ದೇವರ ನಾಡಿನಲ್ಲಿ ರಾಹುಲ್​ ಗಾಂಧಿ ರಣಕಹಳೆ

ವಯನಾಡ್​: ಕಾಂಗ್ರೆಸ್​ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಸಹೋದರಿ ಪ್ರಿಯಾಂಕ ವಾದ್ರಾ ಜೊತೆ ಕೇರಳದ ವಯನಾಡ್​ಗೆ ಬಂದಿಳಿದಿದ್ದಾರೆ. ಹೆಲಿಕಾಪ್ಟರ್​ ಮೂಲಕ ಬಂದ ರಾಹುಲ್ ಗಾಂಧಿ ಇಂದು ಬೆಳಗ್ಗೆ ವಯನಾಡ್​ಗೆ ತಲುಪಿದ್ದಾರೆ. ಇದೇ ಮೊದಲ ಬಾರಿಗೆ ರಾಹುಲ್​ ಗಾಂಧಿ ಅವರು ಎರಡನೇ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸುತ್ತಿದ್ದಾರೆ. ವಯನಾಡ್ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ರಾಹುಲ್​ ಇಂದು ನಾಮಪತ್ರ ಸಲ್ಲಿಸಲಿದ್ದಾರೆ ಕಾಂಗ್ರೆಸ್​ ಕಾರ್ಯಕರ್ತರೂ, ಬೆಂಬಲಿಗರೂ ಹೆಚ್ಚಿನ ಸಂಖ್ಯೆಯಲ್ಲಿ ಸೇರಿದ್ದು,​ ಭರ್ಜರಿ ರೋಡ್​ ಶೋ ಆರಂಭವಾಗಿದೆ. ಬುಧವಾರ ರಾತ್ರಿಯೇ ರಾಹುಲ್​ಗಾಂಧಿ ಕೋಝಿಕ್ಕೋಡ್​ಗೆ ಬಂದಿಳಿದಿದ್ದಾರೆ. ಮಾಜಿ ಮುಖ್ಯಮಂತ್ರಿ ಉಮನ್​ ಚಾಂಡಿ ಅವರು ರಾಹುಲ್​ ಅವರನ್ನು ಬರಮಾಡಿಕೊಂಡಿದ್ದಾರೆ.