ಬೆಳಗಾವಿ : ಕರುನಾಡ ನಯಾಗರ ಫಾಲ್ಸ್ ಎಂದೇ ಹೆಸರಾಗಿರುವ ಬೆಳಗಾವಿ ಜಿಲ್ಲೆಯ ಗೋಕಾಕ್ ಫಾಲ್ಸ್ ನಲ್ಲಿ ನೀರು ಧುಮ್ಮಿಕ್ಕುತ್ತಿದೆ.
ದಕ್ಷಿಣ ಮಹಾರಾಷ್ಟ್ರದದಲ್ಲಿ ಭಾರೀ ವರ್ಷಧಾರೆಯಾಗುತ್ತಿದ್ದು, ಅಲ್ಲಿನ ಬಹುತೇಕ ಡ್ಯಾಂಗಳು ಭರ್ತಿಯಾಗಿವೆ.ಹೀಗಾಗಿ ಅಲ್ಲಿಂದ 3 ಲಕ್ಷಕ್ಕೂ ಹೆಚ್ಚು ಕ್ಯೂಸೆಕ್‌ ನೀರು ನದಿಗೆ ಹರಿ ಬಿಡಲಾಗುತ್ತಿದೆ. ಪರಿಣಾಮ ಏಳು ವರ್ಷದ ಬಳಿಕ ಗೋಕಾಕ್ ಫಾಲ್ಸ್ ಧುಮ್ಮಿಕ್ಕುತ್ತಿದೆ. ಬೆಳಗಾವಿಯಿಂದ ಸುಮಾರು 58 ಕಿಲೋ ಮೀಟರ್ ದೂರದಲ್ಲಿ ಗೋಕಾಕ್ ಫಾಲ್ಸ್ ಇದೆ. ಜಲಪಾತದ ಸಮೀಪದಲ್ಲಿ ವಿದ್ಯುತ್ ಉತ್ಪಾದನಾ ಕೇಂದ್ರ, ಉದ್ಯಾನವನ ಇದೆ. ಜಲಪಾತ ನೋಡಲು ತೂಗು ಸೇತುವೆಯನ್ನು ಸಹ ನಿರ್ಮಿಸಲಾಗಿದೆ. ಇನ್ನು, ಕರ್ನಾಟಕದ ನಯಾಗರ ಫಾಲ್ಸ್ ಎಂದೇ ಹೆಸರು ವಾಸಿಯಾಗಿರುವ ಗೋಕಾಕ್ ಫಾಲ್ಸ್ನ ಈ ಸೌಂದರ್ಯವನ್ನು ಕಂಣ್ತುಂಬಿಕೊಳ್ಳುಲು ಪ್ರವಾಸಿಗರು ದೂರದ ಊರುಗಳಿಂದ ಬರುತ್ತಿದ್ದಾರೆ.
