ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದ ಎಸ್​​ಬಿಐ

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ತನ್ನ ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದೆ. ಸೆಲೆಕ್ಟೆಡ್​ ಮೆಚ್ಯುರಿಟೀಸ್​ ಮೇಲೆ ಫಿಕ್ಸ್​ಡ್​ ಡೆಪಾಸಿಟ್ ​ನ ಬಡ್ಡಿದರವನ್ನು ಹೆಚ್ಚಿಸಿದೆ. ಇಂದಿನಿಂದ ಪರಿಷ್ಕೃತ ಬಡ್ಡಿದರ ಫಿಕ್ಸ್​ಡ್​ ಡೆಪೋಸಿಟ್​ ಖಾತೆಗೆ ಅನ್ವಯವಾಗಲಿದೆ ಅಂತ ಎಸ್​ಬಿಐ ತನ್ನ ಅಧಿಕೃತ ವೆಬ್​ಸೈಟ್​​ನಲ್ಲಿ ತಿಳಿಸಿದೆ.
ಶೇ.0.05 ರಿಂದ 0.10 ಅಥವಾ ಬೇಸಿಸ್​ ಪಾಯಿಂಟ್​ ಪ್ರಕಾರ 5-10ರಷ್ಟು ಹೆಚ್ಚಳವಾಗಿದೆ. ಬೇಸಿಸ್ ಪಾಯಿಂಟ್ ಶೇ. 0.01ಗೆ ಸಮಾನಾಗಿದೆ. ಈ ನಿಯಮ 1 ಕೋಟಿ ರೂಪಾಯಿಗಿಂತ ಕಡಿಮೆ ಠೇವಣಿ ಇಟ್ಟಿರುವ ಗ್ರಾಹಕರಿಗೆ ಅನ್ವಯವಾಗಲಿದೆ.