ಬಾಲಿವುಡ್ ನಟ ಮಿಥುನ್ ಚಕ್ರವರ್ತಿ ಶ್ವಾನ ಪ್ರೇಮಿ ಎನ್ನುವುದಕ್ಕೆ ಇದಕ್ಕಿಂತ ದೊಡ್ಡ ಪುರಾವೆ ಬೇರೊಂದಿಲ್ಲ. ಬಾಲಿವುಡ್‌ನಲ್ಲಿ ಮಿಥುನ್ ಚಕ್ರವರ್ತಿ ಎಷ್ಟು ದೊಡ್ಡ ಸ್ಟಾರ್ ನಟ ಎಂದು ಎಲ್ಲರಿಗೂ ತಿಳಿದಿದೆ.
ಮುಂಬೈ ಮತ್ತು ಭಾರತದ ಇತರ ಭಾಗಗಳಲ್ಲಿ 116 ನಾಯಿಗಳನ್ನು ಮಿಥುನ್ ಚಕ್ರವರ್ತಿ ಹೊಂದಿದ್ದರು. ವರದಿಗಳ ಪ್ರಕಾರ, ಮುಂಬೈ ಬಳಿಯ ಮಡ್ ಐಲ್ಯಾಂಡ್‌ನಲ್ಲಿರುವ ತಮ್ಮ 1.5 ಎಕರೆ ಆಸ್ತಿಯಲ್ಲಿ 76 ನಾಯಿಗಳನ್ನು ಸಾಕುತ್ತಿದ್ದಾರೆ. ಆ ನಾಯಿಗಳ ಹೆಸರಿಗೆ ಸುಮಾರು 45 ಕೋಟಿ ಆಸ್ತಿ ಬರೆದಿದ್ದಾರೆ ಎಂದು ಅಂದಾಜಿಸಲಾಗಿದೆ. ಇಲ್ಲಿ ಅವರ ವೈಯಕ್ತಿಕ ನಿವಾಸವನ್ನೂ ಹೊಂದಿದ್ದಾರೆ.
ಮಿಥುನ್ ಚಕ್ರವರ್ತಿ ಅವರ ಸೊಸೆ ನಟಿ ಮದಾಲ್ಸಾ ಶರ್ಮಾ ಕಳೆದ ವರ್ಷ ಸಂದರ್ಶನವೊಂದರಲ್ಲಿ ನಾಯಿಗಳ ಬಗ್ಗೆ ಮಾತನಾಡಿದ್ದರು. ನಾಯಿಗಳಿಗೆ ಪ್ರತ್ಯೇಕ ಕೊಠಡಿಗಳಿವೆ. ನಾಯಿಗಳನ್ನು ನೋಡಿಕೊಳ್ಳಲು ಸಿಬ್ಬಂದಿಯನ್ನು ನೇಮಿಸಲಾಗಿದೆ ಎಂದಿದ್ದರು. ನಟ ಮಿಥುನ್ ಚಕ್ರವರ್ತಿ ಒಂದು ಕಾಲದಲ್ಲಿ ಬಾಲಿವುಡ್ ನಲ್ಲಿ ಸ್ಟಾರ್ ಹೀರೋ ಆಗಿ ಮಿಂಚಿದ್ದರು. ಬಡ ಕುಟುಂಬದಿಂದ ಬಂದ ಮಿಥುನ್ ಸಿನಿಮಾದಲ್ಲಿ ಅವಕಾಶ ಅರಸಿ.. ರೈಲ್ವೇ ನಿಲ್ದಾಣ, ಫುಟ್ ಪಾತ್ ಗಳಲ್ಲಿ ಮಲಗಿದ್ದಿದೆ.
ಇದನ್ನೂ ಓದಿ: ಚನ್ನಪಟ್ಟಣ ಉಪಚುನಾವಣೆ: ಮೈತ್ರಿ ಅಭ್ಯರ್ಥಿ ನಾನೇ- ಸಿ.ಪಿ ಯೋಗೇಶ್ವರ್
ಈಗ ಮಿಥುನ್ ಕೋಟ್ಯಾಧಿಪತಿ. ಮಿಥುನ್ ಚಕ್ರವರ್ತಿ ಸುಮಾರು 400 ಕೋಟಿ ಆಸ್ತಿ ಹೊಂದಿದ್ದಾರೆ. ಊಟಿಯಲ್ಲಿರುವ ಮಡ್ ಐಲ್ಯಾಂಡ್‌ನಲ್ಲಿ ಮಿಥುನ್ ಮನೆ ಹೊಂದಿದ್ದಾರೆ. ಹಲವಾರು ಹೋಟೆಲ್‌ಗಳ ಮಾಲೀಕರು. ಮುಂಬೈ ಬಳಿ ಫಾರ್ಮ್ ಹೌಸ್ ಹೊಂದಿರುವ ಮಿಥುನ್ ಚಕ್ರವರ್ತಿ ಮೈಸೂರಿನಲ್ಲೂ ಅಪಾರ ಆಸ್ತಿ ಹೊಂದಿದ್ದಾರೆ ಎಂದು ವರದಿಯಾಗಿದೆ.ಮಿಥುನ್ ಚಕ್ರವರ್ತಿ ಯೋಗಿತಾ ಬಾಲಿ ಅವರನ್ನು ವಿವಾಹವಾದರು. ನಂತರ ಶ್ರೀದೇವಿಯನ್ನೂ ಮದುವೆಯಾದರು ಎಂಬ ವದಂತಿ ಹಬ್ಬಿತ್ತು. ಮಿಥುನ್ ಚಕ್ರವರ್ತಿ ಅವರಿಗೆ ನಾಲ್ಕು ಮಕ್ಕಳಿದ್ದರು.
