ಕೊಲಂಬೋ: ಈಸ್ಟರ್ ಪ್ರಾರ್ಥನೆ ವೇಳೆಯೇ ಶ್ರೀಲಂಕಾದಲ್ಲಿ ಉಗ್ರರು ಬಾಂಬ್ ದಾಳಿ ನಡೆಸಿದ್ದಾರೆ. ಶ್ರೀಲಂಕಾದದ ರಾಜಧಾನಿ ಕೊಲಂಬೋದಲ್ಲಿ ನಡೆದ ಸರಣಿ ಬಾಂಬ್ ಸ್ಫೋಟದಲ್ಲಿ 49 ಜನ ಸಾವನ್ನಪ್ಪಿದ್ದಾರೆ. ರಾಜಧಾನಿಯಲ್ಲಿ ಮೂರು ಚರ್ಚ್ ಹಾಗೂ ಮೂರು ಹೊಟೇಲ್ಗಳ ಮೇಲೆ ದಾಳಿ ನಡೆದಿದೆ.
ಮೊದಲಿಗೆ ಸೈಂಟ್ ಆಂಥೊನಿ ಚರ್ಚ್ನಲ್ಲಿ ದಾಳಿ ನಡೆದಿದ್ದು, ನಂತರ ನಿಗೊಂಬಾ ನಗರದ ಕತುವಾಪಿಟಿಯಾದ ಸೈಂಟ್ ಸೆಬಸ್ಟಿಯನ್ ಚರ್ಚ್ನಲ್ಲಿ ದಾಳಿಯಾಗಿದೆ. ನಮ್ಮ ಚರ್ಚ್ನಲ್ಲಿ ಬಾಂಬ್ ದಾಳಿ. ನಿಮ್ಮ ಕುಟುಂಬ ಸದಸ್ಯರಿದ್ದರೆ ದಯವಿಟ್ಟು ಬಂದು ನೆರವು ನೀಡಿ ಅಂತ ಸೈಂಟ್ ಸಬಸ್ಟಿಯನ್ ಚರ್ಚ್ ಫೇಸ್ಬುಕ್ನಲ್ಲಿ ಪೋಸ್ಟ್ ಮಾಡಲಾಗಿದೆ. 300ಕ್ಕೂ ಹೆಚ್ಚು ಗಾಯಾಳುಗಳು ಆಸ್ಪತ್ರೆಗೆ ದಾಖಲಾಗಿರುವುದಾಗಿ ಬಾಟಿಕಲೋವಾ ಆಸ್ಪತ್ರೆಯ ಅಧಿಕಾರಿಗಳು ಹೇಳಿದ್ದಾರೆ.
