ಸಿದ್ದರಾಮಯ್ಯ ವಿರುದ್ಧ ಏಕವಚನದಲ್ಲಿ ಆಯನೂರು ವಾಗ್ದಾಳಿ..!

ಶಿವಮೊಗ್ಗ : ಮಾಜಿ ಮುಖ್ಯಮಂತ್ರಿ, ಸಿಎಲ್​ಪಿ ನಾಯಕ ಸಿದ್ದರಾಮಯ್ಯ ಅವರ ವಿರುದ್ಧ ವಿಧಾನ ಪರಿಷತ್ ಸದಸ್ಯ ಆಯನೂರು ಮಂಜುನಾಥ್ ಏಕವಚನದಲ್ಲಿ ವಾಗ್ದಾಳಿ ನಡೆಸಿದ್ದಾರೆ.
ಶಿವಮೊಗ್ಗದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ”ಸಿದ್ದರಾಮಯ್ಯಗೆ ಧಮ್ ಇದ್ರೆ ಆರ್​ಎಸ್​ಎಸ್​ ನವರೇ ಗಾಂಧಿಯನ್ನು ಕೊಂದಿದ್ದು ಅಂತ ಸಾಭೀತುಪಡಿಸಲಿ. ಆ ಹೇಳಿಕೆಯನ್ನು ಸಾಬೀತು ಮಾಡಲಿ” ಎಂದರು.
‘ನೀನು ಏಕವಚನ ಬಳಸಿದ್ದಕ್ಕೆ ನಾನು ಏಕವಚನ ಬಳಸಿದ್ದೇನೆ. ನೀನು ತಿದ್ದುಕೊಂಡು ಬದಲಾದರೆ, ಒಳಿತು, ಇಲ್ಲವಾದರೆ, ನಿನ್ನ ಮೇಲೆ ಇದೇ ರೀತಿ ಪದ ಪ್ರಯೋಗ ಮುಂದುವರೆಯಲಿದೆ. ತನ್ನ ಕ್ಷೇತ್ರ ಗೆಲ್ಲಲಾಗದ ಅಯೋಗ್ಯನ ಬಗ್ಗೆ ಈ ರೀತಿ ಏಕ ವಚನ ಬಳಸಿದ್ದಕ್ಕೆ ಕ್ಷಮೆ ಕೋರುತ್ತನೆ’ ಅಂತ ಸಿದ್ದರಾಮಯ್ಯ ವಿರುದ್ಧ ಹರಿಹಾಯ್ದರು.
ಒಬ್ಬ ಮಾಜಿ ಮುಖ್ಯಮಂತ್ರಿ ಸ್ವಭಾವ ಹೇಗಿರಬೇಕು. ತನ್ನ ಕ್ಷೇತ್ರವನ್ನ ಗೆಲ್ಲಲು ಆಗದವ, ಮೂರು ಬಾರಿ ಸಿಎಂ ಆಗಿ, ಪ್ರಧಾನಿ ಆದವರ ಬಗ್ಗೆ ಏಕವಚನದಲ್ಲಿ ಮಾತನಾಡುತ್ತಾರೆ ಎಂದು ಕಿಡಿಕಾರಿದ್ರು.