ಹಾಸನ: ಹಾಸನದ ಜನಕಲ್ಯಾಣ ಸಮಾವೇಶದಲ್ಲಿ ಮಾತನಾಡಿದ ಸಿಎಂ ಸಿದ್ದರಾಮಯ್ಯ ಬಿಜೆಪಿ ಮತ್ತು ಜೆಡಿಎಸ್ ವಿರುದ್ದ ಪ್ರಶ್ನೆಗಳ ಸುರಿಮಳೆಯನ್ನೆ ಸುರಿಸಿದರು. ದೇವೇಗೌಡರ ವಿಚಾರವಾಗಿ ಮಾತನಾಡಿದ ಸಿಎಂ ದೇವೇಗೌಡರು ಎಂದು ಬೇರೆಯವರು ಬೆಳೆಯುವುದನ್ನು ಇಷ್ಟಪಡಲಿಲ್ಲ ಎಂದು ವಾಗ್ದಾಳಿ ನಡೆಸಿದರು.
ತಮ್ಮ ಮಾತಿನುದ್ದಕ್ಕು ಬಿಜೆಪಿ ಮತ್ತು ಜೆಡಿಎಸ್ಗೆ ಪ್ರಶ್ನೆಗಳ ಸವಾಲು ಹಾಕಿದ ಸಿದ್ದರಾಮಯ್ಯ, ವಿಪಕ್ಷಗಳಿ ಗ ಬಗ್ಗೆ ಬೆಂಕಿಯುಗುಳಿದರು. ದೇವೇಗೌಡರ ಬಗ್ಗೆ ಮಾತನಾಡಿದ ಸಿದ್ದರಾಮಯ್ಯ ‘ ದೇವೇಗೌಡರ ಯಾವುತ್ತು ಬೇರೆಯವರನ್ನು ಬೆಳೆಸಲು ಇಷ್ಡಪಡಲ್ಲ. ಬೇರೆಯವರು ಹೋಗಲಿ ಒಕ್ಕಲಿಗರನ್ನೆ ಬೆಳೆಸಲ್ಲ ಎಂದು ಅನೇಕ ಒಕ್ಕಲಿಗ ನಾಯಕರ ಹೆಸರನ್ನು ಹೇಳಿ ವಾಗ್ದಾಳಿ ನಡೆಸಿದರು.
ಈ ಮಾತನ್ನು ನಾನು ಹೇಳಿದರೆ ಸಿದ್ದರಾಮಯ್ಯ ಒಕ್ಕಲಿಗರ ವಿರುದ್ದ ಮಾತಾಡಿದ ಎಂದು ಎತ್ತಿಕಟ್ಟುತ್ತಾರೆ. ಸಿದ್ದರಾಮಯ್ಯ ದೇವೇಗೌಡರಿಂದ ಹಣಕಾಸು ಮಂತ್ರಿಯಾದ, ಹಾಗಾಗಿ ಬೆಳೆದ ಎಂದು ಹೇಳುತ್ತಾರೆ. ಆದರೆ ನಾನು ಜಾಲಪ್ಪ ಇಲ್ಲದೆ ಹೋಗಿದ್ದರೆ ದೇವೇಗೌಡರು ಸಿಎಂ ಆಗುತ್ತಿದ್ದರಾ. ಎಂದು ಹೇಳಿದರು.
ಜೆಡಿಎಸ್ ಈಗ ಕೋಮುವಾದಿಗಳ ಜೊತೆ ಸೇರಿಕೊಂಡಿದೆ.ಜಾರಕಿಹೋಳಿ, ಮಹದೇವಪ್ಪ, ಸುಬ್ಬಯ್ಯ ಎಲ್ಲಾ ಸೇರಿ ಜೆಡಿಎಸ್ ಪಕ್ಷವನ್ನು ಕಟ್ಟಿದ್ದೆವು. ಆದರೆ ನಾನು ಅಹಿಂದ ಸಮಾವೇಶ ಮಾಡಿದೆ ಎಂದು ನನ್ನನ್ನು ಪಕ್ಷದಿಂದ ತೆಗೆದರು. ನಾನೇನು ಪಕ್ಷ ಬಿಟ್ಟು ಬರಲಿಲ್ಲ, ಅವರೆ ನನ್ನನ್ನು ಪಕ್ಷದಿಂದ ವಜಾ ಮಾಡಿದರು. ನಮ್ಮ ಯೋಜನೆಗಳನ್ನು ನಿಲ್ಲಿಸೋಕೆ ಬಿಜೆಪಿ ಮತ್ತು ಜೆಡಿಎಸ್ ಪ್ರಯತ್ನ ಮಾಡುತ್ತಿವೆ. ಆದರೆ ಬೇರೆ ರಾಜ್ಯದಲ್ಲಿ ನಡೆಯೋ ರೀತಿ ನಮ್ಮಲ್ಲಿ ಮಾಡಲು ಸಾಧ್ಯವಿಲ್ಲ. ಸುಮಾರು 56 ಸಾವಿರ ಕೋಟಿ ಹಣವನ್ನು ಗ್ಯಾರಂಟಿ ಯೋಜನೆಗಳಿಗೆ ಖರ್ಚು ಮಾಡುತ್ತಿದ್ದೇವೆ ಎಂದು ಹೇಳಿದರು.
