ಚಿನ್ನ ಗೆದ್ದು ಇತಿಹಾಸ ಸೃಷ್ಟಿಸಿದ ಪಿ.ವಿ ಸಿಂಧು..!

ಸ್ವಿಟ್ಜರ್​​​​ಲ್ಯಾಂಡ್​​: ಭಾರತದ ​ ಬ್ಯಾಡ್ಮಿಂಟನ್ ತಾರೆ ಪಿ.ವಿ ಸಿಂಧು ಬಿಡಬ್ಲ್ಯುಎಫ್​ ವಿಶ್ವ ಬ್ಯಾಡ್ಮಿಂಟನ್​ ಚಾಂಪಿಯನ್​ ಶಿಪ್​ನಲ್ಲಿ ಚಿನ್ನ ಗೆದ್ದು ಇತಿಹಾಸ ಸೃಷ್ಟಿಸಿದ್ದಾರೆ. ಈ ಮೂಲಕ ವಿಶ್ವ ಬ್ಯಾಡ್ಮಿಂಟನ್​​ ಚಾಂಪಿಯನ್​​ಶಿಪ್​​ ಗೆದ್ದ ಭಾರತೀಯ ಮೊದಲ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.
ಇಂದು ಸ್ವಿಟ್ಜರ್​​ಲ್ಯಾಂಡ್​​ನ ಬಾಸೆಲ್​ನಲ್ಲಿ ನಡೆದ ಫೈನಲ್​ ಪಂದ್ಯದಲ್ಲಿ ಪಿ.ವಿ ಸಿಂಧು ಅವರು ಜಪಾನ್​​ನ ಒಕುಹರ ವಿರುದ್ಧ ಸೆಣಸಾಡಿದ್ರು. ಪಂದ್ಯದಲ್ಲಿ ಸಂಪೂರ್ಣ ಹಿಡಿತ ಸಾಧಿಸಿದ ಸಿಂಧು ಅಂತಿಮವಾಗಿ ಒಕುಹರ ಅವರನ್ನು 21-7, 21-7 ಗೇಮ್​ಗಳಿಂದ ಮಣಿಸಿ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ರು. ಸೆಮಿಫೈನಲ್​​ನಲ್ಲಿ ಚೀನಾದ ಚೆನ್​ ಯು ಫಿ ಅವರನ್ನು ಸೋಲಿಸಿ ಫೈನಲ್​ ಪ್ರವೇಶಿಸಿದ್ದ ಪಿ.ವಿ ಸಿಂಧು ಸತತವಾಗಿ 3ನೇ ಬಾರಿ ಫೈನಲ್​ ಪ್ರವೇಶಿಸಿದ್ದ ವಿಶ್ವದ ಏಕೈಕ ಆಟಗಾರ್ತಿ ಎನಿಸಿಕೊಂಡಿದ್ರು. ಕಳೆದೆರಡು ಬಾರಿಯೂ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟಿದ್ದ ಅವರು ಈ ಬಾರಿ ತಮ್ಮ ಕನಸನ್ನು ನನಸಾಗಿಸಿಕೊಂಡ್ರು. ಅದರಲ್ಲೂ ವಿಶೇಷವೆಂದರೇ, ಕಳೆದ ಬಾರಿ ಇದೇ ಒಕುಹರರವರ ವಿರುದ್ಧ ಪಿ.ವಿ ಸಿಂಧುರವರು ಫೈನಲ್​ನಲ್ಲಿ ಸೋತಿದ್ದರು. ಆದ್ರೆ ಈ ಬಾರಿ ಪ್ರಶಸ್ತಿ ಗೆಲ್ಲಲೇಬೇಕೆಂಬ ಹುಮ್ಮಸ್ಸಿನೊಂದಿಗೆ ಆಡಿದ್ದ ಪಿ.ವಿ ಸಿಂಧು ಕೊನೆಗೂ ವಿಶ್ವ ಚಾಂಪಿಯನ್​ ಪಟ್ಟ ಅಲಂಕರಿಸಿದ್ರು.