖುಷಿ ಪಟ್ಟಿದ್ದಾರೆ. ಪುಟಾಣಿ ಐರಾಗೆ ಕೃಷ್ಣನ ವೇಷ ಹಾಕಿ ಯಶ್ -ರಾಧಿಕಾ ಕೃಷ್ಣ ಜನ್ಮಾಷ್ಟಮಿ ಆಚರಿಸಿದ್ದಾರೆ. ಮುದ್ದಾದ ಐರಾ ಕೃಷ್ಣನ ಅವತಾರದಲ್ಲಿ ಸಿಕ್ಕಾಪಟ್ಟೆ ಮುದ್ದು ಮುದ್ದಾಗಿ ಕಾಣ್ತಿದ್ದಾಳೆ.. ಐರಾಳ ಕೃಷ್ಣಾವತಾರದ ಫೋಟೋಸ್ ಇಲ್ಲಿದೆ.
