ಬೆಂಗಳೂರು : ಮೂರು ವರ್ಷಗಳಿಂದ ಬ್ರೇಕ್ ಬಿದ್ದಿದ್ದ ಕಿಚ್ಚೋತ್ಸವಕ್ಕೆ ಈ ಬಾರಿ ಬಿಗ್ ಓಪನಿಂಗ್ ಸಿಗ್ತಿದೆ. ಆಲ್ ಇಂಡಿಯಾ ಕಟೌಟ್ ಕಿಚ್ಚನ ಬರ್ತ್ ಡೇ ಬಹಳ ಅದ್ದೂರಿ ಹಾಗೂ ಅವಿಸ್ಮರಣೀಯವಾಗಿರಲಿದೆ. ಒಂದೆಡೆ ಅಭಿನಯ ಚಕ್ರವರ್ತಿಯಿಂದ ಅಭಿಮಾನಿಗಳ ಭೇಟಿ. ಮತ್ತೊಂದ್ಕಡೆ ಒಂದಲ್ಲಾ ಎರಡಲ್ಲಾ ನಾಲ್ಕು ಸರ್ಪ್ರೈಸ್ಗಳು. ಆ ಪೈಕಿ ಕೆಆರ್ಜಿ ಹಾಗೂ ಆರ್ಸಿ ಮೂವೀಸ್ನಿಂದ ಬಿಗ್ ಬ್ರೇಕಿಂಗ್ ನ್ಯೂಸ್ ಸಿಗ್ತಿದೆ.
ಹೌದು, ಒಂದು ಕಾಲದಲ್ಲಿ ಐರೆನ್ ಲೆಗ್ ಆಗಿದ್ದ ಇವ್ರು, ಸದ್ಯ ಭಾರತೀಯ ಚಿತ್ರರಂಗ ಹೆಮ್ಮೆ ಪಡುವಂತಹ ಗೋಲ್ಡನ್ ಲೆಗ್ ಆಗಿದ್ದಾರೆ. ಗಾಡ್ಫಾದರ್ ಇಲ್ಲದೆ ಇವ್ರು ಹಂತ ಹಂತವಾಗಿ ಬೆಳೆದ ಪರಿ ನಿಜಕ್ಕೂ ಅವರ್ಣನೀಯ. ಇಲ್ಲಿಯವರೆಗೂ 45 ಸಿನಿಮಾಗಳನ್ನ ಮಾಡಿ ಮುಗಿಸಿರೋ ಈ ಆಲ್ ಇಂಡಿಯಾ ಕಟೌಟ್, ಸದ್ಯ 46ನೇ ಚಿತ್ರದಲ್ಲಿ ಬ್ಯುಸಿ ಆಗಿದ್ದಾರೆ. ಡೆಮೊನ್ ಟೀಸರ್ನಿಂದ ಕಿಚ್ಚ 46 ಟಾಕ್ ಆಫ್ ದಿ ನೇಷನ್ ಆಗಿದೆ.
ಇದನ್ನು ಓದಿ : ಕಿಚ್ಚ ಸುದೀಪ್ ಹುಟ್ಟುಹಬ್ಬ ಆಚರಣೆಗೆ ಭರ್ಜರಿ ಸಿದ್ದತೆ!
ಮೂರು ವರ್ಷಗಳಿಂದ ಬರ್ತ್ ಡೇಗೆ ಬ್ರೇಕ್ ಹಾಕಿದ್ದ ಕಿಚ್ಚ, ಈ ಬಾರಿ ಅಂದ್ರೆ ಇದೇ ಸೆಪ್ಟೆಂಬರ್ 2ಕ್ಕೆ 52ನೇ ವಸಂತಕ್ಕೆ ಕಾಲಿಡ್ತಿದ್ದಾರೆ. ಕೊರೋನಾ, ಅಪ್ಪು ಅಗಲಿಕೆಯಿಂದ ಸೆಲೆಬ್ರೇಷನ್ ಬೇಡ ಅಂದಿದ್ದ ಕಿಚ್ಚ, ಈ ಬಾರಿ ಅದ್ಧೂರಿ ಹಾಗೂ ಅವಿಸ್ಮರಣೀಯ ಸಂಭ್ರಮಕ್ಕೆ ಸಾಕ್ಷಿ ಆಗ್ತಿದ್ದಾರೆ. ಸೆಪ್ಟೆಂಬರ್ 1ರ ರಾತ್ರಿ 10 ಗಂಟೆಯಿಂದ ಮಿಡ್ ನೈಟ್ 12.30ರ ತನಕ ಕಿಚ್ಚ ಅಭಿಮಾನಿಗಳ ಜೊತೆ ಕಾಲ ಕಳೆಯಲಿದ್ದು, ನಂದಿ ಲಿಂಕ್ಸ್ ಗ್ರೌಂಡ್ನಲ್ಲಿ ಕಿಚ್ಚೋತ್ಸವ ಗ್ರ್ಯಾಂಡ್ ಆಗಿ ನಡೆಯಲಿದೆ.
