ಬಾರ್ಬಡೋಸ್ ಅಂಗಣದಲ್ಲಿ ರಣರೋಚಕ ಗೆಲುವಿನೊಂದಿಗೆ ಟೀಮ್ ಇಂಡಿಯಾ ಟಿ-20 ವಿಶ್ವಕಪ್ಗೆ ಮುತ್ತಿಕ್ಕಿದೆ. ಈ ಅವಿಸ್ಮರಣೀಯ ಕ್ಷಣದ ಜೊತೆಗೆ ಚುಟುಕು ಕ್ರಿಕೆಟ್ಗೆ ಗುಡ್ ಬೈ ಹೇಳಿದ್ದಾರೆ ನಾಯಕ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ. ಇವರ ಹಾದಿಯಲ್ಲೇ ಸಾಗಿದ್ದಾರೆ ಮತ್ತೋರ್ವ ಹಿರಿಯ ಆಟಗಾರ ರವೀಂದ್ರ ಜಡೇಜಾ.
ವಿರಾಟ್ ಕೊಹ್ಲಿ ನಾಯಕನಾಗಿ ಅಂಡರ್ 19 ವಿಶ್ವಕಪ್ ಗೆದ್ದ ತಂಡದಲ್ಲೇ ರವೀಂದ್ರ ಜಡೇಜ ಕೂಡ ಇದ್ರು. ಅಂದಿನಿಂದ ಈವರೆಗೆ ಭಾರತೀಯ ಕ್ರಿಕೆಟ್ನಲ್ಲಿ ವಿರಾಟ್ ಕೊಹ್ಲಿ ಜೊತೆಯಲ್ಲೇ ಸಾಕಷ್ಟು ಕ್ಷಣಗಳನ್ನು ಕಂಡಿದ್ದಾರೆ. ಸೋಲು ಗೆಲುವಿನಲ್ಲಿ ಭಾಗಿಯಾಗಿದ್ದಾರೆ ಆಲ್ರೌಂಡರ್ ಜಡೇಜಾ. ಟಿ20 ಜೊತೆಗೆ ಏಕದಿನ ಮತ್ತು ಟೆಸ್ಟ್ ಮಾದರಿ ಕ್ರಿಕೆಟ್ಗಳಲ್ಲೂ ತಮ್ಮ ಛಾಪು ಮೂಡಿಸಿದ್ದಾರೆ. ಇದೀಗ ಕಿರಿಯರಿಗೆ ಅವಕಾಶ ಮಾಡಿಕೊಡಲು ವಿಶ್ವಕಪ್ ಗೆಲುವಿನ ಜೊತೆಗೆ ವಿದಾಯ ಹೇಳಿದ್ದಾರೆ.
ಇದನ್ನೂ ಓದಿ: T20 World cup: ವಿರಾಟ್ ಕೊಹ್ಲಿಗೆ ಪತ್ನಿ ಅನುಷ್ಕಾ ಶರ್ಮಾ ಪ್ರೀತಿಯ ಸಂದೇಶ
35 ವರ್ಷದ ರವೀಂದ್ರ ಜಡೇಜಾ ಟಿ20 ಮಾದರಿಯಲ್ಲಿ ಈವರೆಗೆ 74 ಪಂದ್ಯಗಳನ್ನು ಆಡಿದ್ದಾರೆ. ಒಟ್ಟು
21ರನ್ಗಳ ಸರಾಸರಿ ಹೊಂದಿರುವ ಅವರು, 127 ಸ್ಟ್ರೈಕ್ ರೇಟ್ ಮೂಲಕ 515 ರನ್ ಕಲೆಹಾಕಿದ್ದಾರೆ. 46 ಅವರ ವೈಯಕ್ತಿಕ ಗರಿಷ್ಠ ಸ್ಕೋರ್ ಆಗಿದೆ. ಇನ್ನು ಬೌಲಿಂಗ್ನಲ್ಲಿ 29ರ ಸರಾಸರಿಯಲ್ಲಿ 54 ವಿಕೆಟ್ ಕೂಡ ಕಬಳಿಸಿದ್ದಾರೆ. ಈ ಸ್ಪಿನ್ನರ್ 4 ಮೇಡನ್ ಓವರ್ ಹಾಕಿದ್ದು ಕೂಡ ವಿಶೇಷವಾಗಿದ್ದು, 15ರನ್ಗಳಿಗೆ 3 ವಿಕೆಟ್ ಇವರ ಬೆಸ್ಟ್ ಬೌಲಿಂಗ್ ಪರ್ಫಾರ್ಮೆನ್ಸ್ ಆಗಿದೆ.
ಇನ್ನು ತಂಡದಲ್ಲಿನ ಅತ್ಯುತ್ತಮ ಫೀಲ್ಡರ್ಗಳ ಪೈಕಿ ಒಬ್ಬರಾಗಿರುವ ಜಡೇಜಾ ಈ ಮಾದರಿಯಲ್ಲಿ 28 ಕ್ಯಾಚ್ ಪಡೆದಿದ್ದು, 10 ರನೌಟ್ ಮಾಡಿದ್ದಾರೆ. ಆಲ್ರೌಂಡರ್ ಆಗಿ ಒಂದೊಮ್ಮೆ 616 ಅಂಕಗಳಿಸಿ ಉನ್ನತ ಸ್ಥಾನದಲ್ಲಿದ್ದ ಅವರು, ಕಳೆದೊಂದು ವರ್ಷದಲ್ಲಿ ಕೊಂಚ ಮಂಕಾಗಿದ್ದಾರೆ.
ವಿಶ್ವಕಪ್ ಟೂರ್ನಿಯಲ್ಲಿ ಅಗತ್ಯ ಸಂದರ್ಭಗಳಲ್ಲಿ ತಂಡಕ್ಕೆ ತಮ್ಮ ಕಾಣಿಕೆ ನೀಡಿದ್ದಾರೆ. ತಂಡದಲ್ಲಿ ಜಡ್ಡು ಅಂತಾನೇ ಫೇಮಸ್ಸಾಗಿದ್ದ ಅವರು, ಐಪಿಎಲ್ ಟೂರ್ನಿಯಲ್ಲಿ ಸಿಎಸ್ಕೆ ಪರ ಧೋನಿಯ ಆಪ್ತರಾಗಿ ಹಲವು ಬಾರಿ ಮಿಂಚಿರುವುದು ವಿಶೇಷ.