Thursday, May 30, 2024

ಇವತ್ತು ಕೊಹ್ಲಿ ಈ 7 ರೆಕಾರ್ಡ್ ಗಳನ್ನು ಮಾಡ್ತಾರೆ ಅಂತ ಯಾರೂ ಅನ್ಕೊಂಡಿರ್ಲಿಲ್ಲ..!

ಟೀಮ್ ಇಂಡಿಯಾದ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ವರ್ಲ್ಡ್ ಕ್ರಿಕೆಟ್ ನ ಇರೋ ಬರೋ ರೆಕಾರ್ಡ್ ಗಳನ್ನೆಲ್ಲಾ ತನ್ನ ಹೆಸ್ರಿಗೆ ಬರೆಸಿಕೊಳ್ಬೇಕು ಅಂತ ಡಿಸೈಡ್ ಮಾಡಿದಂತಿದೆ. ಹೀಗಂತ ಸುಮ್ ಸುಮ್ನೆ ಹೇಳೋಕೆ ಆಗಲ್ಲ ಅಲ್ವಾ? ಕೊಹ್ಲಿಯ ರೆಕಾರ್ಡ್ ಗಳನ್ನು ಇಟ್ಕೊಂಡೇ ಈ ಮಾತು ಹೇಳ್ತಿರೋದು.
ವಿಶಾಖಪಟ್ಟಣದಲ್ಲಿ ನಡೆಯುತ್ತಿರೋ ವೆಸ್ಟ್ ಇಂಡೀಸ್ ವಿರುದ್ಧದ 2ನೇ ಒನ್ ಡೇ ಮ್ಯಾಚ್ ನಲ್ಲಿ ಅಬ್ಬರಿಸಿದ ಕೊಹ್ಲಿ ಒಂದಲ್ಲ ಎರಡಲ್ಲ 7 ದಾಖಲೆಗಳನ್ನು ಮಾಡಿದ್ದಾರೆ.

ಆ ಏಳು ರೆಕಾರ್ಡ್ ಗಳು ಇಲ್ಲಿವೆ.

1) 4,000ರನ್ : ಭಾರತದಲ್ಲಿ ವೇಗವಾಗಿ 4,000ರನ್ ಮಾಡಿದ ಸಾಧನೆಯನ್ನು ಕೊಹ್ಲಿ ಮಾಡಿದ್ದಾರೆ.
2) 10,000 ರನ್ : ವೇಗವಾಗಿ 10,000 ರನ್ ಪೂರೈಸಿದ್ದು ವಿರಾಟ್ ಮಾಡಿದ ಇಂದಿನ 2ನೇ ರೆಕಾರ್ಡ್. ಈ ಮೂಲಕ ಸಚಿನ್ ರೆಕಾರ್ಡ್ ಬ್ರೇಕ್ ಮಾಡಿದ ಹಿರಿಮೆ ಕೊಹ್ಲಿ ಅವರದ್ದಾಗಿದೆ.
3) ಹೆಚ್ಚು ಶತಕ : ವೆಸ್ಟ್ ಇಂಡೀಸ್ ವಿರುದ್ಧ ಅತೀ ಹೆಚ್ಚು ಸೆಂಚುರಿ ಬಾರಿಸಿದ ಬ್ಯಾಟ್ಸ್ ಮನ್ ಅನ್ನೋ ಹೆಗ್ಗಳಿಕೆ ಕೊಹ್ಲಿಯದ್ದಾಗಿದೆ. ವಿಂಡೀಸ್ ವಿರುದ್ಧ ಇದು ಕೊಹ್ಲಿಯ 6ನೇ ಸೆಂಚುರಿ.
4) 1,000 ರನ್ : ವರ್ಷದಲ್ಲಿ ಅತೀ ಕಮ್ಮಿ ಅವಧಿಯಲ್ಲಿ 1,000ರನ್ ಮಾಡಿದ ಸಾಧನೆ. ಈ ವರ್ಷ ಕೇವಲ 11 ಇನ್ನಿಂಗ್ಸ್ ಗಳಲ್ಲಿ ಈ ರೆಕಾರ್ಡ್ ಮಾಡಿದ್ದಾರೆ. 2017ರ ಸಾಲಿನಲ್ಲೂ ಕೊಹ್ಲಿ 1,000ರನ್ ಗಡಿ ದಾಟಿದ್ರು.
5) ಹೆಚ್ಚು ಸರಾಸರಿ : ಹೈಯಸ್ಟ್ ಆವರೇಜ್ (ಹೆಚ್ಚು ಬ್ಯಾಟಿಂಗ್ ಸರಾಸರಿ) ನಲ್ಲಿ 10ಸಾವಿರ್ ಪೂರೈಸಿದ ದಾಖಲೆ. ಧೋನಿ ರೆಕಾರ್ಡ್ ಬ್ರೇಕ್.
6) ಅತೀ ಹೆಚ್ಚು ರನ್ : ವೆಸ್ಟ್ ಇಂಡೀಸ್ ವಿರುದ್ಧ ಅತೀಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್ ಮನ್ ಆದ ಕೊಹ್ಲಿ. ಇಲ್ಲೂ ಸಚಿನ್ ರೆಕಾರ್ಡ್ ಬ್ರೇಕ್.
7) ಧೋನಿ ರೆಕಾರ್ಡ್ ಬ್ರೇಕ್ : ಭಾರತದಲ್ಲಿ ಅತೀವೇಗವಾಗಿ ಉತ್ತಮ ಸರಾಸರಿಯಲ್ಲಿ 4,000ರನ್ ಸಿಡಿಸಿದ ಕೊಹ್ಲಿ. ಇಲ್ಲಿಯೂ ಕೂಲ್ ಕ್ಯಾಪ್ಟನ್ ಧೋನಿ ರೆಕಾರ್ಡ್ ಉಡೀಸ್.
ಇದಿಷ್ಟೇ ಅಲ್ದೆ 4ನೇ ಬಾರಿ ಒಡಿಐ ಕ್ರಿಕೆಟ್ ನಲ್ಲಿ 150 ರನ್ ಗಡಿದಾಟಿದ ಸಾಧನೆ ಮಾಡಿದ್ದಾರೆ.

RELATED ARTICLES

Related Articles

TRENDING ARTICLES