ಬೆಂಗಳೂರು : ಭಾರತ ವಿರುದ್ಧದ ಮೊದಲ ಟಿ-20 ಪಂದ್ಯದಲ್ಲಿ ಆಸ್ಟ್ರೇಲಿಯಾ ಬ್ಯಾಟರ್ ಜೋಷ್ ಇಂಗ್ಲಿಸ್ ವಿಧ್ವಂಶಕ ಶತಕ ಸಿಡಿಸಿದರು.
ಭಾರತೀಯ ಬೌಲರ್ಗಳನ್ನು ಮನಬಂದಂತೆ ದಂಡಿಸಿದ ಇಂಗ್ಲಿಸ್ ಕೇವಲ 47 ಎಸೆತಗಳಲ್ಲಿ 8 ಭರ್ಜರಿ ಸಿಕ್ಸರ್ ಹಾಗೂ 9 ಬೌಂಡರಿಗಳ ನೆರವಿನೊಂದಿಗೆ 102 ರನ್ ಚಚ್ಚಿದರು. ಇದು ಅವರ ಮೊದಲ (ಟಿ-20) ಅಂತರಾಷ್ಟ್ರೀಯ ಶತಕವಾಗಿದೆ.
ಭಾರತಕ್ಕೆ ಬೃಹತ್ ಟಾರ್ಗೆಟ್
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ ಬೃಹತ್ ಮೊತ್ತ ದಾಖಲಿಸಿತು. ನಿಗದಿತ 20 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 208 ರನ್ ಕಲೆಹಾಕಿತು. ಜೋಷ್ ಇಂಗ್ಲಿಸ್ 110, ಸ್ಟೀವನ್ ಸ್ಮಿತ್ 52, ಮ್ಯಾಥ್ಯೂ ಶಾರ್ಟ್ 13, ಮಾರ್ಕಸ್ ಸ್ಟೊಯಿನಿಸ್ 7, ಟಿಮ್ ಡೇವಿಡ್ 19 ರನ್ ಸಿಡಿಸಿದರು. ಭಾರತದ ಪರ ರವಿ ಬಿಷ್ಣೋಯಿ ಹಾಗೂ ಪ್ರಸಿದ್ಧ್ ಕೃಷ್ಣ ತಲಾ ಒಂದು ವಿಕೆಟ್ ಪಡೆದರು.
ಟಿ-20ಯಲ್ಲಿ ಆಸಿಸ್ ಪರ ದಾಖಲಾದ ಶತಕಗಳು
3 : ಗ್ಲೆನ್ ಮ್ಯಾಕ್ಸ್ವೆಲ್
2 : ಆರನ್ ಫಿಂಚ್
1 : ಡೇವಿಡ್ ವಾರ್ನರ್
1 : ಶೇನ್ ವ್ಯಾಟ್ಸನ್
1 : ಜೋಶ್ ಇಂಗ್ಲಿಸ್
