ಬೆಂಗಳೂರು : ಹಿಂದೆಯೂ ಡಿ.ಕೆ ಶಿವಕುಮಾರ್ ಅವರು ನಗರಾಭಿವೃದ್ಧಿ ಸಚಿವರಾಗಿದ್ರು. ಆಗ ಸಿಂಗಾಪುರ ಮಾಡ್ತೀನಿ ಅಂದಿದ್ರು, ನಾವು ನೋಡ್ತಿದ್ದೇವೆ. ಸಿಂಗಾಪುರ ಬರ್ತದಾ? ಮಂಗಾಪುರ ಬರ್ತದಾ ಎಂದು ಮಾಜಿ ಸಚಿವ ಆರ್. ಅಶೋಕ್ ಗುಡುಗಿದ್ದಾರೆ.
ವಿಧಾನಸೌಧದಲ್ಲಿ ಮಾತನಾಡಿದ ಅವರು, ಬೆಂಗಳೂರು ಟೆರರಿಸ್ಟ್ ಅಡ್ಡಾ ಆಗಿದೆ. ಎನ್ಐಎ (NIA) ತಂಡ ಬೆಂಗಳೂರಿಗೆ ಬರಬೇಕು, ಬೆಂಗಳೂರು ರಕ್ಷಣೆ ಆಗಬೇಕು ಎಂದು ವಾಗ್ದಾಳಿ ನಡೆಸಿದ್ದಾರೆ.
I.N.D.I.A ಇಂಡಿಯಾ ಅಲ್ಲ, ಈಸ್ಟ್ ಇಂಡಿಯಾ ಕಂಪನಿ ಅದು. ಲಾಲೂ ಪ್ರಸಾದ್ ಯಾದವ್ ಜೈಲ್ನಲ್ಲಿ ಇರುವವರು. ಅವರಿಗೂ ಐಎಎಸ್ (IAS) ಅಧಿಕಾರಿ ನೇಮಕ ಮಾಡಿದ್ರಿ. ನಿನ್ನೆ ಜೈಲ್ ಹಾಗೂ ಬೇಲ್ನಲ್ಲಿ ಇರುವವರಿಗೆ ಅಧಿಕಾರಿಗಳನ್ನು ನೇಮಕ ಮಾಡಿದ್ರಿ ಎಂದು ಆಕ್ರೋಶ ಹೊರಹಾಕಿದ್ದಾರೆ.
ಪೇ ಸಿಎಂ (Pay CM) ಅಂದ್ರು, ಈಗ ಏನೂ ಇಲ್ಲ. 4 ರಾಜ್ಯಗಳ ಚುನಾವಣೆಗೆ ಕರ್ನಾಟಕವನ್ನು ಎಟಿಎಂ (ATM) ಮಾಡಲಾಗುತ್ತಿದೆ. ಪೋಲೀಸ್ ಸ್ಟೇಷನ್ನಲ್ಲಿ ಕುರಾನ್ ಹಂಚಿಕೆ ಮಾಡಲಾಗಿದೆ. ವರದಿ ಬಂದ ನಂತರ ಯಾವ ಸ್ಟೇಷನ್ ಎಂದು ಹೇಳ್ತೇನೆ ಎಂದು ಆರ್. ಅಶೋಕ್ ಕಿಡಿಕಾರಿದ್ದಾರೆ.
