ಬಿಜೆಪಿ ಮುಖಂಡ ಶತ್ರುಘ್ನ ಸಿನ್ಹಾ ಕಾಂಗ್ರೆಸ್​ಗೆ​ ಸೇರ್ಪಡೆ..!

ನವದೆಹಲಿ: ಬಾಲಿವುಡ್​ ನಟ ಹಾಗೂ ಬಿಜೆಪಿ ಮುಖಂಡ ಶತ್ರುಘ್ನ ಸಿನ್ಹಾ ಅವರು ಕಾಂಗ್ರೆಸ್​ಗೆ ಸೇರ್ಪಡೆಯಾಗಿದ್ದಾರೆ. ನವದೆಹಲಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಕಾಂಗ್ರೆಸ್​ ವಕ್ತಾರ ರಣ್​ದೀಪ್ ಸಿಂಗ್ ಸರ್ಜೇವಾಲಾ ಅವರು ಶತ್ರುಘ್ನ ಸಿನ್ಹಾ ಅವರನ್ನು ಪಕ್ಷಕ್ಕೆ ಸ್ವಾಗತಿಸಿದ್ದಾರೆ. ಈ ಸಂದರ್ಭ ಮಾತನಾಡಿದ ಅವರು, “ಶತ್ರುಘ್ನ ಸಿನ್ಹಾ ಅವರು ನಿಜವಾದ ರಾಜಕಾರಣಿ. ಅವರು ಯಾವಾಗಲೂ ಸತ್ಯವನ್ನು ಧೈರ್ಯವಾಗಿ ನುಡಿದಿದ್ದಾರೆ” ಅಂತ ಹೇಳಿದ್ದಾರೆ. ಕಾಂಗ್ರೆಸ್​ ಅಧ್ಯಕ್ಷ ರಾಹುಲ್​ಗಾಂಧಿ ಅವರನ್ನು ಭೇಟಿ ಮಾಡಿದ ಒಂದು ವಾರದ ನಂತರ ಶತ್ರುಘ್ನ ಸಿನ್ಹಾ ಅವರು ಕಾಂಗ್ರೆಸ್​ಗೆ ಸೇರಿದ್ದಾರೆ.

“ದೇಶದ ಉತ್ತಮ ರಾಜಕಾರಣಿಯೊಬ್ಬರು ಕಾಂಗ್ರೆಸ್​ಗೆ ಸೇರುತ್ತಿದ್ದಾರೆ. ಸರಿಯಾದ ರಾಜಕಾರಣಿಯೊಬ್ಬರು ಇಷ್ಟು ದಿನ ತಪ್ಪಾದ ಪಕ್ಷದಲ್ಲಿದ್ದರು. ಈಗ ಅವರು ಸರಿಯಾದ ಪಕ್ಷವನ್ನು ಸೇರಿದ್ದಾರೆ. ಈ ಚುನಾವಣೆ ಪ್ರಜಾಪ್ರಭುತ್ವ ವಿರೋಧಿ ಹಾಗೂ ಅಭಿವೃದ್ಧಿ ವಿರೋಧಿ ಮೋದಿ ಸರ್ಕಾರದ ವಿರುದ್ಧ ನಡೆಯುವ ಯುದ್ಧ” ಅಂತ ಪಕ್ಷದ ಕಾರ್ಯದರ್ಶಿ ಕೆ. ಸಿ. ವೇಣುಗೋಪಾಲ್ ಹೇಳಿದ್ದಾರೆ.

ಕಾಂಗ್ರೆಸ್​ಗೆ ಸೇರುವ ಕುರಿತು ಶತ್ರುಘ್ನ ಸಿನ್ಹಾ ಅವರು ಟ್ವೀಟ್ ಮಾಡಿದ್ದು, “ನಾನು ಬಿಜೆಪಿಯಲ್ಲಿ ಹಿರಿಯರಾದ ಭಾರತ ರತ್ನ ನಾನಾಜಿ ದೇಶ್​ಮುಖ್, ಮಾಜಿ ಪ್ರಧಾನಿ ದಿ. ಅಟಲ್​ಬಿಹಾರಿ ವಾಜಪೇಯಿ, ಗುರು, ಸ್ನೇಹಿತರೂ ಆದ ಶ್ರೀ ಎಲ್. ಕೆ. ಅಡ್ವಾಣಿ ಅವರ ಮಾರ್ಗದರ್ಶನದಲ್ಲಿ ಬೆಳೆದು ಬಂದಿದ್ದೇನೆ. ಪಕ್ಷ ತೊರೆಯುವ ಬಗ್ಗೆ ನೋವಿದೆ. ದೇಶ ಸೇವೆಗೆ, ಜನರ ಸೇವೆ ಮಾಡುವುದಕ್ಕೆ ಕಾಂಗ್ರೆಸ್ ನನಗೆ ಅವಕಾಶ ನೀಡುತ್ತದೆ ಎಂಬ ವಿಶ್ವಾಸವಿದೆ ” ಅಂತ ಬರೆದಿದ್ದಾರೆ.

this party with the guidance and blessings of the stalwarts like Bharat Ratna Nanaji Deshmukh, late and great PM #atalbiharivajpayee and of course, our friend philosopher, ultimate leader, guru & guide, Sri. L.K #Advani. I would like to include some of those who've not lived up

— Shatrughan Sinha (@ShatruganSinha) April 6, 2019

. I'm hopeful that the Grand Old National Party which I'm stepping into, will provide me with opportunities to serve our people, society and nation in terms of unity, prosperity, progress, development, and glory. This is a party of great nation builders and luminaries like

— Shatrughan Sinha (@ShatruganSinha) April 6, 2019