Wednesday, May 22, 2024

ಡೆಲ್ಲಿ ಡೇರ್ ಡೆವಿಲ್ಸ್​​ಗೆ ಮರು ನಾಮಕರಣ..!

2019ರ ಐಪಿಎಲ್​ ಆರಂಭಕ್ಕೆ ಇನ್ನು ಹಲವು ತಿಂಗಳುಗಳಿರುವಾಗಲೇ ಪ್ರಾಂಚೈಸಿಗಳಲ್ಲಿ ಕಾರ್ಯ ಚಟುವಟಿಕೆಗಳು ಜೋರಾಗಿವೆ. ಎಲ್ಲಾ ತಂಡಗಳು ಡಿಸೆಂಬರ್​ 17 ಹಾಗೂ 18ರಂದು ಜೈಪುರದಲ್ಲಿ ನಡೆಯುವ ಬಿಡ್ಡಿಂಗ್​ನಲ್ಲಿ ಆಟಗಾರರನ್ನು ಖರೀದಿಸುವ ಬಗ್ಗೆ ತಲೆಕೆಡಿಸಿಕೊಂಡಿವೆ. ಆದ್ರೆ, ಟೂರ್ನಿಯ ಪ್ರಮುಖ ತಂಡವೊಂದು ತನ್ನ ಹೆಸರನ್ನೆ ಬದಲಿಸಿದೆ.
ಹೌದು..! ಇಷ್ಟು ದಿನ ಡೆಲ್ಲಿ ಡೇರ್​ಡೆವಿಲ್ಸ್​​ ಆಗಿದ್ದ ತಂಡ ಇನ್ಮುಂದೆ ಡೆಲ್ಲಿ ಕ್ಯಾಪಿಟಲ್​ ಆಗಿದೆ. ಐಪಿಎಲ್​ ಆರಂಭದಿಂದಲೂ ಡೆಲ್ಲಿ ಡೇರ್​ಡೆವಿಲ್ಸ್​​ ಆಗಿ ಅಭಿಮಾನಿಗಳನ್ನ ರಂಜಿಸಿದ್ದ ಟೀಮ್ ಇದೀಗ ಡೆಲ್ಲಿ ಕ್ಯಾಪಿಟಲ್​ ಅಂತ ಮರು ನಾಮಕರಣ ಮಾಡಿಕೊಂಡಿದೆ.
ಟೂರ್ನಿ ಆರಂಭದ 2 ಆವೃತ್ತಿಗಳಲ್ಲಿ ಸೆಮೀಸ್​​ ಪ್ರವೇಶಿಸಿದ್ದ ಡೆಲ್ಲಿ ಡೇರ್​​ಡೆವಿಲ್ಸ್​, ಬಳಿಕ 2012ರಲ್ಲಿ ಫ್ಲೇ ಆಫ್​​ ಸುತ್ತು ಪ್ರವೇಶಿಸಿದ್ದನ್ನ ಬಿಟ್ರೆ ಹೇಳಿಕೊಳ್ಳುವಂಥಾ ಪ್ರದರ್ಶನವನ್ನ ನೀಡಿಲ್ಲ. ಆದ್ರೆ 2019ರ ಆವೃತ್ತಿಗೆ ತಂಡ ಹಲವು ಬದಲಾವಣೆಗಳೊಂದಿಗೆ ಕಣಕ್ಕಿಳಿಯಲಿದೆ. ಅದಲ್ಲದೇ ಸ್ಫೋಟಕ ಬ್ಯಾಟ್ಸ್​ಮನ್ ಶಿಖರ್ ಧವನ್ ಅವರು ಸನ್​ ರೈಸರ್ಸ್ ತೊರೆದು ಡೆಲ್ಲಿ ಸೇರಿರುವುದು ತಂಡಕ್ಕೆ ಆನೆ ಬಲ ಬಂದಂತಾಗಿದೆ.
ಈ ಮೊದಲು ನಾಯಕತ್ವ ಹಾಗೂ ಆಟಗಾರರಲ್ಲಿ ಹಲವು ಬದಲಾವಣೆಗಳನ್ನ ಮಾಡಿದ್ದ ತಂಡ ಇದೀಗ ಮರು ನಾಮಕರಣವನ್ನೂ ಮಾಡಿದೆ. ಒಟ್ಟಿನಲ್ಲಿ ಹಲವು ಬದಲಾವಣೆಗಳೊಂದಿಗೆ 2019ರ ಐಪಿಎಲ್​ಗೆ ಸಜ್ಜಾಗಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಟೂರ್ನಿಯಲ್ಲಿ ಹೇಗೆ ಪ್ರದರ್ಶನ ನೀಡುತ್ತೆ ಅನ್ನೋದು ಅಭಿಮಾನಿಗಳ ಕುತೂಹಲಕ್ಕೆ ಕಾರಣವಾಗಿದೆ.

RELATED ARTICLES

Related Articles

TRENDING ARTICLES