ಬೆಂಗಳೂರು : ಆರಂಭಿಕ ಆಘಾತ.. 300 ಗಡಿ ದಾಟುವ ಮುನ್ಸೂಚನೆ ಕೊಟ್ಟ ಪಾಕ್.. ಎದೆಗುಂದಂದೆ ಶಿಸ್ತುಬದ್ದ ದಾಳಿ ಮುಂದುವರಿಸಿದ ಭಾರತ.. ಪರಿಣಾಮ ಬೂಮ್ರಾ, ಸಿರಾಜ್, ಕುಲ್ದೀಪ, ಜಡೇಜಾ ಹಾಗೂ ಪಾಂಡ್ಯ ಬಾಳಿಗೆ ಪಾಕ್ ಧ್ವಂಸ.
ವಿಶ್ವಕಪ್-2023ರ ಟೂರ್ನಿಯಲ್ಲಿ ಭಾರತದ ವಿರುದ್ಧದ ಪಂದ್ಯದಲ್ಲಿ ಬದ್ದವೈರಿ ಪಾಕಿಸ್ತಾನ ಸಾಧಾರಣ ಟಾರ್ಗೆಟ್ ಕಲೆಹಾಕಿದೆ. ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಪಾಕ್ 42.5 ಓವರ್ಗಳಲ್ಲಿ 191 ರನ್ಗಳಿಗೆ ಸರ್ವಪತನ ಕಂಡಿತು.
ಪಾಕಿಸ್ತಾನ ಪರ ಬಾಬರ್ ಅಜಮ್ ಅರ್ಧಶತಕ ಸಿಡಿಸಿದರು. ರಿಜ್ವಾನ್ 49 ರನ್ ಗಳಿಸಿ ಅರ್ಧಶತಕ ವಂಚಿತರಾದರು. ಇಮಾಮ್ 36 ಹಾಗೂ ಶಫೀಕ್ 20 ರನ್ ಗಳಿಸಿದರು. ಉಳಿದಂತೆ ಭಾರತದ ಬೌಲಿಂಗ್ ದಾಳಿಗೆ ಪಾಕ್ ಬ್ಯಾಟರ್ಗಳು ಪೆವಿಲಿಯನ್ ಪೆರೇಡ್ ನಡೆಸಿದರು. ಭಾರತದ ಪರ ಸಿರಾಜ್, ಬುಮ್ರಾ, ಕುಲ್ದೀಪ್ ಯಾದವ್, ಜಡೇಜಾ ಹಾಗೂ ಪಾಂಡ್ಯ ತಲಾ ಎರಡು ವಿಕೆಟ್ ಪಡೆದು ಮಿಂಚಿದರು.