ಸಾಲು ಸಾಲು ಸರ್ಪ್ರೈಸ್ ಗಿಫ್ಟ್
ವಿಶೇಷ ಅಂದ್ರೆ ಕಿಚ್ಚನ ಬರ್ತ್ ಡೇ ಕಿಚ್ಚ @50 ಅನ್ನೋ ಟೈಟಲ್ನಲ್ಲಿ 50ರ ಹರೆಯದ ಕಿಚ್ಚ ಅಂತ ಸೆಲೆಬ್ರೇಟ್ ಮಾಡಲಾಗ್ತಿದೆ. ಇನ್ನು ಸುದೀಪ್ಗೆ ನಿರ್ದೇಶಕರು ನಿರ್ಮಾಪಕರುಗಳು ಸಾಲು ಸಾಲು ಸರ್ಪ್ರೈಸ್ ಗಿಫ್ಟ್ಗಳನ್ನ ನೀಡಲಿದ್ದು, ಆ ಪೈಕಿ ಮಿಡ್ನೈಟ್ ಲಾಂಚ್ ಆಗೋ ಕಿಚ್ಚ 46 ಚಿತ್ರದ ಟೈಟಲ್ ಟೀಸರ್ ಕೂಡ ಒಂದು. ಅಲ್ಲದೆ ಮೂರು ಬಿಗ್ ಬಜೆಟ್ ಪ್ಯಾನ್ ಇಂಡಿಯಾ ಹಾಗೂ ಗ್ಲೋಬಲ್ ಸಿನಿಮಾಗಳು ಅನೌನ್ಸ್ ಆಗ್ತಿವೆ.
ಡೆಮೊನ್ ಅಸಲಿ ಹೆಸ್ರು ರಿವೀಲ್ ಜೊತೆಗೆ ಕೆಆರ್ಜಿ ಸ್ಟುಡಿಯೋಸ್ನಡಿ ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿ ರಾಜ್ ನಿರ್ಮಾಣದ ಸಿನಿಮಾ ಅನೌನ್ಸ್ ಆಗಿದೆ. ಇದು ಕೆಆರ್ಜಿ ಬಿಗ್ ಪ್ರಾಜೆಕ್ಟ್ ಆಗಿದ್ದು, ಕಿಚ್ಚ ಸುದೀಪ್ ಅವ್ರೇ 9 ವರ್ಷಗಳ ನಂತ್ರ ಡೈರೆಕ್ಷನ್ ಮಾಡಲಿದ್ದಾರಂತೆ. ಈ ನ್ಯೂಸ್ ಸದ್ಯ ಎಲ್ಲಾ ಅಭಿಮಾನಿಗಳ ದಿಲ್ ದೋಚಿದೆ.
ಕಿಚ್ಚನ ಗ್ಲೋಬಲ್ ಸಿನಿಮಾ ಅನೌನ್ಸ್?
ತೆಲುಗಿನ ಪ್ರತಿಷ್ಠಿತ ಸತ್ಯ ಜ್ಯೋತಿ ಫಿಲಂಸ್ ಬ್ಯಾನರ್ನಡಿ ತಮಿಳಿನ ಚೇರನ್ ಒಂದು ಸಿನಿಮಾನ ಸುದೀಪ್ಗೆ ಡೈರೆಕ್ಟ್ ಮಾಡಲಿದ್ದಾರೆ. ಇವೆಲ್ಲಕ್ಕಿಂತ ಬಿಗ್ ನ್ಯೂಸ್ ಏನಪ್ಪಾ ಅಂದ್ರೆ, ಕಿಚ್ಚನ ಗ್ಲೋಬಲ್ ಸಿನಿಮಾ. ಇದನ್ನ ಕಬ್ಜ ಖ್ಯಾತಿಯ ಆರ್ ಚಂದ್ರು ನಿರ್ದೇಶಿಸಲಿದ್ದು, ಎಸ್.ಎಸ್ ರಾಜಮೌಳಿಯ ತಂದೆ ವಿಜಯೇಂದ್ರ ಪ್ರಸಾದ್ ಕಥೆ ಬರೆಯುತ್ತಿದ್ದಾರೆ. ಇದನ್ನ ಆರ್ಸಿ ಮೂವೀಸ್ ಬ್ಯಾನರ್ನಡಿ ಪ್ಯಾಷನೇಟ್ ಡೈರೆಕ್ಟರ್ ಆರ್ ಚಂದ್ರು ಪ್ರೊಡ್ಯೂಸ್ ಮಾಡಲಿದ್ದಾರೆ, ಜೊತೆಗೆ ಆಕ್ಷನ್ ಕಟ್ ಕೂಡ ಹೇಳಲಿದ್ದಾರೆ. ಕಿಚ್ಚನ ಬರ್ತ್ ಡೇಗೆ ಅನೌನ್ಸ್ ಆಗ್ತಿರೋ ಈ ಪ್ರಾಜೆಕ್ಟ್ ಕುತೂಹಲ ಮೂಡಿಸಿದೆ.
ಇನ್ನು ಸೆಪ್ಟೆಂಬರ್ 2ರ ಬೆಳಗ್ಗೆ ಜೆಪಿ ನಗರದ ಕಿಚ್ಚನ ನಿವಾಸದ ಮುಂದೆಯೂ ಅಭಿಮಾನಿಗಳು ಹಾಗೂ ಹಿತೈಷಿಗಳನ್ನ ಸುದೀಪ್ ಭೇಟಿ ಮಾಡಲಿದ್ದಾರೆ. ಈ ಬಾರಿಯ ಕಿಚ್ಚೋತ್ಸವ ದೊಡ್ಡ ಮಟ್ಟಕ್ಕೆ ಕಿಚ್ಚತ್ತಿಸಲಿದೆ.
- ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ, ಪವರ್ ಟಿವಿ